#queenoftroy

Sabi nila ang buhay ay parang isang mahabang kwento na nakapaloob sa isang napakalaking libro lahat ng bagay may simula ngunit kasama rin nito ay ang isang hindi maiwaswasang pagwawakas

Nakita ko ito sa simula ng ating pagtatagpo hanggang sa simula ng ating pagtatapos Mga salitang paalam sa likod ng bawat paghaplos At mga yakap na nagsasabing "maaayos pa natin toh.."

Naalala mo pa ba noong sinabi mong tumingin ako sa'yo? ngunit pumikit ako, at sa pagpikit ko ipinagdasal ko na sana sa muling pagmulat ko ay nandiyan ka pa na sana sa pagdilat ng mga mata ko ay masasabi mo pa ang mga salitang "mahal kita"

Na pupunasan mo ang mga luhang patuloy na bumubuhos na parang hindi na matatapos kahit na ako'y unti unti nang kinakapos dahil hanggang ngayon inaasam ko pa din ang iyong pagyapos

Pumikit ako noong sinabi mong huli na toh Pumikit ako hindi dahil gusto kong yakapin mo ako o halikan o kahit balikan Pero mahal pumikit ako dahil ayoko

Ayokong makita kang umalis ayokong makitang talikuran mo ang lahat ng mga pangakong iyong sinambit ayokong makitang iwanan mo ako at lumakad papaalis at higit sa lahat ayokong maramdaman ang sakit

Hinigpitan ko ang pagkapit ko, ngunit parang kahit anong gawin kong pagkapit ay mawawala ka pa rin At kahit anong paghiling ko na sana'y panaginip nalang ito ulit nalunod na ako sa katotohanang hindi ka na akin

Pero sana pala hindi ako pumikit, Sana pala tinignan kita sa mata upang makita kung ramdam mo rin ang sakit kung akala lang ba ang aking inakala na magisa lang akong kumakapit

Sana pala tinignan kita sa mata upang masabi sa'yo sa huling pagkakataon na mahal kita, na mahal pa rin kita at mamahalin pa rin kita

At sa huling paghawak ko sa iyong mga kamay doon ko nakita mahal hindi pa rin pala ako naging handa dahil patuloy lang akong tumakbo noong nakita ko na sa simula ng ating kwento ang ating dulo.

Hindi ito yung “Tama” na kasalungat ng “Mali” Ito yung inaakalang “Tama” na yun pala'y “Mali” Hindi ito yung “Tama” na nagpapasaya Ito yung “Tama” na gusto mong mawala

Gusto pero hindi mo magawa Ito yung parang droga at alak na pinagsabay Hindi mo maalis dahil araw araw mong hinahanap Nakakaadik sa sarap, nakakaadik sa sakit

Ito yung tama ng pagibig. Tama ng pagibig. Asan yung tama sa pagibig Kung wala ng tama sa iyong pagibig.

Minsan naiisip mo ba kung “saan ba talaga tayo patungo?” Naitatanong mo ba sa sarili mo kung “tama pa ba ang tayo?” Kung dapat pa ba natin ipagpatuloy ang meron tayo Pero ano nga ba ang meron tayo dahil parang ang tagal nang naglaho.

Ito nga ba talaga ang tama ng pagibig? Na gustohin mo mang kumawala sa kadenang iginapos sa puso mo ay gusto mo paring manatili.

Ang tama ng alak, kinabukasan wala na Ang tama ng droga, pagkalipas ng ilang oras okay ka na Pero ang tama ng pagibig, walang kasiguraduhan ang pagkawala niya dahil kahit minsa'y wala na ipinipilit pa rin nating meron pa

Kaya noong isang gabi, nagpakalasing ako. Nagpakalasing ako sa iyong pagibig Nagpakalasing ako sa mga binitawan mong pangako Nagpakalasing ako sa saya at sakit Nagpakalasing ako sa tayo

OH SHIT I FOUND IT I FOUND IT GOD BLESS THE INTERNET OK I WILL BE BACK IN 40 MINUTES