OpenYun

Nagmahal na nga talaga ako, lagi naman at totoo ang lahat ng aking nararamdaman ngunit minsan din naman akong naging tanga. Di ko inaasahan na darating ka. Basta ganun na lang sa isang iglap puso ko'y namulat na ako'y tanga na sa pagnanasa at paghanga sa tulad mong di rin naman kaaya-aya.

Tama nga, minsan kahit gaano ka kaingat at may hinahangad na maganda para sa kinabukasan ng iyong pagmamahal at pag ibig ay may darating na isang pagsubok, ito ay lulugmok sa iyong mga hangarin, manlulumo ka na lamang sapagkat ang kirot, sakit, hinagpis ng matagumpay niyang paglihim at pagsira sa iyong tiwala ay hinding hindi na magbabalik pa ng dating magandang pananaw.

Masisisi mo ba ang isang taong nasaktan at patuloy na sinasaktan, masisisi mo ba kung bakit araw araw silang baliw, mukhang baliw, asal baliw, katwirang baliw. Masisisi mo ba ang mga luhang walang tigil ang agos. Masisisi mo ba ang pusong durog. Gustong gustong sumigaw ngunit ayaw namang may makarining. Masisisi mo bang kahit konting pag asang dapat matira at wala na sila. Masisisi mo ba?

Kailangan nila ng tulong ngunit walang may dumarating, kailangan nila ng liwanag, paliwanag ngunit walang may sumisilip na kahit konti man lang. Kailangan nilang magpakatatag sa gitna ng lahat ng ito. Mahirap ang laban. Mahirap makakita sa madilim, kagit na mangapa ay hindi mo pa rin alam kung saang sulok ka nandoon.