toddibrasar

Ég smakkaði þetta nýlega og varð mjög skotinn í þessari pælingu og þetta er ekkert sérlega flókið.

Eina sem þú þarft:

1 poka af grænkáli

Ólívuolíu

Krydd

Lykillinn hérna er að rífa stilkana af kálinu og rífa það svo í hæfilegar stærðir. Svo þarf að skola kálið og þurrka það vel á eftir. Þú vilt ekki fá soggí flögur.

Svo set ég smá olíu í skál og bæti smá chilliolíu, þessari einföldu ódýru sem fæst i Krónunni:

Hún er merkilega góð. Kálið fer ofaní skálina og ég nudda olíunni vel í laufin.

Þessu næst raða ég flögunum á bökunarpappír í eitt lag, passa að þær liggi ekki ofan á hvor annarri…aftur, þú vilt ekki soggí flögur.

Svo sáldra ég kryddblöndu sem samanstendur af salti, hvítlaukssalti, basil og reyktri papriku. Smá svindl í þessu þetta hvítlaukskrydd sem fæst í Costco, það gengur við allt.

Svo baka ég þetta samtals í 30 mín við 150°C en eftir 15 mínútur sný ég kálinu. Eftir bökun læt ég það bíða í ca 5 mínútur áður en hægt er að bera það fram.

Hér gildir að sjálfögðu að það þarf að fylgjast vel með ofninum, ef flögurnar byrja að brenna, ertu í veseni. Ef þær eru ekki orðnar stökkar eftir 30 mín…bíddu aðeins lengur.

Ofur einfalt og hægt að nota sem meðlæti með næstum hverju sem er, út á salat eða sem snarl.

Þú þarft bara tvennt:

Frosnar krókettur

BBQ sósu

Króketturnar eru afþýddar annað hvort með því að láta pokann standa við sotfuhita í ca 1 klst….nú eða skella þeim í örbylgjuofninn í 90 sekúndur.

Svo er bara að raða ca 10 stk til að gera eina vöfflu, pressa vel saman í ca 3 mínútur, setja svo BBQ sósu…

Ég átti ekkert durum hveiti að þessu sinni og notaði bara venjulegt hveiti, annars er þetta einhvern veginn svona:

5dl hveiti

1 pk þurrger

1 msk sykur

1 bolli volgt vatn

ca 1 bolli ólívuolía

Hvítlaukskrydd, basil, oregano eða annað sem þig langar í

Ég hnoða þetta duglega í vél og lauma svo skálinni inn í ofn á lægsta styrk í ca 30 mín. Þá tekur deigið vel við sér, þá hnoða ég í höndunum og bæti við smá hveiti og olíu og hnoða þar til það verður alveg…mushy, slétt og fínt, þá set ég það aftur í ofninn í skálinni í ca 15 mínútur, hnoða aftur létt og þá erum við tilbúin í muffin formið.

Ég gerði tvenns konar fyllingar, annars vegar pizzusósu, pepperoni og mozzarella og hins vegar pesto frá Vínbóndanum og mozzarella.

Ég tók smá hluta af deiginu til hliðar sem ég notaði sem topp. Setti deigkúlu í olíusmurt formið og pressaði aðeins niður. BTW deigið er enn að hefa sig á þessum tímapunkti, svo fór fyllingin í og þá toppurinn. Svo setti ég chilli olíu og þurrkað basil yfir og stakk í gegnum allt með gaffli.

Bakað í 15 mínútur á 200°C á yfir og undir hita og svo blástur í 3-4 mínútur, þá verður toppurinn stökkur en miðjan mjúk.

Þegar ég smakka þá i dag þá fyllist ég einhverri nostalgíu, allt er óbreytt, engin nýsköpun, ekkert diet-dæmi, ekkert prótein rugl, bara hardcore snaróhollur instant búðingur.

Umbúðirnar eru næstum þær sömu og fyrir 30 árum, þetta er svo klassískt, kitch, það þarf enga nýsköpun hér, eins og segir á pakkanum: “For Scumpious deserts everytime…Always Reach For Royal” hversu geggjað slagorð!?

Ég fékk einu sinni tækifæri til að heimsækja verksmiðjuna þeirra á Blönduósi, já ég sagði Blönduósi. Sama verksmiðja og framleiðir Vilko súpur og Prima krydd. Fyrirtækið heitir Flóra og er fjölskyldufyrirtæki sem hefur verið starfrækt með minimalískum hætti frá árinu 1935. Það er eitthvað ótrúlega sjarmerandi við þetta dæmi.

