besoek www.wilandi.co.za

Die koue loer vir ons en as jy soos ek is begin mens mos soek vir enige rede om te kan sop maak... Wel, daardie middag as jy by die huis kom, en jy besef dat jy nog niks vir aandete beplan het nie en jy het minder as ‘n half uur voordat die kinders se sirkel om jou vernou en jy omsingel is met “mamma, wat’s vir aandete ek is hommer...” Dis genoeg rede om hierdie sop te maak!

Bestanddele:

1 gekapte ui

5ml kerriepoeier

1kg skorsie - in stukke gesny

1 blikkie klappermelk

Metode:

Braai die ui en kerriepoeier in bietjie olie totdat ui deursigig is en kerriegeur ontwikkel het.

Voeg die skorsie by en bedek net-net met water (moenie die skorsie laat swem nie...)

Kook totdat die skorsie sag is en verpulp.

Voeg klappermelk by en meng goed.

The Chocolate cake you’ll never forget.

I am Wilandi Esterhuysen and I love chocolate. Ok, that’s a lie. I adore chocolate and I simply cannot resist chocolate cake. I am always looking for an even better, chocolatier, melt in the mouth , take-away-all-my-troubles piece of chocolate cake. When I made this recipe, I knew, this one I’ll never forget. it was love at first sight. The buiscity outer layer with the charming cracks you just want to pick of and nibble, and then to let your spoon slide into the moist dense inside.... This is the one! It’s a real keeper!

Important notice:

This recipe is made at own risk. By using this cake you indemnify all parties of addiction, lost in the moment consequences, melt away from time and place experiences or any other irresponsible behaviour.

Ingredients:

250 g 70% dark chocolate, broken into pieces

75 ml milk

5ml vanilla extract or paste

150 g golden brown sugar

100 g potato starch (this can be found at Dischem or health stores or even at some supermarkets)

60 g ground pecan nuts

6 eggs, separated

Cocoa powder for dusting

Method:

Prepare a loose-bottomed cake tin and heat the oven to 170°C.

In a glass bowl, melt the chocolate in the milk by microwaving at high for 20 seconds and stir - take care - if it gets too hot, the chocolate will burn. If after 20 seconds it’s not  melted, repeat in 10 second increments until melted. Remember to stir in between.

Gently stir in the vanilla, half the sugar and all the potato flour.

In a small bowl mix the egg yolks with the pecan nuts, then stir this into the chocolate mixture.

Beat the egg whites until they are firm, then add the remaining sugar spoon by spoon while beating until stiff and glossy.

Add about a quarter of the egg whites to the chocolate mixture and fold in using a large metal spoon.

Now that the mixture is loosened add the remaining whites - fold in with a ‘light hand’, be careful not to overmix!

Scrape into the prepared tin and place in the oven. Turn the heat down to  150°C and bake for 45 minutes, check after 35 minutes. If it springs back after you press it in lightly, it’s ready. You can also test with a pin.

Leave to cool for about 20 minutes before taking it out of the tin, dust with cocoa.

As kind verskyn die dinge mos net op die tafel en jy aanvaar net dit kom weer, totdat jy jou eie moet maak... dan skielik kry jy bewondering vir jou ma wat op kampvakansies die tuisgebakte vrugtekoek laat verskyn het... Groot was my verbasing toe ek hoor hierdie koek kan ek binne 45 minute (mengtyd ingelsuit) maak! As jy ook laat geslaap het kan jy steeds (en sonder baie moeite) jou vrugtekoek vir kersfees regkry. Viva ma’s! Jy het nodig:

600g Koekmengsel / rosyne

250g dadels

250ml bruinsuiker

125g botter

100ml water

150ml brandewyn

5ml koeksoda

240g koekmeel

2t kakao

2t kits koffiepoeier

5ml gemengde speserye

2ml sout

5ml gemmer (fyn)

2 geklitsde eiers

100g kersies

100g neute

Maak so:

Meng jou koekmengsel (of rosyne), dadels, bruinsuiker, botter, water en brandewyn en plaas in mikrogolf op 100％ vir 6 minute - roer na 3 minute.

Haal uit, voeg koeksoda by , meng goed deur en laat afkoel.

Meng koekmeel, kakao, koffiepoeier, gemengde speserye, sout, gemmer, kersie en neute.

Meng die afgekoelde mengsel ook by en lqaastens die eiers.

