عارف لما فجأة تحس إن مفيش سبب تعيش علشانه! ماما كانت كل أملي فالحياة… وراح وياها.

مش عارفة اتكلم مع مين، صوتي بيتردد جوايا والزعل البسيط بيكبر وبيلف حواليين قلبي وعقلي مش لاقي اللي يسكته هتجنن…

يا رب اشوف النور والامل فاللي جاي، يا رب الدنيا تبقى احسن، يا رب انا ابقى احسن واقرب منك يا رب انا تعبت قوي من الناس ومن نفسي عايشة فب ضلمة جوايا وخنقة وتوهان

النهارده فيه واحدة قريبة مني فالشغل وبثق فيها جدًا حلفت وكذبت عليا في حاجة انا عارفاها، الله اعلم السبب اللي خلاها تعمل كده ايه بس الموقف او الموضوع كان لا يستدعي انها تخبي عني بس من جوايا حسيت بخوف وعدم امان ومنظر وشها وهي بتتكلم بثقة خلاني اشك في كل حاجة قبل كده وزعلت جدًا

جسمي محتاج يحس بالامان طول الوقت عايشة في خوف شديد وشد عصبي واستنزاف لعقلي وقلبي بتفكيري، الأمورِ تستاهل وتستحق وفيه امور ماتستاهلش لانها واقع، واقع بس مؤلم بس انا لا بعرف اهندل واتحكم في مشاعري ولا عندي الحد اللي اهرب له يهندلي مشاعري ويهديني، او يطمني ان بس خلصي يومك وشغلك وهنقعد نتكلم… الحياة مش بتقف كل يوم فرم وانا يا رب معنديش طاقة ولا صبر…

عياط بالليل لوحدنا عالسرير ده مين هيحاسب عليه

مش بحس اني اولوية عند حد فالحياة، محدش فاضيلي ولا مفتقدني. طول الوقت عندي كلام ومواقف مكتومة، شعور بالوحدة والخذلان رهيب لما بحتاج حد ومش بلاقيه ، أنا زعلانة من قلبي إني معنديش حد لما أحتاج له اللاقيه جنبي ومهتم بمشاعري…

يا رب ابقى باردة يا رب وابطل احرق دمي وروحي على اي حاجة