#pementa

Uns 250 g. de pasta seca

¼ ou ½ dunha cebola

Uns 200 g. de bacon afumado

Tres ou catro ovos

Queixo para relar que funda ben

Aceite de oliva suave (0,4º)

Pementa negra en gran

Pementa verde moída (eu useina verde e vermella)

Sal

E os paso para a súa elaboración son:

1. En primeiro lugar pelamos e cortamos ben picadiña a cebola. Unha vez cortada, poñémola a refogar a lume moi frouxiño, removendo de cando en vez.

2. Por outra banda, poñemos unha ao lume unha ola con auga para, cando ferva, engadir sal e cocer a pasta.

3. Unha vez que a cebola estea brandiña, engadimos o bacon, cortado tamén en anaquiños pequenos, xunto cuns grans de pementa. Poñemos a lume medio, removendo de vez en cando.

4. Cando o bacon estea no punto desexado, baixamos de novo o lume ao mínimo.

5. Escorremos a pasta (sen tirar a auga de cocción) e botámola xunto coa cebola e o bacon, removendo para que se impregne do seu sabor.

6. Tras isto, apagamos o lume e engadimos un par de cazos da auga de cocer a pasta e o queixo previamente relado.

7. É entón cando engadimos os ovos, previamente batidos, xunto cunha chisca de sal e de pementa moída.

8. Engadimos outro cazo da auga de cocción da pasta; e mesturamos todo cun movemento envolvente.

9. Servimos inmediatamente, engadíndolle no prato pementa moída e queixo relado ao gusto.