Plaas in mikrogolf vir 30 minute op 30％ en dan vir 1 minuut op 100％.

En daar is jou vrugtekoek - jy kan nou begin rypmaak (as jy die behoefte om te peuesel daaraan kan weerstaan…)

Meng die volgende en laat kook oor lae hitte totdat al die suiker gesmelt het:

2k water

3/4k suiker

1/2k brandewyn

Gebruik dit om die koek elke paar dae te deurweek om dit ryp te maak. Gebruik slegs soos nodig en stoor die res in die yskas.

Vir kersdag kan jy jou koek na wense versier. Ek het malvalekke gemaak en dit darmee bedek (resepook op die blog) en afgerond met vars kersies en bessies.

Omdat dit nie so soet is soos gewone botterversiersel nie, maak ek gereeld die malvalekker versiersel, maar ek vind elke keer dat hierdie ekonomiese versiersel selfs baie meer voortbring as wat my kolwyntjies kan dra... so hoekom nie die malvalekker inspan as vinnige nagereg, of mooi soetbordjie nie? Plant dit saam met vetplantjies uit die tuin in sjokoladegrond dan het jy nie net ‘n mooi gereg nie, maar ook heerlike verskillende teksture.

 Geskroeide malvalekker in sjokoladegrond

Bestanddele:

Sjokoladegrond:

70g Sjokolade (donker of melk)

100g strooisuiker

30ml water

Malvalekker:

160g suiker

90ml water

2 eierwitte

2ml kremetart

2ml sout

5ml vanieljegeursel (of ander geursel na keuse)

20ml gelatien

30ml water

 Metode:

Sjokoladegrond:

Verhit die suiker en water in ‘n pot  - hou die deksel op om te help dat kristalle nie aan die kante vorm nie. En moenie laat kook voordat al die suiker nie gesmelt is nie.

Kap die sjokolade in vingernaelgrootte stukke

Wanneer die suiker 130°C bereik (suiker is gesmelt en die kleur verander na ligte karamel), haal van die hitte af

Gooi die sjokolade by die suiker en roer BAIE VINNIG met ‘n draadmenger - maak seker al die sjokolade is bedek met suiker tydens die roer. Meng so vir omtrent 2 minute.

Strooi die grond op die opdienbord

Hierdie mengsel kan in ‘n lugdigte houer vir maande stoor.

Malvalekker:

Strooi die gelatien oor die 30ml water en laat spons.

Oor lae hitte, verhit die res van die bestanddele totdat die suiker gesmelt is - moenie laat die eierwitte stol nie, roer vinnig met draadmenger. (jy kan ook ‘n dubbelkoker gebruik)

Wanneer die suiker volledig gesmelt is verplaas na mengbak van elektriese menger en klits op hoë spoed.

Smelt die gesponsde gelatien in die warm pot - moenie kook nie -  en voeg by die eiermengsel terwyl dit klits

Klits totdat stywe punt vorm en die mengsel blink. Maar hou dop dat jy ophou klits voordat die gelatien stol.

Werk vinnig, skep van die malvalekker in ‘n spuitsak met verlangde punt en spuit ‘hopies’ mavlalekker op die voorbereide sjokoladegrond.

Skroei die malvalekker met jou kombuis steekvlam (blowtorch)..

As die gaste kom kuier wil mens mos maar ietsie spesiaal maak, veral as jy so soettand soos ek het, dan is enige geleentheid genoeg rede om die idees aan die gang te kry vir ‘n lekker nagereg! En nagereg is ook iets wat juis mooi gemaak kan word (nie dat kos nie kan nie, maar soet lyk mos sommer net mooier…). Hierdie lekker maklike resep is ‘n heerlike geleentheid om te speel met jou kos - self terwyl jy dit eet… (en die truffels kan selfs lank voor die tyd gemaak word en gestoor word tot nodig!)

Bestanddele:

Truffels:

300g donker sjokolade

90ml room

30ml kitskoffie (opsioneel - hierdie kan vervang word met einge geursel (pas die hoeveelheid aan) of selfs ‘n lekker likeur.

100g sjokolade (wit of bruin)

Tandestokkies of sostiestokkies - of Wil&i staanders en basis.

Vinnige malvalekker

2 eierwitte

160g suiker

2ml sout

2ml kremetart

90ml water

20ml gelatien

30ml water

Metode:

Vir die truffels:

Verhit die room oor lae hitte - as jy koffie gebruik, voeg dit hier in en roer totdat heeltemal opgelos.

