#pa fall

WAS IT?

Credit: Uploaded on Pinterest by by Leroy Hemond.

Una pa lang kitang nakilala alam kong may kakaiba. Ang kislap sa'yong mga mata habang ikaw ay nakatingin sa akin. Ang ngiti sa'yong mga labi na kay ningning pag kausap kita. Kung nasaan ako, nandoon ka. Sumasama ka sa lakad ko kahit kasama ko ang mga friends ko. Kahit di kayo close ay tinukso nila tayo. Oo, kinikilig ako. Kahit may ginagawa ka pa, isang text ko lang sa'yo ay pumupunta ka. Daig mo pa ang media. Nandoon ka lagi sa eksena. Sinasamahan mo akong kumain sa labas. Madalas ako na nga ang nag aaya ikaw pa yong taya. May pa take out ka pa para kay ina. Tinetext mo ko para sabihang "good morning", "kumusta ka", "kain ka na", "ingat ka" at "goodnight". Sinusundo mo ako sa bahay at sinasamahan sa room kung saan ang klase ko. Kahit late ka na ihahatid mo pa rin ako. Pag uwian lalo na pag medyo late night na ay hinahatid mo ko sa bahay. Kahit out of the way ka pa. Pinapatuloy naman kita. Magmamano ka kay ina tapos uuwi ka na. Kapag nalulungkot ako at may problema, nandyan ka. Hindi mo ko iniiwan. Hindi pinapabayaan. Palagi kang nandyan para i comfort ako. Kahit na matigas ang ulo ko. Kahit na madalas tinotoyo ako. Kahit na ang kulit kulit ko. Kahit pa ulit ulit ang ginagawa ko ay di ka nagsasawa at napapagod sa akin. Kaya naman na fall ako. Nasanay ako sa'yo. Naging komportable at umasa ako na gusto mo rin ako. Nag assume ako na magiging tayo. Hindi man lang kita tinanong kung ano nararamdaman mo sa akin. Kung ano ko sa'yo. Kung ano ba tayo. Kung pwede bang maging tayo. Hanggang sa ikaw ay nailang. Hanggang dumalang ang pagpaparamdam. Hanggang sa tuluyang nawala ng walang paalamanan.

Me (yung totoo) : Nakainom kasi ako ng kape kanina. Haha