#pagibig

2025 so far 🥹

Patawarin mo kaya ako?

Kung malaman mong ilang beses kong naipagsawalang bahala ang lahat ng 'yong mga hinagpis? Maraming ligpitin sa buhay at araw-araw ay kailangan kong mag-imis. Patawarin mo kaya ako na di agad nadinig lahat mong mga tawag; sa di inunawang mga pangungusap? Nanghihina lang sa bigat. Nag-iisip lang kung sa bukas ay may sasapat.

Patawarin mo kaya ako?

Sa mga gabing hindi kita dagliang nayakap. Sa pagpungas ng mga mata mong di ko pinansin agad. Sa mga luhang di nasagot at hinayaang lumabak sa'yong palad. Mga paborito mong tugtog na hindi kita nasabayang umindak, dahil pagod; dahil gumuguho; dahil ang ilaw ay aandap-andap.

Patawarin mo kaya ako?

Sa mga impit kong pagkasira. Kahit pa karapatan mong malamang ako'y nanghihina. Masyadong malupit ang mga pasâ at hindi ko nais na sa'yo sila ay ipamana. Kaya't kung patatawarin ay sa paghimbing mo na lang ako gigibâ. Hindi naman sa makasarili; ikaw lang ang aking inaalala. Naglihim man hanggang sa huli, tandaan mong ikaw palagi ang inuuna. Kaya't sa mga bagyo kong ni tunog ng patak ay di kita ginambala,

Patawarin mo sana.

Sa mga sakit na naidulot sa akin ng kahapon. Na ayaw kong malaman mo't baka di pa maka-ahon. Sa guhit ng aking mga palad, na tila ba sa likod mo—mula pa sa sinapupunan—ay malaon nang nakatarak. Matatalim na mga gabing ikaw ang nakatakdang pumalahaw sa sakit dahil sa aking nagdaang pagkawasak.

Patawarin mo sana sa mga lundag na ni di kita tinanaw. Sa mga gabing dalamhati ang tinuring kong kakampi—imbis na ikaw. Mga kasawiang pinrisinta kong sapuhing mag-isa dahil sa laya't gaân ng dalá ay nasilaw.

Patawad.

Sa kasamaan ng mundo sa akin na parang di pa sagad. Patawad. Sa mga sugat na hindi ko naman talaga hinangad; o sa mga umaga mong pag-asa sana ang gawad, ngunit hindi. Muli, patawad. Dahil di na nangangarap, ng buong tahanan; ni masayang salo-salo sa hapag. Anak, kung magutom sa sagot at mauhaw man sa pagkalinga'y paumanhin mo ang aking hangad.

Patawad.

Muli, sa mga yapos na baka hanapin sa susunod at hindi ko maibigay; o sa mga gabing hindi kasing higpit ng isang ama ang yakap na naibibigay ng nanay.

Patawad.

isang pag-ibig na malinaw na kahit nakapikit ay nakikita ng mga mata isang pag-ibig na tahimik na ang tanging sigawan na madirinig ay mga pusong nananabik sa bawat isa isang pag-ibig na marahan ngunit mabilis na nakakaintindi at umuunawa at isang pag-ibig na mapayapa na walang ibang pipiliin kundi ang magkaisa

Hi Patotieeee,

If your partner tells you that he loves you but doesn't trust you, it can be a difficult situation to deal with. After all, trust is the foundation of any relationship.

Why does he not trust you? Trust is very important, it's a base for a relationship. I would ask him why he's feeling this way and trying to work it out. You need to talk and ask him, otherwise you will destroy yourself by looking for ways to win his trust!!

Again If a person doesn’t trust you, why would you want to be with them. Love is not about saying “I love you.” It is about showing in the way they behave, in what they do when you want your time and space. Every relationship is sacred on that count. Your hanging out with your friends, family or even your colleagues and associates is not cheating and betrayal. It is about who you are and your circle of people in your life. Same as his. Good luck!! Please think about how it will impact your entire life. Take a call.

Sincerely,

Ms. Clumsy0023

Galit ka sa mundo, kasi bakit nga naman lahat ng taong minamahal mo iniiwan ka?

Umiyak ka, umiyak ka ng umiyak hanggang sa hindi ka na makahinga. Hanggang sa mamugto na mga mata mo.

Sige uminom ka, magpaka lasing ka.

Foodtrip? Stress eating? Sige kainin mo lahat ng gusto mong kainin, extra rice pa.

Mag quit ka sa trabaho murahin mo boss mong gago.

Gawin mo lahat ng paraan na alam mong magpapagaan sa loob mo. Pero pagkatapos ng lahat ng to, dapat alam mo kung hanggang san ka lang magpapaka gago. Hanapin mo sarili mong nawala nong iniwan ka nya. Dahil minsan ikaw lang talaga makakatulong sa sarili mo wala ng iba.