Þegar ég var krakki var yfirleitt boðið uppá klassískan karamellu og súkkulaðibúðing með þeyttum rjóma, bönunum og kókosmjöli. Yfirleitt óskaði ég mér að ég ætti töfraskál sem virkaði þannig að hún tæmdist aldrei, endalaus búðingsskál…góð hugmynd.

Svo allt í einu árið 2020 dettur þeim í hug að koma með nýja vöru á markað…saltkaramellu búðing. OG HANN ER GLORIOUS.

Galdurinn við Royal er einfaldleikinn, þetta er bara hálfur líter af mjólk, duftið útí, hræra og steinþegiðu! Það er skýrt tekið fram á pakkanum að maður eigi að blanda akkúrat hálfum líter saman við innihald pakkans….en hér kemur stóra leyndarmálið…hættu að lesa hér ef þú vilt ekki vita meira…

Í staðinn fyrir 500ml af mjólk…prófið að setja bara 400ml í staðinn, búðingurinn hleypur betur og verður bragðsterkari og áferðarfallegri og heimur þinn mun ljóma!

Ég notaði þetta trikk á súkkulaði og saltkaramellubúðing fyrir fjölskylduna, skellti smá þeyttum rjóma með og fínt skornum vel þroskuðum banana til að kitla nostalgíuna. Svo til að halda neistanum sáldraði ég muldum pistasíum yfir.

Börnin elska Royal, fullorðnir elska Royal.

ATH. Þessi færsla er ekki kostuð á neinn hátt, ég raunverulega elska Royal.

Börnin elska bananabrauð í nesti og það er svo ótrúlega hentugt að skera það niður meðan það er volgt og frysta sneiðarnar.

Þú þarft:

75gr sykur

75gr púðursykur

2 egg

1 tsk möndludropa

2 msk gróft hnetusmjör

3 gamla banana

220gr hveiti

0,5 tsk lyftiduft

0,5 tsk matarsódi

1 tsk kanill

0,5 tsk salt

Sykur, púðursykur og egg er þeytt saman þar til það er létt og ljóst. Þá eru möndludropar og hnetusmjör sett saman við og hrært…NB það er lang einfaldast að gera þetta í hrærivél, leyfa henni bara að malla á milli atriða. 3 stappaðir bananar eru saman við og hrært vel. Restin af þurrefnunum  svo blandað saman og sett í rólegum útí. Áferðin á að vera pínu slepjuleg.

Þetta er svo sett í brauðform og bakað í ca 45mín við 175°C.

Mér finnst reyndar alltaf best að smyrja það með miklu smjöri og osti meðan það er enn heitt og drekka mjólk með klökum með.

Beikontvistur er mín útgáfa af þessari uppskrift hér.

Þetta er einfalt og fljótlegt og er tilvalið að bera fram í t.d. kokteil- eða jólaboðum.

Þú þarft:

Smjördeigsrúllu

Einn pakka beikon

Eina dós af jalapeno (má auðvitað líka nota ferskt)

1 Snowdonia Black Bomber cheddar ost (nota ca 60% af honum)

Smá BBQ sósu

1 egg

Mér finnst best að grilla beikonið, þannig næ ég réttu áferðinni, crispy og með smá bruna. Rúlla út smjördeiginu og smyr það með BBQ sósu. Svo rífur maður cheddar ostinn niður og setur ca. helminginn af honum yfir. Beikonið er svo klippt í litla bita og dreift yfir, svo koma jalapeno sneiðarnar. Meiri ostur og svo leggur maður þetta saman og þrýstir vel niður. Svo nota ég pizzahníf og sker í hæfilega strimla. Sný eða tvista uppá strimlana og raða á plötu og pensla með egginu. Þetta bakar maður svo á blæstri við 200°C í ca 12 mínútur.

Það er hægt að fá Snowdonia ostana í næstum öllum stórmörkuðum í dag, mér finnst þessi svarti (Black Bomber) bestur en þeir eru reyndar allir góðir.

Það er hrikalega gott að setja smá piripiri sósu yfir og svo hentar þetta einstaklega vel með ísköldum öl.

Hér er ljómandi playlisti fyrir eldhúsbrasið:

Ég hreinleg elska kanilsnúða. Hér kemur mjög einföld uppskrift sem ég tvíkaði aðeins til með því að gluða pistasíukremi inn í þá í viðbót við smjör/kanil/púðursykurs kombóið. Ég keypti ansi margar krukkur af þessu kremi á Ítalíu síðasta sumar en ég veit að Jói Fel selur svipað frá Nicolas Vahé sem er ofsalega gott.