Plaas die sjokolade in ‘n groot genoeg bak om te kan meng.

Wanneer die room goed verhit is (net voor kookpunt) giet oor die sjokolade.

Klits met lepel of draadmenger om goed te meng - as die sjokolade nog nie heeltemal gesmelt is nie, verhit in die mikrogolfoond vir 20 sekonde intervalle en roer tussenin totdat alles goed gemeng is.

As jy ander geursel of likeur gebruik voeg dit nou in en meng goed.

Voer ‘n bakplaat of bak met bakpapier uit en giet die sjokolademengsel in

Bestrooi met neute (opsioneel)

Laat in yskas totdat so gestol is dat dit gesny kan word.

Haal uit en sny.

Steek ‘n stokkie in elke truffelvorm en laat staan.

Smelt die 100g sjokolade en doop elke stuk daarin, en laat stol.

Plaas in die yskas om vinniger te laat stol.

Stoor in lugdigte houer as jy dit nie dadelik gaan gebruik.

Vir die Malvalekker:

Strooi die gelatien oor die 30ml water en laat spons.

Oor lae hitte, verhit die res van die bestanddele totdat die suiker gesmelt is - moenie laat die eierwitte stol nie, roer vinnig met draadmenger. (jy kan ook ‘n dubbelkoker gebruik)

Wanneer die suiker volledig gesmelt is verplaas na mengbak van elektriese menger en klits op hoë spoed.

Smelt die gesponsde gelatien in die warm pot - moenie kook nie -  en voeg by die eiermengsel terwyl dit klits

Klits totdat stywe punt vorm en die mengsel blink. Maar hou dop dat jy ophou klits voordat die gelatien stol.

Werk vinnig, skep van die malvalekker in ‘n spuitsak met verlangde punt en versier die truffelvormpies daarmee.

Laat in die basis staan en bedien.

Koolslaai is so lekker maklike slaai, en verskyn met baie hoë frekwensie op ons aandete bord. Juis daarom het ons hom nou al ‘n paar variasies gegee - komkommer bygevoeg, appel of pynappel ingemeng, en sonneblomsaad werk ook baie goed. Maar dit is die nuutste byvoeging - eintlik deur my man gedoen - wat tot hierdie idee gelei het! Die oomblik toe sojasous bygevoeg word het ek geweet, hierdie kan mos werk vir soesji! Doen dit so:

Koolslaai in ‘n rol

1 klein koolkop (pers kool sorg vir mooi kleur)

3 wortels gerasper

1 groot beet (of 2 kleintjies), gerasper

mayonaise

ryspapier

sesamisaad - in ‘n platbord gestrooi

Sojasous

ingelegde gemmer (opsioneel)

Metode:

Sny die kool met ‘n skerp mes in stroke (gerasper is die tekstuur net te veel soos die wortels en beet).

Week 2 sirkels ryspapier in water vir +/- 1 minuut totdat dit begin sag word.

Plaas die ryspapiersirkels presies opmekaar in ‘n bord en vul met beet. wortels en kool deur ‘n strook in die middel te vorm - moenie te vol maak nie want die ryspapier skeur maklik, maar vol genoeg dat dit ‘n stewige rol vorm.

Draai versigtig, maar styf toe.

Rol in die sesamisaad en sny dan in skywe.

spuit ‘n blerts mayonaise op en rond af met nog saad.

Bedien met sojasous en ingelegde gemmer.

Dis Nasionale Melktertdag, en daar kan nie so dag verby gaan wat ek nie ook deel in die melktertpret nie! Ek is baie trots dat my Doilie-melktert in die Melktertversameling van Mari-Louis Guy en Callie Maritz mag pryk! Hierdie span het die manier om enige gebak net so proffessioneel en afgerond deur te gee! Ek het nog ‘n lang pad van droom om op die helde se vlak te kom, maar deel wel my lank en uitgebreide weergawe van my koffiemelktert met julle! Want wat gaan nou beter by melktert as koffie?

Koffiemelktert

OOND TEMP: 180˚C en 200˚C

Aantal Porsies: 1 melktert

ALGEMENE inligting: die melktert is nie die gebakte melktert nie, maar ‘n spoggerige weergawe van die ongebakte melktert met hemelse koffie en nartjiegeure.

