A Lahori's Tumblings

اور پھر چرخِ ستم گر کی طرف دیکھا تھا

تو نے دیکھا تھا وہ پل چشمِ خزاں نے جس وقت

آخری بار گلِ تر کی طرف دیکھا تھا

پھر کنارے پہ پہنچنے میں مجھے عمر لگی

میں نے اک بار سمندر کی طرف دیکھا تھا

یاد ہے مجھ کو وہاں پھوٹ پڑا تھا چشمہ

تو نے کس دھیان میں پتھر کی طرف دیکھا تھا

وہ نظر آج بھی پیوستِ رگِ جاں ہے میاں

میں نے پھینکے ہوئے خنجر کی طرف دیکھا تھا

وہ ندامت بھرا بیٹھا تھا اُسے کیا کہتا

بارہا میں نے مقدر کی طرف دیکھا تھا

عشق اس بات پہ ناراض ہے اب تک اشفاق

میں نے کیوں جاتے ہوئے گھر کی طرف دیکھا تھا

پھر کنارے پہ پہنچنے میں مجھے عمر لگی

Muhammad Sodiq Muhammad Yusuf masjid

دل کی نادانیاں نہیں جاتیں​

​

بام و در جل اُٹھے چراغوں سے

گھر کی ویرانیاں نہیں جاتیں​

​

اوڑھ لی ھے زمین خود پہ مگر

تن کی عریانیاں نہیں جاتیں​

​

ھم تو چپ ھیں مگر زمانے کی

حشر سامانیاں نہیں جاتیں​

​

دیکھہ کر آئینے میں عکس اپنا

اس کی حیرانیاں نہیں جاتیں​

​

لاکھ اُجڑے ھوۓ ھوں شہزادے

سر سے سلطانیاں نہیں جاتیں​

تم اک گورکھ دھندا ہو

نت نئے نقش بناتے ہو ، مٹا دیتے ہو

جانے کس جرم تمنا کی سزا دیتے ہو

کبھی کنکر کو بنا دیتے ہو ہیرے کی کنی

کبھی ہیروں کو بھی مٹی میں ملا دیتے ہو

زندگی کتنے ہی مردوں کو عطا کی جس نے

وہ مسیحا بھی صلیبوں پہ سجا دیتے ہو

خواہش دید جو کر بیٹھے سر طور کوئی

طور ہی ، بن کے تجلی سے جلا دیتے ہو

نار نمرود میں ڈلواتے ہو خود اپنا خلیل

خود ہی پھر نار کو گلزار بنا دیتے ہو

چاہ کنعان میں پھینکو کبھی ماہ کنعاں

نور یعقوب کی آنکھوں کا بجھا دیتے ہو

بیچو یوسف کو کبھی مصر کے بازاروں میں

آخر کار شہ مصر بنا دیتے ہو

جذب و مستی کی جو منزل پہ پہنچتا ہے کوئی

بیٹھ کر دل میں انا الحق کی صدا دیتے ہو

خود ہی لگواتے ہو پھر کفر کے فتوے اس پر

خود ہی منصور کو سولی پہ چڑھا دیتے ہو

اپنی ہستی بھی وہ اک روز گنوا بیٹھتا ہے

اپنے درشن کی لگن جس کو لگا دیتے ہو

کوئی رانجھا جو کبھی کھوج میں نکلے تیری

تم اسے جھنگ کے بیلے میں اڑا دیتے ہو

جستجو لے کے تمہاری جو چلے قیس کوئی

اس کو مجنوں کسی لیلیٰ کا بنا دیتے ہو

جوت سسی کے اگر من میں تمہاری جاگے

تم اسے تپتے ہوئے تھر میں جلا دیتے ہو

سوہنی گر تم کو “مہینوال” تصور کر لے

اس کو بپھری ہوئی لہروں میں بہا دیتے ہو

خود جو چاہو تو سر عرش بلا کر محبوب

ایک ہی رات میں معراج کرا دیتے ہو

پہلے ہی بہت ناشاد ہیں ہم تو اور ہمیں ناشاد نہ کر

قسمت کا ستم ہی کم نہیں کچھ یہ تازہ ستم ایجاد نہ کر

یوں ظلم نہ کر بیداد نہ کر

اے عشق ہمیں برباد نہ کر

جس دن سے ملے ہیں دونوں کا سب چین گیا آرام گیا

چہروں سے بہار صبح گئی آنکھوں سے فروغ شام گیا

ہاتھوں سے خوشی کا جام چھٹا ہونٹوں سے ہنسی کا نام گیا

غمگیں نہ بنا ناشاد نہ کر

اے عشق ہمیں برباد نہ کر

ہم راتوں کو اٹھ کر روتے ہیں رو رو کے دعائیں کرتے ہیں

آنکھوں میں تصور دل میں خلش سر دھنتے ہیں آہیں بھرتے ہیں

اے عشق یہ کیسا روگ لگا جیتے ہیں نہ ظالم مرتے ہیں

یہ ظلم تو اے جلاد نہ کر

اے عشق ہمیں برباد نہ کر

یہ روگ لگا ہے جب سے ہمیں رنجیدہ ہوں میں بیمار ہے وہ

ہر وقت تپش ہر وقت خلش بے خواب ہوں میں بے دار ہے وہ

جینے پہ ادھر بیزار ہوں میں مرنے پہ ادھر تیار ہے وہ

اور ضبط کہے فریاد نہ کر

اے عشق ہمیں برباد نہ کر

I can't believe Candles of Vienna caved to commercial pressure and added the Goku expansion.

Types of Board Game [Explained]

Transcript Under the Cut