مش عارف لو الحياة بتجيبك هنا، بس لو جيتي صدفة اتمنى تشوفي ده وتكمليه:
كل فترة بفكر أكتر في كل اللي فات، i did you wrong بشكل مكنتش متخيله لما كنا لسه سوا، بس بفهم أكتر إن أي رد فعل قولتيه أو خدتيه كان علشان تحافظي على اللي باقي ليكي
محبش أكون شخص يشغّل الديفينس ميكانيزم عندك وتحسي بالخطر وقت ما يتكلم أو حواليه بعد ما كنت في معظم أوقاتنا عكس كده وكنتي بتحسي بالهدوء، واتمنى مكونش كده فعلاً ويكون اخر انطباع ليكي عني هو لما شوفتك واتكلمنا، أول رد فعل هو إنك متكونيش حاسة بالخطر حواليا وحاسة إن في أي وقت تقدري تكلميني ومكونش مصدر صداع أو ضغط أو تكرهيني أبداً
يمكن حتى الفترات اللي فاتت كنت بكلمك اقنعك بهجوم مشاعر أو هجوم منطق، وده مش أصح تصرف، مكنتش فاهمك لما قولتي مبقاش أناني وكان كل ظني إني بحاول مش إنها شد الحبل وطبيعي لما أشد تشدي أكتر وإن ده طبيعي يوترك، ويمكن ده لخبط حاجات وقتها مصلحش، وبعتذر عن كل المرات اللي محبتيهاش دي
تعديل١: بقيت واخد بالي فعلاً إن أفعالي كانت تصرفات شخص ضامن وجود اللي معاه مش تصرفات حد in love، وإن الطبيعي هو إني أزود رصيدي عندك مش إني استنفذه
قولتي حاجة معينة كتير ووضحتيها بطرق كتير كفاية، وعشان كده من حقك لما متلاقيهاش وكان الطبيعي أقل حاجة زي ما قولتلك نتكلم طالما في مشكلة، بس لقيتي نفسك مش عارفة تخرجي من loop معينة وبقيتي helpless وحقك أكيد تتصرفي زي ما تحسي هيريحك، وجود الشخص في مكان بيأذيه أو إنه يجبر نفسه هتخلي الموقف أسوء، وكان قرار شجاع فعلاً منك إجمالاً على القصة
إحنا -ببقى مبسوط وأنا لسه بقول إحنا معلش- دلوقتي في الوقت الحالي مش هننفع سوا، وإلا كان لسه زماننا سوا، هختلف بس معاكي في إننا مش هننفع مع بعض في العموم، يمكن عشان لسه بكتب كلام كتير بردو ورسايل قد الصفحة على رأيك، بس يعني اتعودت أعرف أعبر أكتر بكلام كتير إنتي عارفاني، اتمنى بس تشوفي دي
أنا كنت محظوظ بوجودنا سوا وبوجودك جوا دماغي لعشر سنين متواصلة، حتى لو بالتدريج مبقتش واخد بالي من أهمية فكرة وجودنا مع بعض ده* ودماغي اتلهت بحاجات تانية فرعية، بس متأكد إن كان بالدنيا وما فيها ولحد دلوقتي، اينعم زعلان منك شوية عشان مسحتي كلامنا سوا كله، بس ياستي معايا نسخة عادي، فداكي الدنيا كلها
متمناش نرجع سوا لو هيكون ده بيأذيكي لأن اتأكدت إن من صور الحب إني أحميكي من شري، ولا لو هكون سبب في إن حياتك تبقى أسوء، ولا لو وجودي وعدمه زي بعض وحاسة وحدة معايا، عشان محبش أكون تقيل عليكي، أحب أكون زي ما قولتي في أول مرة نتكلم شوية: "خفيف، خفيف خالص"
تسمحيلي أقول إني هتمنى أكون محظوظ مرة تانية في وقت أياً كان إمتى؟ أنا بدعيلك وبدعيلنا وهدعيلنا أكتر لو فينا خير نتجمع وربنا يكتبهالنا، وده بس لما تكوني ساعتها مصدقة فينا تاني وحبانا وشايفانا سوا ومتطمنة ودفاعاتك النفسية منسدلة مش متحفزة، ساعتها لما ييجي يوم تاني وإحنا مع بعض هيكون أغلى عليا من كل الأيام الأولى، وساعتها هعرف أكون أنا أكتر من غير قلق أو حجج أو مشاكل، أو على الأقل أوي هشاركك فيها لو مش هحلهالك، وهبقى أحكيلك وإحنا بناكل أيسكريم عن كمية العلامات اللي شوفتها طول الأيام دي، نو برييشر ذو
مش هقولك وعود تانية تشكي فيها، بس على فكرة أنا مليت الدار ورود لحين رجوعك وصليت للرب تعود لأبوس عيونك، which is good to know about أعتقد؟ هنبقى نكتشف، نو أدريناليين نييديد، جاست سيروتونين وأوكسيتوسين
أنا بحبك وهفضل أحبك لوحدك مهما حصل، بس أنت، أنت وبس، ماشي؟
