Insane in a Right way.

ito yung mga pagkakataong sinasaktan ko na naman yung sarili ko sa paulit-ulit at pabalik-balik na pagtingin ko sa mga larawang iba na ang kasama mo

ito yung mga pagkakataong tinatanong ko yung sarili ko kung may patutunguhan pa ba kung sasabihin ko sa'yo na mahal pa rin kita

ito yung mga pagkakataong dahan-dahan mong ipinaparamdam pa rin sa akin na kahit kailan hindi ako naging sapat at tinatanong ko ang aking sarili kung naging totoo ba ang lahat

ito yung mga pagkakataong iniisip pa rin kita kahit alam kong milya-milya na yung layo ng tsansa na iniisip mo rin ako kahit hindi na nagagawang makatapak pa ng mga paa kong ito sa isipan mo

ito yung mga pagkakataong nasasaktan pa rin ako ewan ko ba kung bakit pero kumikirot pa rin ang mga bakas na iniwan mo sa aking balat na patuloy na pinapaalala sa akin ang masalimuot na nangyari kahapon na baka hindi na muling maulit pa ang lahat ng mayroon tayo noon

ito dapat yung pagkakataong dapat tinatanggap ko na na kaya mong maging masaya sa piling ng iba habang ako, nilulunod ang sarili sa aking mga luha hanggang sa matutunan kong lumangoy, palayo sa'yo

ito dapat yung pagkakataong dapat tinatanggap ko na marahil sa aking piling ay hindi ka naging masaya na malayo na ang damdamin mo para sa akin na pinagsasaluhan niyo na ngayon ang mga pagkakataong minsan nating tinawag na atin.