Bestanddele:

Koekiebasis (Maak net ½ aan):

250ml botter

2 Koppies suiker

6 Koppies meelblom

250ml melk

½  Koppie goue stroop

2 Eiers

5ml koeksoda

½ teelepel (5ml) fyn kaneel

½  Eetlepel (15ml) gemengde speserye

½ teelepel (5ml) neutmuskaat

½  teelepel (5ml) naeltjies

1ml sout

Melkpap (resep maak genoeg vir 2 terte):

600ml melk

3 eiers

100ml bruinsuiker

60ml mielieblom

50ml koekmeel

5ml vanielje-geursel

50g botter

3 nartjies se skil (gerasper)

Sjokoladeseëllaag:

250g wit sjokolade gesmelt

Filo:

1 pak (2 rolle) tot 2 pakke (4 rolle)

250g botter

20ml koffiepoeier aangemaak met net genoeg kookwater om ekstrak te vorm

60ml bruinsuiker

Kaneelstroop (opsioneel):

¾ k bruinsuiker

60ml suiker

2.5ml kaneel

Proses:

Die koekiebasis:

Voorverhit oond op 180˚C.

Meng die botter deeglik.

Voeg die suiker by en klop tot donsig.

Sif die droë bestanddele, behalwe die koeksoda, saam.

Klop die eiers goed saam met die melk.

Voeg droë bestanddele om die beurt met vloeistof by botter mengsel.

Roer stroop in.

Los die koeksoda in klein bietjie warm melk op.

Voeg by die deeg en meng deeglik.

Rol dun uit en sny sirkel met 21cm deursnit uit.

Bak in voorverhitte oond vir 15 minute tot goudbruin en krakerig.

Laat op afkoelrak afkoel

Maak die melkpap:

Plaas die melk en nartjieskil in kastrol oor matige hitte en verhit tot net-net voor kookpunt

Klits die eiers liggies by die suiker in

Voeg die mielieblom en meel by en meng totdat dit ‘n gladde pasta vorm

Giet die warm melk by die eiermengsel en roer met sterk hale vinnig deur

Plaas die mengsel terug op die stoof en roer aanhoudend tot die mengsel dik word en begin kook

Haal van die plaat af en voeg die vanielje-geursel en botter by – meng liggies deur

verkoel in spuitsak

Wanneer afgekoel:

Spuit 1 laag op koekiebasis met groot ronde punt, en laat so stol, herhaal nog 2 keer

Filofrille:

Stel oond nou op 200˚C.

Gebruik eers slegs 1 pak filo.

Gebruik ‘n 27cm koekring om die sirkels uit te merk op die filovelle

Knip uit met skêr (jy kan al die velle gelyk knip as die boonste gemerk is)

Sny die vol sirkels uit soos moontlik en half waar die vol sirkel nie in die vel inpas nie.

Merk met ‘n koppie ‘n klein sirkel in die middel van die groter sirkel en sny die klein sirkel ook uit om ‘n ringvorm te skep.

Sny die ring op een plek deur .

Bewaar onder ‘n klam lap en gebruik soos nodig in die proses.

Bou die frille so:

Meng die koffie-ekstrak en suiker totdat al die suiker opgelos is

Smelt die botter

Meng 15-30ml botter met koffiemengsel

Neem filo en verf met botter-koffiemengsel, verf net soos nodig in proses – moenie vooruit verf..

Gebruik  die sirkels om ‘n laag frille te vorm op ‘n silpat of bakpapier op ‘n oondplaat

Bak vir omtrent 5 minute terwyl die smeer en snyproses herhaal

Vul die botter-koffie mengsel met gesmelte botter aan soos nodig – sodat die laaste lae van die 3 de filokonstruksie so te sê geen koffie in die bottermengsel het nie – die kleur gaan dus van donker bruin in die onderste konstruksielae na ligbruin in dieboonste konstruksielae.

Haal uit en pak 2de laag en bak weer vir 5 minute en herhaal 6 keer

Laat op afkoellrak afkoel

Maak 3 van hierdie konstruksies

Wanneer melkpap gestol is, plaas filofrille versigtig op

Giet dun lagie wit sjokolade

Spuit knope melktertpap rondom in sirkel

Pak filo konstruksie 2

En herhaal totdat laaste filokonstruksie gepak is.