Þú þarft:

500gr hveiti

100 gr sykur

1 pakki þurrger

2 tsk salt

2 tsk vanilludropar

1 dós KEA skyr með kaffi og vanillu

2 egg

80 gr mjúkt smjör

Fylling:

100 gr bráðið smjör

3 msk púðursykur

1 msk kanill

1 dós pistasíukrem

Maður blandar saman þurrefnunum og svo fer restin útí eitt af öðru, allt í rólegheitunum. Deigið er látið hefast í 30 mínútur og svo er hnoðað duglega aftur og flatt út.

Ég nota þetta KEA skyr sem er í uppáhaldi hjá mér núna, slær jafnvel út grísku kaffijógúrtina frá Örnu.

Smjör, púðursykur og kanill er hrært vel saman þar til það er mjúkt, þá er það penslað á deigið, svo er pistasíukreminu dreift yfir. Deiginu er svo rúllað í pulsu og snúðarnir skornir í ásættanlega stærð.

Ég myl svo valhnetukjarna yfir snúðana bara svona af því bara en það má náttúrulega sleppa því.

Snúðarnir eru bakaðir í 25 mínútur við 200°C…geggjaðir!

Þú þarft:

Kjúklingabringur

Ólívur

Fetaostur

Chilli pesto

Beikon

Ég byrja alltaf á að taka lundirnar af bringunum og grilla þær sér…og þá yfirleitt í annarri marinerinu, t.d. teryiaki, bara svona uppá flippið.

Síðan sker ég langsum í hliðarnar á bringunum og bý til lítinn vasa, set ca 1 tsk af chilli pestó, ólívur og fetaost í ,,vasann” og vef svo beikoni utan um til að loka sárinu. Það er svo ljómandi gott að krydda beikonið með einhverju góðu ítölsku kryddi….nú eða smyrja með BBQ-sósu, neinei, segi svona.

Það er ekki verra ef maður getur leyft bringunum að hvíla svona í ca 30 mínútur.

Svo grilla ég þetta fyrst á miklum hita til að loka og fá krispí beikon og svo á minni hita þar til bringurnar eru eldaðar í gegn. Bringurnar verða mjög djúsí þar sem beikonið innsiglar vökvann og pestóið marinerar bringurnar að innan.

Það er fátt betra en að standa útá svölum og grilla í kvöldsólinni 🙂

Fyrir meðlæti finnst mér best að grilla sætar kartöflur, kannski smá maís, og bera svo kalda sósu fram með.

Fullkomið sumargrill!

Ég datt niður á eitthvað geggjaðasta brokkólípartý sem ég hef upplifað.

Hef alltaf verið hrifinn af brokkólí og blómkáli, það er líka eitthvað svo ofsalega groddalegt að bíta í haus af brokkólí, eitthvað svo barbarískt og fallegt. Eða erum við að tala um spergilkál?? Enn betra!

Þú þarft:

Spergilkál

Chipotle paste

Maukaðan hvítlauk

Smjör

Rifinn piparost

Chilli flögur

Sesamfræ

Salt

Ég set nokkrar…

Þessa uppskrift geri ég reglulega, deigið er svo súper einfalt en ógurlega gott og maður getur eiginlega blandað hverju sem er saman við. Á ensku er þetta crumble pie og virkar þannig að maður mylur deigið í formið…MYLSNUDEIG!

Í deigið þarftu bara: 

50 gr hveiti

80 gr gróft haframjöl

125 gr púðursykur

125 gr kalt smjör

Í perupæið þarftu auk þess:

2 perur

1 plötu súkkulaði með saltkaramellufyllingu

Salthnetur

Kanill

Yfirleitt nota ég epli og salthnetur, svona eins og mamma gerir en að þessu sinni átti ég bara perur og notaði þær bara. Það má auðvitað líka nota bæði…og alls konar. Perurnar eru vel sætar og það var fullkomið kombó að nota súkkulaði með saltkaramellufyllingu með.

Ég sker smjörið í litla teninga, set svo allt deigefnið í matvinnsluvél og blitza þar til deigið verður mylsnukennt. Þá hnoða ég það aðeins í höndunum og myl svo yfir ávextina.

Perurnar eru skornar í litla bita og settar í botninn á eldföstu móti, sáldra kanil yfir. Fyrir þá sem vilja fara algjörlega overboard má setja hnetusmjörsklessur á víð og dreif yfir perurnar. Ég brýt svo súkkulaðið í grófa bita og dreifi yfir og svo kemur mylsnudeigið yfir og svo alveg slatti af salthnetum þar yfir (eins mikið og hver vill) og aðeins meiri kanil þar yfir.

Bakan er svo bökuð í ca 40 mín á 200°c. Lyktin verður ærandi eftir svona 15 mínútur!

