#paaralan

Araw na rosas ang labanan,

Paramihan ng tsokolateng mahal,

Ayaw ko na magaral

Ayaw ko pumasok sa eskwelahan

     Tila naging palaisipan na nga sa mga estudyanteng katulad ko ang pakikipagkompetensya ng ating sariling wika sa dayuhang wika partikular na ang Ingles. Marahil marami sa atin ang nakakapansin sa mga karatulang nagpapa-alala sa mga estudyante na kinakailangang sila ay makipag-usap at makipagkomunika sa ibang tao sa pamamagitan ng wikang Ingles. Hindi ba’t tayo’y isang Pilipino na mayroong sariling wika, ngunit bakit hindi natin ito kayang tangkilikin gayong ang identidad naten bilang isang tao ay pinagtitibay ng ating wika.

Image by: Patrick C. Delos Reyes via The Varsitarian

Image by: Roanie Masakayan

     Ang wika ay isang malakas na sandatang magagamit ng lahat ng Pilipino saan mang sulok ng mundo upang maiparating ang kanilang saloobin, hinaing, opinion o damdamin sa isang naturang paksa. Kung ang mga estudyante lalong lalo na ang mga batang nagsisimula pa lamang mag aral ay maiimpluwensyahan ng mentalidad na masmahalaga ang wikang Ingles upang makipagsabayan sa ibang bansa tiyak kong pagkalipas ng ilang taon, masmadami na ang Pilipinong  nagsasalita ng Ingles kaysa sa Filipino. Nakakabahala ang kalagayan ng wikang Filipino sa mga paaralan ngayon sapagkat tila nakakalimutan na ng ating kapwa Pilipino ang pakikibakang ginawa ng ating mga bayani para lamang magkaroon tayo ng sariling bansa, gayundin ang wika. Napakahalaga ng Wikang Filipino sa ating mga Pilipino kaya’t hindi dapat natin ito isantabi at ipagpalit sa anumang banyagang wika upang patunayan lamang ang ating sarili sa iba. Tandaan natin na ang tunay na magaling ay ang mga Pilipinong kayang yakapin at ipagmalaki saan mang sulok ng mundo ang kanyang identidad, tradisyon at kultura sa pamamagitan ng pagtangkilik sa kayang sariling wika. Sa huli, isa lang ang mahalagang tanong na dapat mong sagutin, Ano ang wikang pinipili mo- Ingles o Filipino, Taglish o pareho?

Isinulat ni: Roanie Masakayan

Watch QRT: Dalawang palapag na paaralan, naabo video

Watch Mga magulang, pinagbaon ang mga estudyante alinsunod sa abiso ng paaralan video