Geroosterde neute (opsioneel):

100g amandelvlokkies

Rooster neute in oondpan in voorverhitte oond by 200˚C vir omtrent 7 minute, rond koek se voete af met die neute

Stroop:

Smelt die suiker in die water sonder dat dit kook

Bring tot kook en laat effens verdik

Voeg kaneel by en laat meng – swaai pot om hitte en kaneel te versprei

Bedien saam met melktert

Dis somer, en dis warm. Dit beteken nie dat ek nie steeds koffie wil drink nie! Maar as koffie dan nou as ‘n koue drankie bedien kan word sal dit ideaal wees! En dit kan! Die koffie-neiging vir die somer is “Cold brew”. Ek het Koffieguru, Mike MacDonald hieroor uitgevra:

1) Wat is Cold Brew?

Cold brewed coffee tastes very different to hot brewed coffee. Cold brewed coffee needs to extract for a longer period of time, as one needs to remember that water temperature will affect the extraction rate. Interestingly- water temperature for brewing will also dramatically affect the acidity profile of the final brewed cup. Hot brewed coffee will have a higher level and more diverse array of acids in the brew. Cold brewed coffee will have much less. This can be positive or negative and depends entirely on the coffee being used and the brewing approach/ technique.

2) Kan ek dit by die huis maak?

You can absolutely make it at home.

A good start would be to work on 100g to 1l water.

Coarse grind.

Room temperature or chilled water.

Put it all together in a vessel and let it extract for at least 10hrs.

Then filter out using linen cloth/ cheesecloth, or something else you can think of.

Experimentation is necessary if you are to succeed.

3) ‘n Kreatiewe idee om cold brew te bedien?

Half and Half cold brew and tonic water and then perhaps add a sprig of rosemary, squeeze of lime or perhaps some other exotic fruit.

I prefer it straight up though. Chilled and unadulterated.

Wat is Valentynsdag sonder die rooi en wit? Hierdie tuisgemaakte malvalekker is nie net spesiaal nie, maar ook baie mooi in rooi (en wit) en vrek lekker om julle te bederf vir ‘n Valentynsdag! Gebruik sommer as tafelversiering!

Regte egte malvalekker met rooi bessies en ander versierings:

(resep gebasseer op dié van my gunsteling kospersoon, Donna Hay):

Bestanddele:

125ml warm water

30ml gelatienpoeier

330g strooisuiker

230g vloeibare glukose

125ml water (ekstra)

5ml vanieljepoeier of sade van 1 vanielje peul

250ml geroosterde neute van keuse

240g versiersuiker

35g mielieblom

Rooi bessies, eetbare blomme, granaatpitte en ander rooi items om te versier.

Metode:

Giet die warm water in die mengbak van ‘n elektriese menger en strooi die gelatien oor. Roer om te meng, en laat eenkant staan.

Plaas die strooisuiker, glukose en water in ‘n pot oor lae hitte, laat die suiker smelt, verhoog temperatuur en verhit tot 115℃ (omtrent 5-7 minute).

Terwyl menger op hoog meng, giet die warm stroop met ‘n dun straal in die gelatien mengsel. Voeg die vanielje en neute by en klits 5-7 minute totdat dik en donserig is.

Werk vinning en skep in voorbereide bakplaat. Maak gelyk deur bakpapier op te sit en kleiner bakplaat bo-op.

Laat in yskas stol vir 1-2 ure

Meng die versiersuiker en mielieblom.

Wanneer die malvalekker gereed is, bestrooi ‘n oppervlak liggies met versiersuikermengsel, keer uit en bestrooi met versiersuiker mengsel. Versier met rooi bessies, eetbare blomme en ander rooi idees!

Sny met mes (wat ook bestrooi word) in blokkies wanneer bedien.

Dis eintlik een van daardie vrae wat nie ‘n antwoord nodig het nie, maar met Valentynsdag om die draai (en die hoop dat ek ‘n goeie sjokolade gaan kry… ek hoop my man lees hierdie nuusbrief...) is ek op soek na bewyse om al die bederf te kan geniet (mens moet positief wees!). Ek het wel op ‘n hele paar baie goeie redes afgekom, om dit selfs amper noodsaaklik te maak om hierdie bederf ten volle te geniet! Kyk bietjie hier!

