Islamforall.cc/Tagalog

    Ang doktrina sa Islam ukol sa paniniwala sa Diyos ay napakalinaw, dahil ito ay mula sa aral ng Diyos, sa Kanyang mga dakilang Propeta at Sugo at marangal na mga Kasulatan, sa huling kapahayagan na tinawag na Qur’an ganito ang nasasaad ukol sa Diyos:

Sûrat Al-Ikhlâs

{Ang Kadalisayan} 

Sa Ngalan ng Allâh, ang Pinakamahabagin, ang Napakamaawain at Ganap na Mapagmahal

1. Sabihin mo, O Muhammad: “Siya ang Allâh na ‘Ahad’ – Bukod-Tangi na ang pagsamba ay para lamang sa Kanya, na wala Siyang katambal na kahit na sinuman.

2. “Ang Allâh ay ‘As-Samad’ – ang Bukod-Tangi na inaasahan ng Kanyang mga nilikha sa lahat ng kanilang pangangailangan, Ganap, walang kakulangan at walang pangangailangan.

3. “Kailanman ay hindi Siya nagkaroon ng anak at kailanman ay hindi Siya ipinanganak at wala Siyang asawa.

4. “At kailanman ay walang maihahalintulad sa Kanya, sa Kanyang Pangalan, sa Kanyang mga Katangian at sa Kanyang mga Gawain, na luwalhati sa Kanya na Kataas-Taasan.”

Sa panahon ng Propeta Muhammad –nawa'y ang pagpapala at kapayapaan ay mapasa kanya-  ay may isang Bedouin na Arabo na humila sa damit ng Propeta Muhammad sa kanyang likuran ng napakalakas hanggang sa magkaroon ng marka ang leeg ng Propeta Muhammad, at nagsalita ng mga salitang masama na hindi karapat-dapat sa katayuan ng isang Propeta at kanyang sinabi: bigyan mo ako ng pera ng Allah na mula sa iyo, at walang naging reaksyon ang Propeta liban lamang sa pag-ngiti at habag sa kanyang mukha at kanyang binigyan ito ng pera.

Isa sa mga dakilang inobliga at ipinag-utos sa atin ng Diyos ay ang pakikitungo ng mabuti at Paggalang sa ating mga magulang, Ito ay makikita natin sa marangal na Qur'an na pinagsasama sa pangunahing utos ni Allah na pagsamba lamang sa Kanya at huwag Siyang ipagtambal sa anumang bagay.

Sinabi ni Allah sa Kanyang marangal na Qur'an: (Sambahin ninyo si Allah at Huwag ninyo Siyang ipagtambal sa anumang bagay at kayo ay maging mabuti sa inyong mga magulang). Surah An-nisa: 36

At Kanyang sinabi: (At ipinag-utos ng iyong Panginoon na huwag kayong sasamba maliban lamang sa Kanya (Allah), at maging mabuti sa mga magulang..). Surah Al-israa: 23

Naiulat ni Abu Hurairah -kinalugdan siya ni Allah- kanyang sinabi: "dumating ang isang lalake sa Propeta Muhammad -sallallahu alaihi wa sallam- at siya ay nagsabi: sino sa mga tao ang pinaka may karapatan ng aking mabuting pakikitungo? Siya (Propeta) ay nagsabi: Ang iyong Nanay, ang lalake ay nagsabi: at pagkatapos sino? Kanyang sinabi: Ang iyong Nanay, ang lalake ay nagsabi: at pagkatapos sino? Kanyang sinabi: Ang iyong Nanay, ang lalake ay nagsabi: at pagkatapos sino? Kanyang sinabi: Ang iyong Tatay"