Untitled

Tume-trending ang blog ngayon ni #theindifferentmasochist dahil sa hate post niya against UST at marami ang nagalit siyempre ang daming estudyante ng UST -- considered as Largest Catholic University located in one campus sa buong universe.

Kung maalala ng mga tao 4-5years ago, may hate post din na lumabas against UST na gawa ng isang Atenista. Baguhan pa ko sa kolehiyo noon, at tulad ng marami naapektuhan din ako kaya todo react agad tungkol sa blog. Bandang huli nalaman ng lahat na hindi totoo ang hate post na yun, ginawa lang yun para mag conduct ng isang research tungkol sa magiging reaksyon ng mga tao kapag may ganun post. Edi ang ending, nakakahiya dahil para kang na-Wow Mali. Isang bagay na hindi mo na dapat pinatulan dahil baka ikaw lang din ang mag mukhang kahiya-hiya sa huli.

Hindi masamang ipaglaban mo hanggang kamatayan ang grupong kinabibilangan mo kapag may nang-alipusta o nanglait pero isipin din natin kung karapat-dapat pa bang patulan. Alam natin sa sarili natin ang totoo at hindi na kailangang makipag-away.

Sa ngayon chineck ko yung blog niya, hindi na siya nageexist. Malay natin, isang pag-aaral na naman ito na ginawa at dahil sa inyong affected masyado ay natapos niya ang thesis niya at makaka-graduate na siya.