Volgens BestHealthMag is daar ten minste 7 redes hoekom sjokolade goed is vir jou! Die 3 wat vir my die meeste uitgestaan het is (jy kan die volle artikels lees as jy die skakels volg!):

1. Donker sjokolade verlaag cholestrol:

Alhoewel dit ‘n klein studie deur die Universiteit van Illinois se Urbana-Champaign was, is bevind dat die daaglikse inname van kakao flavanol- bevattende donker sjokolade cholestrol verlaag en bloeddruk verbeter.

2. Dit kan jou vel  teen die son beskerm:

Navorsers van Duitsland se Heinrich Heine Universiteit het bevind dat van die komponente in sjokolade soos UV filters reageer, en dus jou vel beskerm teen die son!

3. Dit kan help om hartsiektes te voorkom:

Dit behels wel dat jy gereeld 70% donker sjokolade moet eet, en verkieslik nie saam met melk nie, want die melkproteien, Kaseien, reageer met die sjokolade en verhoed die regte opname in jou liggaam.

AuthorityNutrition.com vertel van die goeie voedingswaarde van sjokolade wat so daaruit sien:

‘n 100g donker sjokolade met 70-85% kakao bevat:

11g vesel

67% van die VDI (voorgestelde daaglikse inname) vir Yster

58% van die VDI vir Magnesium

89% van die VDI vir Koper

98% van die VDI vir Manganese

Dit bevat ook kalium, fosfor, zink en selenium.

Dit is wel belangrik om te onthou dat 100g sjokolade baie is en veral baie suiker en vet bevat, so dit is belangrik om te weet wat is ‘n goeie porsie donker sjokolade per dag. Volgens MindBodyGreen.com is ‘n goeie porsie 30-60g per dag.

Sjokolade werk so lekker saam met koffie, dat die inligting dat beide soveel voordele het goeie nuus is. Joe Graedon op Peoplespharmacy.com het geskryf dat bewyse al hoe meer word dat koffiedrinkers ‘n laer risiko het om Diabetes 2 te ontwikkel. (Dus is dit ‘n goeie maat vir sjokolade wat maar met suiker kom…). Hierdie artikel vertel ook dat vroue wat meer as 4 koppies koffie per dag drink ‘n laer risiko vir beroerte het as vroue wat slegs 1 koppie ‘n maand drink!

So, drink jou koffie en geniet jou sjokolade hierdie valentynsdag! Hier volg ook ‘n resep om jou eie sjokolade geskenk te maak!

Donna Hay se sjokolade truffels:

Bestanddele:

180ml room

600g donker sjokolade

Kakaopoeier om te bestrooi

Metode:

Voer ‘n 200mm x 200mm bakplaat uit met bakpapier - laat die kante genoeg oorsteek dat jy dit kan gebruik om die gestolde truffels later uit te kry.

Plaas die sjokolade in ‘n glas mikrogolf-veilige beker

Verhit die melk op die stoof tot kookpunt en giet oor sjokolade

Meng met lepel of draadmeger om gladde mengsel te kry - verht in mikrogolf vir 30 sekondes in dien nodig.

Giet in bakplaat en laat vir 2-3 ure in yskas om te stol.

Bestrooi met kakaopoeier.

Wat gebeur as jy pasta in die oond bak in plaas van in water kook... Dit is wat gebeur: die lekkerste en maklikste platbroodskywe! EN as jy nou nog verskillende vars kruie en sade in die deeg knie voor jy dit uitrol, is dit ‘n absolute wenner! Hier volg die resep met ook ‘n avokado en roomkaas doopmaat en tamatie, uie en basilliekruid salsa.

Bros pastaskywe:

Bestanddele:

500ml meel

3ml sout

3 eiers

10ml olyfolie

250ml kruie van keuse (soos grasuie, basilliekruid, pietersielie, tiemie)

250ml gerasperde parmesankaas (opsioneel)

30ml sade (soos komynsaad, uiesaaf, selderysaad) (opsioneel)

growwe sout

varsgemaalde peper

Metode:

Meng meel en sout in mengbak

Meng die olie en eiers in aparte bak.

Maak ‘n holte in die middel van die meel en giet die eiermengsel in

Meng met menger (nie die deeghaak) totdat ‘n gladde deeg vorm (omtrent 5 minute) of knie met die hand vir omtrent 10 minute.

Bedek en laat op matige warm plek rus vir minstens 30 minute.

Voeg die kruie, kaas en sade by , knie in en verdeel in balletjies (omtrent teelepelgrootte).

