Lihim Liham Tinta

Bago ako napilitang piliin ang aking sarili

Habang patuloy kong pinaninindigan ang atin

Ikaw ay patagong nahanap na ang kapalit

.

Kinulang ba ako habang binubuhos ang buo?

O sadyang iba lang ang hanap mo?

Pinanatili mo ako habang ikaw ay palayo

Gusto mo ng buo habang kalahati ang ambag mo

.

Sana'y nagtagumpay kang pasayahin ang napili

Habang patuloy na sinusuri nya ang 'yong puri

Patuloy mong tawanan ang bawat pagtikim

Ilang kape pa ba ang ating itatagay?

Naaagnas na ang nakaraan sa aking memorya

Hindi pa ba tayo gigising sa katotohanan?

.

Nangangamoy pa ang mababangong sandali

Ngunit hindi nito maibabangon ang aking labi

Mananatiling tikom at kuyom ang mga daliri

Patay ang kaluluwa ngunit humihinga pa rin

.

Mayroon bang magbibitbit ng aking bangkay?

Nakapagkape at nabusog ba ang lahat?

Ilan ba ang nakiramay at sumukat sa halaga?

Iba ito sa una kong naiguhit

Dahil pasan nito ang pagtatapos ng sa atin

Matapos mong ulitin ang pananakit

.

Nakakatakot ang pagsapit ng gabi

Dinadalaw ako ng mga salitang 'di nasabi

Mga tanong na alam ko rin naman sagutin

Mga senyales na matagal kong isinantabi

.

Nakakatakot ang pagsapit ng gabi

Minumulat akong pilit sa ating sinapit

Inuulit ang mga eksanang hindi inamin

May kasiguraduhan at hindi pinipilit

Takot na ako'y masaktan at hindi marinig

Sana'y matagpuan ko ang aking pag ibig

Na kahit hindi sang ayon ang mga napaligid

Hindi man normal sa kanilang paningin

Sana'y matagpuan ko ang aking pag ibig

Yayakap sa aking malungkot na gabi

Hihila sa akin mula sa sulok o gilid

Sana'y matagpuan ko ang aking pag ibig

Masaya at sabik sa aking mga bisig

Tinig ay banayad at puno ng giliw

Tulungan nawa nila akong mawala ang lahat ng sakit na dinadanas

Dulot ng pagtitiwalang ibinigay sa hindi karapat dapat o ng mga pangakong pinanghawakan ng walang kasiguraduhan

Madinig nawa ako ng lahat ng mga talang hindi ako ang paboritong pakinggan

Maawa nawa sila sa puso kong sinaktan ng walang pag aalinlangan

Malulunod ka sa lahat ng salitang ihahagis

Laman nito ang bawat letra ng aking hinagpis

Sa mga gabing pinili mo ang manahimik

.

Kung maaari ko lang isako ang aking pag ibig

Aabutin tayo ng hating gabi sa pagsasalin

Laman nito ang bawat awit na aking narinig

Patungkol sa isang pag ibig na hindi naging akin

.

Kung maari ko lang itapon ang aking damdamin

Ipapaanod ko ito sa dagat na tubig ay malamig

Laman nito ang mga tulang hindi mo maririnig

Hindi pa kayang abandunahin ang pinagsamahan

Kahit kapalit nito'y aking kalayaan

Sa lahat ng sakit na naidulot ng pagmamahal

.

Hayaan nawa muna ako ng langit

Yakapin ng mahigpit itong pag ibig

Kahit walang kasiguraduhan ang sasapitin

Habang katinuan ay nasa bingit

.

Dalangin ko pa rin ang muli kong pagbangon

Sa mundo ng pag ibig ako'y magiging buo

Kahit ang tayo ay hindi umabot sa dulo

Hindi ka madaling iwanan

Hindi ganito ang pagtrato na aking hanap

Ngunit pinilit kong makontento sakanyang kaya

Hindi naman talaga sakanya nakasalalay ang iyong halaga

Hindi naman talaga pag ibig nya ang kokompleto sa iyong pagkalikha

Hindi naman talaga sya ang kailangan mo para sa totoong ligaya

Bangon na

Dahil ikaw ang tunay na magtatakda ng iyong halaga

Dahil ikaw ang kailangan ng iyong sarili para mapili araw-araw

Lisanin ang sakit ng nagdurugong kaluluwa

Masasanay din naman sila sa aking pagkawala

Mamatay din naman kaya't mauuna na ko ha?

Halina't kitilin ang natitirang hininga

Baon ang lahat ng sugat na tinamo mula sakanila

Ang mahalagay hihinto na ang kalapastanganan

Sadyang 'di ko lang mapalampas ang ibigin ka

Manabik sa eksena ng ako at ikaw

At malaman hanggang saan dadalhin ng pagsinta

.

Kaya't tinawid ko ang linya ng pagkakaibigan

Tumugon sa halik na ngiti ay malawak

Puno man ng takot ay humawak sa'yong kamay

Sinagot ang pag ibig at pumikit sa tadhana

.

Tinalon ko ng buong tapang lahat ng pagdududa

Nagtiwalang sasaluhin ng pag ibig na sapat

Handang lagpasan lahat ng haharang

Basta't tayo sa dulo at ikaw ang hantungan