Sonya

Do pal zyada unse nazrein mili reh gayi

Ab kya kahein hum

Ke aankhein sab kuch keh gayi

Koi kahe jazbaati hai tu

Koi bole tera dil hi nahi hai

Koi kahe tu badal gayi

Koi poochhe ke tu badalti kyun nahi hai?

Woh kehte hain jaane do baat ko

Phir poochte hain jaane kyun diya?

Shor shor ke beech dil mera kehta

Yahaan kissi ne chain se jeene nai diya

Baatein hazaar hain jo tujhse karni hai

Dil ke ghar mein jo gham basse hain

Unhe khaali kar ke aankhein bharni hai

Maan liya ab dil ne yeh

Ke tu aage badh kar badal gaya

Maine bhi raasta dhoond liya

Aur dil bhi yeh sambhal gaya

Kya pata jahaan mein

Kya hai, kya nahi

Bas itna jaane dil ke

Ek main hoon, ek zindagi

Chand hai, taare hain

Dil ke jazbaat bhi

Ehsaas hai, raat hai

Aur tu bhi hai yahin kahin

Dil ke hote huye yeh seena adhoora hai

Aur tu na ho kar bhi mujh mein poora hai

He was a shooting star

Lighting up my soul’s dark skies

Answering my heart’s wishful cries

Lagta hai tum paani samajh baithe the humey

Paani ki tarah hi hain hum

Mud jaate hain, beh jaate hain

Magar paani kamzor nahi hota

Yeh aksar log bhool jaate hain

Ab yeh rooh iss dharti ke paar hai

Taaron ke sang naachti phirti

Duniyadariyon se azaad hai

Aaj chal rahi hain saansein

Ek din jee bhi lenge

Teri mohabbat bhi patjhadon si thi

Do pal duniya rangeen ki

Phir bin bataye chali gayi

Kabhi yoon bewajah rone ko mann karta hai

Yeh zakhm-e-gham dhone ko mann karta hai.

Duniya ruk si gayi hai

Kuch aise halaat hain

Mann mein chhaye baadal se

Kuch aise jazbaat hain

Diya toh tune dard hi tha

Par kabhi tujhe sooj kar muskurane lagte hain

Chheen li tune dil ki sargam

Phir bhi teri yaad mein gun gunane lagte hain

Shor chahiye toh apne dil ki suno

Yahaan toh ab sannata hai.