Rol uit op stelling 1; 4; 8 (of met die hand op meelbestooide oppervlakte tot omtrent 1 mm dikte)

Plaas in oondpan wat met bakpapier uitgevoer is, bestrooi met growwe sout en varsgemaalde peper en bak by 200 ℃ vir 10-12 minute of totdat begin bruin verkleur op die randte.

Avokado, basillie en roomkaas doopmaat:

Bestanddele:

4 avokadopere (omtrent 500g) fyngemaak

40ml lemmetjiesap

skil van 1 suurlemoen

250ml suurroom

250g creme fraiche

230g volroom maaskaas

vars kruie van keuse (bv. basilliekruid, koljander, mikrokruie): omtrent 250ml gekap

sout en peper na smaak

30ml gelatien

60ml koue water

Metode:

Verpulp die avokado, lemmetjiesap en suurroom saam.

Voeg creme fraiche, maaskaas en skil by en meng.

Geur na smaak.

Strooi gelatien oor water en laat spons (omtrent 5 minute).

Plaas in mikrogolfoond vir 10 sekondes, roer goed en herhaal nog 2-3 keer totdat gelatien gesmelt is - MAAR GELATIEN MOET NIE KOOK NIE.

Laat effens afkoel en voeg by kaasmengsel terwyl klits

Plaas in voorbereide vorm/tertpan bedek en laat in yskas om te stol (omtrent 2 ure).

Tamatie, ui en kruie salsa:

Bestanddele:

1 Tamatie - in klein blokkies gesny

1 ui - gekap

1k basilliekruidblare - gesnipper

Sout en peper na smaak

30-50ml Slaaisous van keuse

Metode:

Mengs als saam en laat marineer vir minstens 30 minute (oornag is ideaal).

Na alles wat ons in Desember ondiskriminerend verorber het, het Januarie mos nogal streng reëls oor wat en wat mag nie verby die wag voor die mond gaan nie. Dit beteken nie dat die Desember behoeftes na ‘n lekker soet nagereg sommer net so verdwyn nie... Hier is ‘n roomys, wat Banters gelukkig maak en ook almal wat lus kry vir daardie soet dingetjie na ete.

Suikervrye roomys met neute 

Bestanddele:

500ml Room

250ml melk

80ml Xylitol

2ml sout

6 eiergele

125ml gekapte neute van keuse

5ml vanielje ekstrak / poeier

Metode:

Klits alles goed saam

Kook oor matige hitte totdat die vla die agterkant van ‘n houtlepel bedek

Laat goed afkoel - selfs oornag in yskas as daar tyd is.

Giet deur ‘n sif in die roomysmaker en laat draai vir omtrent 30minute (aghangende van masjien) en vries.

(Nota: As ‘n roomysmasjien nie beskikbaar is nie, giet in bak en roer met intervalle terwyl dit vries om die yskristalle op te breek sodat die roomys nie in ‘n stuk ys nie.)

Wat maak jy vir kersfeespoeding? Ek het hierdie idee gekry en nou maak ek genoeg om sommer te vries vir wanneer die familie kom en almal wil kuier en niemand lus is vir kosmaak nie! 

 (Maak 6 met 6cm deursneë)

Bestanddele:

300g Sjokolade van keuse

2 eierwitte

160g suiker

90ml water

1ml sout

2ml kremetart

5ml vanieljegeursel

30ml Wil&i spekulaas taai toffiesous

125ml geroosterde klapper

20ml gelatien

60ml water

Blommetjies of sade of ander versierings

Metode:

Gebruik ‘n silikoon pan (ek gebruik die half sirkels) - moenie spuit nie. Plaas jou versiering onder in.

Smelt sjokolade in mikrogolf oond (30 sek op ‘n keer en roer gereeld)

Skep ‘n  lepelvol in elke holte en versprei eweredig deur dit met ‘n kwas te ‘verf’.

Laat eenkant om te stol - om meeke aan die buitekant te voorkom: laat eers stol voordat die res van die proses aangaan.

Meng eierwitte, suiker, 90ml water, geursel, sout en kremetart saam.

Plaas oor lae hitte sodat suiker kan smelt maar eierwitte nie stol - meng voortdurend met draadklitser.

Terwyl die suiker smelt, strooi gelatien oor 60ml water om te spons.

Wanneer die suiker gesmelt het, klits met elektriese menger totdat styf raak.