Ég bar þessa fram með sumarísnum í ár sem inniheldur banana og anananas…trúðu mér þú þarft rótsterkt kaffi með þessu.

Hitinn fór vel yfir 35°C á tímum og þá var fátt betra í siestunni en að setjast á svalirnar og gæða sér á ískaldri melónu með hádegiskokteilnum.

Ég fékk einn daginn hugljómun, hef líklegast lesið um þetta í einhverju af þeim ótal matartímaritum eða matreiðslubókum sem ég las í ferðinni.

Hér er geggjað svalandi melónusalat sem sómir sér vel sem semi-healthy hádegismatur, frábær eftirréttur eða bara eitthvað fyrir krakkana að narta í.

Þú þarft:

1 melónu eða kantalópu

Hálfa dós af mascarpone osti

2 msk hunang

Lófafylli af pistasíum

Lime safa

Ég skóf úr kantalópunni með ísskeið, það skilur eftir sig skemmtilega áferð. Svo er annar möguleiki á að framreiða réttinn í kantalópu ,,skelinni”.

Mascarpone-osturinn og hunangið er hrært saman og sett í botnin á fallegri skál, melónubitarnir þar ofan á, svo skvettir maður smá lime safa yfir.

Eftir að hafa eytt ca 15 mínútum í að taka utan af pistasíum þá saxa ég þær gróft og dreifi yfir. Ef maður er í hátíðarskapi má svo gluða enn meira hunangi yfir allt heila klabbið.

  Vá, svo er þetta svo fallegt og fer vel í sumarhitanum.

Rauðrófuborgararnir frá Strong Roots sem fást yfirleitt í Krónunni finnst mér rosa góðir, sætu kartöflurnar frá sama brandi eru líka geggjaðar. Ég get líklegast seint yfirgefið hnetusmjörið og því lauma ég því með í þennan rétt.

Ég nota líka á þennan borgara röstí kartöfluskífu og avocado. Bergbys sætt sinnep (þessi ljósbrúna, ekki þessi gula) og Chimi Churri sósu ásamt smátt söxuðu selleríi sem fer yfir hnetusmjörið.

  Þú þarft:

Brioche hamborgarabrauð

Rauðarófu borgara

Röstí kartöfluskífur

Gróft hnetusmjör

Smá olíu

Smátt saxað sellerí

Vel þroskuð avocado

Rauðlaukssultu

Salt, pipar og þurrkaðan hvítlauk

Chimi Churri sósu

Berbys sætt sinnep

Ég pennsla borgarana og kartöfluskífurnar með olíu og set salt, pipar og hvítlaukin á borgarana áður en ég set á grillið. Þegar ég flippa borgurunum í annað sinn set ég væna slummu af hnetusmjöri á þá og loka og leyfi því að bráðna aðeins.

Borgarinn í textaformi frá botni og uppp er einhvern veginn svona:

Brauð

Chimi Churri

Kartöfluskífa

Sinnep

Avocado

Rauðrófubuff

Hnetusmjör

Sellerí

Rauðlaukssulta

Chimi Churri

Brauð

  Þetta er alveg hriiikalega bragðgott og ekki verra að bera fram sætar kartöflur eða krullufranskar og þá er í aðalhlutverki trufflumæjóið sem er að trylla heimilið mitt:

Við borðum meira af þessu en við munum nokkurn tíma þora að viðurkenna.

Geggjað stöff!

Þegar maður er svo farin að blanda saman við ítalska heslihnetusúkkulaðinu Nutella, þá er maður komin á annað level. Mér hafði aldrei dottið þetta í hug fyrr en ég fór á veitingastað ítalskrar fjölskyldu í breska bænum Altrincham sem heitir Tre Ciccio.

Staður sem ber ekki mikið með sér að utan en þegar inn er komið fær maður strax einhverja tilfinningu um að þarna sé eitthvað alveg geggjað í gangi. Þar smakkaði ég einmitt Nutella Panna cotta í fyrsta skiptið.

Panna cotta er basically bara soðinn sætur rjómi með smá gelatíni en það er eitthvað alveg himneskt við hann.

Þú þarft:

500 ml rjóma

75gr sykur

1 vanillustöng

2 kanilstangir

2 msk Nutella

2 gelatín blöð

Smá mjólk

Aðferð:

Gelatín blöðin eru lögð í bleyti í mjólk og leyft að mýkjast upp, á meðan er ágætt að skafa innan úr vanillustönginni . Allt hitt er síðan sett saman í pott, hitað upp að suðu, þá lætur maður vanillufræin og stöngina útí ásamt gelatíninu og mjólkinni sem það var í og látið malla í ca 3 mínútur á meðan maður hrærir stöðugtt og passar að að blandan sé mjúk og fín.

