Kultant tibdel ġildha, taħrab, tmur għal ġlieda oħra ma’ xjaten muqrana li jżeffnu f’iħirsa ta’ biżgħat u rogħda.

Kultant tiżloq, tiżgiċċa u jibqa’ biss il-mejt fuq wiċċi mifluġ tikmix fi pjazza mifqugħa xemx. 20 ta’ Ġunju 2018

Il-gawwi ttajjar qalb sodod b’qalb nieqsa u fjur moribond. Post bews iwennes ħadu baħħ t’indulġenzi. Fadal biss xejn u r-rebħa tal-biżà. Taħt maskla sewda b’imnieħer twil inġorr tbissima u poeżiji nexfin jistennewni nsemmik.

Jiġi l-lejl,

u jien nibża li nitilfek.

Irrid nintilef fik u mhux f’dal-ħsieb.

Tiġi l-ħedla tbeżżagħni.

Ejja int minflok,

neżżagħni.

Waqqaf it-tokk.

Għamilni tiegħek.

Ikkonkwistani.

My protest with regards to “Around Ai Weiwei Photographs 1983 – 2016“ - a collective of pictures by and about Ai, exhibited at Camera, il Centro Italiano per la Fotografia di Torino, under the curation of Davide Quadrio.

Ġuljetta

Hemm hi! Ġuljetta bil-barmil imfawwar ilma.

Ir-romantiċiżmu għandu għomru magħdud. Qed jittiekel mid-dud. Gazzè faga fis-sarkażmu tiegħu stess. Instab mejjet fil-kaless tal-prinċep ċelest. Ma swewx il-bews taż-żrinġijiet - kollox ħmerijiet. Teresa ġiet taqa’ u tqum. Mara razzjonali – tgħanniq bla emozzjoni. “L-imħabba ġġib gwaj,” instema’ jgħid huwa u jiknes is-salott! F' Sorrento l-baħar m’għadux ilellex, ix-xemx ilha ma żżur u d-demm fil-vini nixef f'ġieh San Ġennaro.

Kafé; kafé biex noqtlu l-ħin; il-ħsieb; minflok il-ħajja!

It-tgħanniq illum nixtrih friżat minn supermarkit u nikkunsmah fuq l-għatba ta' Leli tal-Hollywood fejn dari tkebbset il-qalb tat-tfal bi tbissima u ġugarell. Illum il-mewt tkaxkar sidirha fuq profil ta' Facebook.

Dalla deher quddiem Alla; forsi ftakar f'min ħadlu b'idu f'Mergellina. Semgħuh jilgħab il-karti, jgħanni mħabbtu; rawh jixrob l-inbid. Illum jekk titkellem lingwa, kanzunetta biex tipprova tħobb, xorta tibqa' biż-żobb. Saffar Lucio, saffar. Hawn fil-pjazza ħsibt għal gverta għalik ukoll.

Ommi għalqet sebgħa u sittin u tgħannaqni nesiet. L-oħra bħall-qamar minn ġos-sħab imma min jaf x’riedet? Forsi Ġuljetta tilħaq tlesti l-ħasil sakemm tintemm dil-kantaliena. Sakemm xi qaddis iħallasli xirja għand is-supermarkit tan-niżla.

Il-ġirja f'Sant' Ursla spiċċat f'kanun tal-Barrakka jaħsadni f'kamarti. Hawn biss dinja tqila imsammra fuq spallti.

Il-ġirja f'Sant' Ursla ntemmet bħat-tromba tar-ramel tkaxkarli 'l ġewwieni. Hawn biss mewta kiefra iċċarrat purtieri.

Design Talk

"Moħħ tajjeb, saqajn ħżiena" (Sane mind, bad feet)