Salamat Amasa tag-ulangtaglay ang pag-asatigib ng biyayaat hitik sa Iyong pagpapala

Noong ika'y aking isilang,

Ang mga patak ng ula'y 'di ko mabilang.

Sa aking labis na kagalakan,

Ikaw ay aking hinagkan.

Pangako ika'y aking gagabayan,

Bibigyan ka ng magandang kinabukasan,

'Wag mo lang akong suwayin,

At pag-aaral ang iyong unahin.

Bawal ka nito, bawal ka niyan,

Huwag kang sumama rito, 'wag kang pupunta riyan.

Ang daan tungo sa hinaharap ay titiyakin,

Sumunod ka lang sa akin.

Bawat hakbang ko'y pulido,

Sa akin nakasalalay ang iyong estado,

Ngunit bakit paglingon ko, ika'y nakahinto?

Tila ba tumigil na sa pagtibok ang iyong puso.

Bakit ka nagkakaganyan?

Lumalakas na ang bugso ng ulan.

Itigil mo na ang pag-iinarte,

Malapit ka nang magdisinwebe.

Narito na naman ang ulan,

Hudyat ng araw ng iyong kapanganakan.

Pero bakit ngayon ka rin lilisan?

Bakit kailangan mo akong iwan?

Tinawag mo 'ko sa isang malumanay na paraan,

Subalit hindi ko na maintindihan,

Napakagulo ng aking nararamdaman,

Pakiusap, hindi ko ito nais masaksihan.

Sa isang maulap na panahon,

Nagpaalam kang manghuhuli ng ibon.

Ngunit hindi ka na bumalik pa,

Kaya pala isa lang ang dala mong bala.

—

Larawan mula kay Jungsuk Lee na inilathala sa Pinterest.

https://pin.it/6WaAfLF

Hunyo pa ba?

Bakit lumalamig na ang hangin

At dumadalas ang pag-ulan?

Puro tilamsik na ng putik

At madalas nang nagkakasakit.

Mahal mo pa ba?

Bakit nawawala nang alab ng pag-ibig

At napapadalas ang pagluha?

Mantsado na ang pagsasama

Traffic Serye #1: Sana Hindi Na Dumating Ang Tag-araw

Paminsan-minsan, sa gitna ng pag-iisa, naiisip ko na marahil ay nagkamali ang kalawakan sa lugar at panahon ng ating pagkakakilala – na baka sumablay ang mga anghel dahil masyado pa tayo noong mga bata, na baka nagkamali sila dahil ginawa nila tayong magkababata. Tag-araw. Tag-araw noong una tayong magkakilala, pista sa ating nayon at ang lahat ay nagsasaya. Kawawalong taong gulang mo lamang, ‘ka…