Ariig

I feel everything. Space, the air, the vibrations, the people, I can feel the gravity, I can feel the rotation of the Earth, the heat leaving my body, the blood in my veins. I can feel my brain. The deepest parts of my memory.

حد يكون فاهمك وفاهم كلاكيعك ومتصالح معاك ومع نعكشتك ومع حاجاتك الوحشه قبل الحلوه. حد ماتخفش منه وتسيبه يقرب عشان إنت متأكد إنه مهما نعكش جواك الدنيا هتفضل أحلى مما كانت، حد يسيبك تحكيله إنت بتحب قطتك قد إيه وبتحب حاجاتك مترتبة إزاي ومابتحبش السلطة ليه. حد مايضحكش عليك وإنت بتقوله قد إيه إنت بتتعصب الصبح لما حد يغير ترتيب الحاجه في شنطتك. حد يكون هو لوحده إلي فاهم إنت بتضحك ليه وسط الزحمة. حد يبص عليك لما تيجي الحاجه إلي إنت بتحبها وياخد باله قبل ما إنت حتى تأخد بالك. حد يجرب حليب الشكولاته عشان إنت بتحبه، ويعتذرلك كل ماياكل لحمه عشان مقدر إنك ڤيچيتيرين. حد يجري ينزل يجبلك حاجه بالقرفه لما تقول إنك نفسك فيها، حد يحل ال assignment الي عليك ويسلمه من غير مايقولك عشان عارف إنك لو عرفت هتضايق إنه عمل حاجه إنت كان مفروض تعملها، حد يحلق عشان إنت بتحب شعره قصير، ويقولك ننزل نعمل شوبيج سوا عشان كل حاجة يكون لابسها تبقا عجباك، حد يقولك إنتي قد إيه حلوه لما في يوم تنزلي مستعجله من غير ميك آب، حد يفتكر الحاجات الحلوه إلي الناس قالوها عنك وبسطتك ويفضل يفكرك بيها كل شوية، حد يفكرك بكل حاجه حلوه فيك لما تنسى نفسك، حد يحبك لما تكره نفسك، حد يبعتلك الصبح يفكرك تلبس تقيل عشان الدنيا برد ، حد يسيبك تعديله الليڤيلز الصعبه في كاندي كرش، حد مايزعلش لما تتعصب عشان مقدر يومك كان عامل إزاي، حد يجيبلك كتاب عشان شافك عملت to read على goodreads,حد يحاول يبقا أحسن عشانك حتى لو إنت ماطلبتش منه كدا، حد إنت بتحبه زي ماهوا، حد يفكرك إنك مش وحش كل ماتعمل حاجه تضايقك من نفسك، حد يخلي باله منك كل ما الدنيا تكعبلك ،حد  عارف إنك هتقوم لوحدك بس هوا برضو مخلي باله، حد يقعد يعمل حركات تضحكك بإيده ووشه لما يكون واقف بعيد عنك، حد يحكي للناس عنك، حد يفوت الباص عشانك, حد يفضل يحبك بعد ماشاف أسواء مافيك، حد ماتزهقش منه ولا يزهق منك، حد تعرف تتكلم معاه ويفهمك، وتسكت معاه ويفهمك.