Það er gott að grípa í þennan rétt ef maður á óvænt von á gestum í mat. Fljótlegt, einfalt og gengur með alls konar meðlæti.
Þú þarft:
Kjúklingabringur
Ólívur
Fetaostur
Chilli pesto
Beikon
Ég byrja alltaf á að taka lundirnar af bringunum og grilla þær sér…og þá yfirleitt í annarri marinerinu, t.d. teryiaki, bara svona uppá flippið.
Síðan sker ég langsum í hliðarnar á bringunum og bý til lítinn vasa, set ca 1 tsk af chilli pestó, ólívur og fetaost í ,,vasann” og vef svo beikoni utan um til að loka sárinu. Það er svo ljómandi gott að krydda beikonið með einhverju góðu ítölsku kryddi….nú eða smyrja með BBQ-sósu, neinei, segi svona.
Það er ekki verra ef maður getur leyft bringunum að hvíla svona í ca 30 mínútur.
Svo grilla ég þetta fyrst á miklum hita til að loka og fá krispí beikon og svo á minni hita þar til bringurnar eru eldaðar í gegn. Bringurnar verða mjög djúsí þar sem beikonið innsiglar vökvann og pestóið marinerar bringurnar að innan.
Það er fátt betra en að standa útá svölum og grilla í kvöldsólinni 🙂
Fyrir meðlæti finnst mér best að grilla sætar kartöflur, kannski smá maís, og bera svo kalda sósu fram með.
Fullkomið sumargrill!
Fylltar kjúklingabringur vafðar í beikon Það er gott að grípa í þennan rétt ef maður á óvænt von á gestum í mat.