Smelt vinning die gesponsde gelatien oor lae hitte en voeg by eiermengsel terwyl klits.

Wanneer dit goed styf geklop is skep daarvan in die sjokoladebakkies (moenie oorvol skep dat die bodem bol)

Die lekker ding van resepte oral bymekaar maak, is dat wanneer jy hulle maak, elkeen met ‘n storie kom. Elkeen met ‘n herinnering van die geleentheid waar jy hom gekry het. Amper soos ‘n 3D foto, wat jy oor en oor kan uithaal en weer kan dink aan daardie kuier, plek of bymekaarkoms waar daardie resep gebruik is. 2016 het veral baie van daardie geleenthede gebring - baie nuwes om by die oues te voeg. Soos die kuier van Tiaan Langenegger in Port Elizabeth, Meimaand. Wat ‘n fees om hierdie ontspanne chef in aksie te sien! Hy maak so natuurlik kos asof hy net besig is om gou vir ons ‘n lekker koppie koffie te skink terwyl ons gesels.

Een van die resepte wat hy so non- chalant gedeel het was sy kaas. Hierdie resep is soos baie van Tiaan se kos nie rigied in die bestanddele of metode nie, slegs die basis-idee wat hom daartoe leen om aan te pas soos wat jou bestanddele of smaak toelaat:

Tiaan se kaas

Bestanddele:

1 houer roomkaas

1 houer maaskaas

1 koppie kaas van keuse (gerasper)

1 blik fyn pynappel

1 soetrissie(gekap)

1 ui (gekap)

Knoffel en kruie speserye

Sout en peper na smaak

Metode:

Braai die ui en soetrissie totdat effens sagter en minder skerp in geur - laat afkoel.

Meng alles saam en bedien saam met wat jy geniet!

Lekker resep vir die vakansietyd wat kom!

Ek het die gewoonte om resepte bymekaar te maak. Elke moontlike bron: tydskrifte, internet, ou resepteboeke, nuwe resepte boeke, ag so hou die lys aan. Baie min van hierdie resepte kry wel die kans om lewe te kry in my kombuis ten spyte van al die voornemens! Maar dan is daar die resepte wat jy by ‘n vriendin raakloop of daardie resep wat mens ontdek omdat dit net so lekker werk! Vir daardie vriendin is dit ‘n ou resep, maar vir ons wat met hom te doen kry is dit soos ‘n lig wat aangaan! Een van hierdie resepte het ek juis raakgeloop by so ‘n vriendin! En hierdie resep is so buigbaar dat dit vir baie verskillende geleenthede gebruik kan word - en juis daarom so gewilde kuierresep is! Ek praat nou van Kathleen se pizzadeeg. Sy het dit met my gedeel, en ek deel dit weer met jou:

Kathleen se pizzadeeg:

Deeg:

375g meel (Granoro Farina “00″)

10g kitsgis

60g olyfolie

200ml water

10ml sout

Vir oorsmeer:

125ml olyfolie

1 knoffeltoon fyngekap

Kruie (origamum, tiemie, koljander - na smaak)

Sout en peper

Metode:

Meng alles saam behalwe die sout. Knie deur.

As alles goed deurgemeng is voeg die sout by en knie vir 5 minute totdat sag en buigbaar is. Maak toe en plaas op ‘n warm plek om te rys.

Voorverhit die oond by 250℃

Vir platbroodskywe:

Berei oondpan - voer uit met bakpapier

Weeg deeg in bolletjies van +/- 100g af

Bestrooi oppervlak met meel en rol dun uit (omtrent 5mm dik)

Verf oliemengsel liggies oor

Bak vir 7-10minute to begin bruin verkleur bo-op.

Noudat ek soveel spoed met hierdie heerlike koffie het, moet die perfekte beker geskep word! Koffieguru, Mike MacDonald het ook nuus:

Over the next two months I have a few Cuppings and Workshops scheduled.

30th Oct 10-11am - Coffee Processing workshop Understanding the effects of coffee processing on flavour. A look at the various styles of processing. R120 per person.

11th Nov 3-3:45pm- Public Cupping Topic still to be released.

20th Nov 10- 11am- Coffee Flavour workshop- (Part 1 of 4 of the flavour series) Understanding sweet, salt, sour, bitter, and savoury manifestations in coffee. R120 per person.

9th Dec 3- 3:45pm- Public Cupping Topic Still to be released.