Mér finnst fallegt að nota falleg lítil form en þetta má gera á alla vegu. Ég kæli formin og leyfi jöfnunni að kólna aðeins, svo hellir maður í gegnum sigti í formin og leyfir að standa í kæli í 4-5klst.

Svo er geggjað að bera fram með t.d. ristuðum möndlum og kirsuberjasósu, það er svona hátíðarútgáfan.

Bláberja muffins með hvítu súkkulaði

Ef maður kann að gera grunnuppskrift að muffins eða bollakökum (sem er basically það sama) þá er ótrúlega auðvelt að leika sér með gúmmelaðið sem maður getur bætt útí, og ef maður hittir á réttu blönduna þá getur maður búið til endalausa möguleika af einföldu kruðeríi sem er gott að grípa í með kaffinu.

Grunnuppskriftin mín er svona:

25gr bráðið smjör

1 egg

75gr sykur

1 dós kaffijógúrt

1tsk…

Hér er minn vinkill á skonsurnar.

Þú þarft:

500gr hveiti

3 egg

75gr sykur

30gr lyftiduft

75gr bráðið smjör

3dl rjómi

2 tsk vanilludropar

75gr súkkulaðidropar

2tsk kanill

Öllu nema einu eggi er blandað saman í hrærivél og hnoðað þar til deigið er orðið þétt og með fallega áferð.

Þá er deigið flatt út í ca þumalþykkt og skorið út í ferninga, tígla eða bara það sem hentar ykkar. Engar áhyggjur af þykktinni, það er svo mikið lyftiduft í deiginu að þetta á eftir að rísa vel. Svo eru skonsurnar penslaðar með hrærðu eggi og svo má strá jafnvel kanilsykri yfir. Bakað í 15 mín við 200°C.

Best með miklu smjöri og góðum osti…mmmm.

Ég vildi að ég gæti borðað ost í öll mál, góður vel reyktur cheddar eða baneitraður stilton með púrtvínslögg…nú eða bara lungamjúkur og rjómakenndur camenbert, breytir engu, ég elska þetta stöff!

Ég er fastagestur í Búrinu á Granda, þar fæst allt sem ostapervertar þurfa á að halda.

Ostakex er einhvers konar tilraun til yfirskins af minni hálfu með það að markmiði að draga úr kolvetnisinntöku….aumt, ég veit.

En í þetta kex nota ég Tabasco og nóg af chilli, helst svo mikið að maður brenni kaloríum á meðan maður inbyrðir það.

Þú þarft:

100 gr kalt smjör

100gr hveiti

50 gr rifinn Applewood cheddar

50 gr rifinn parmesan

2 tsk sinnepsduft

Chilli flögur

Ca 1 tsk Tabasco, ekki spara sósuna

1 tsk reykt paprikuduft (sætt)

Salt

1 egg

Sesamfræ

Svo má náttúrulega blanda því saman við sem maður vill. Ef þið leitið að ostakexi í leitarstrengnum á síðunni minni fáið þið pottþétt nokkrar variasjonir. Við þurfum að tala um þennan Applewood ost…hann er ROSALEGUR.

Aðferðin:

Allt nema egg og sesamfræin  er sett í matvinnsluvél og blitzað þar til úr verður falleg appelsínugul kúla, þá er hún vafin í matarfilmu og kæld í ca 30 mín í ísskáp.

Deigið er svo flatt út og kringlóttar kökur skornar út, stærð er val hvers og eins,  ég nota bara basic smákökujárn sem annars er notað fyrir piparkökugerð. Að lokum pensla ég hrærðu eggi á kökurnar og sáldra sesamfræjum yfir.

Athugið að þetta þarf allt að gerast frekar hratt þar sem deigið er basically bara smjör og ostur og verður að klessu mjög hratt. Svo er kexið bakað í ca 10-12 mínútur við 200°C.

KExið er vel sterkt og bragðmikið og hentar vel með dökkum bjór, Vogaídýfu, meiri osti eða sýrðum rjóma. Geggjað!

Pizzur eru í mínum huga ómissandi  í jólahaldinu og aðventunni. Þegar allt er á milljón, engin hefur tíma fyrir neitt flókið þá er eitthvað fallegt við það að eiga stutta stund saman og skella í nokkrar laufléttar pizzur.

Þessi pizza er með jólaþema, veit ekki af hverju, bara eitthvað við hana sem minnir mig á jólin. Áleggið er rauð epli, hunang, pistasíur, þurrkað chilli og geitaostur. Lyktin…