#tagalog.

Siguro ayaw ko nang kumapit sa isang bagay na walang kasiguraduhan. Hindi mo ako masisisi. Mahirap na kasing kumapit kung alam mo na balang araw, malaki ang posibilidad na pwede kang mahulog na mag-isa. Masasaktan ka, mababasag, mag-uumpisa muli. Hindi ba tama na humiling ako ng kasiguraduhan sa lahat ng nangyayari? Ayaw ko na kasing mangapa sa dilim. Napapatid ako, nababangga, at minsan naliligaw. Di ko naman kinukwestiyon ang liwanag na binibigay mo. Pero mas nangingibabaw na kasi ang kadiliman kapag palubog na ang araw di ‘ba? o kaya naman kapag pasikat pa lang ito, mamumuhay ka muna sa ilang oras ng kadiliman bago mo muling masilayan ang pagbati sa’yo ng haring araw. Alin ba tayo sa dalawa? Pasikat o Palubog? Alam mo, sa tuwing sasabihin mo na mahal mo ako, napapakapit ako.

Sa tuwing yayakapin mo ako, napapakapit ako.

At sa tuwing masaya ka kapag magkasama tayong dalawa, mas napapakapit ako. Oo, kumakapit ako nang sobrang higpit. Kasi ayaw kong pakawalan ang bawat sandali. Ayaw kong may malampasan ako kahit isang saglit. At higit sa lahat, parang ayaw ko nang umalis sa mismong pagkakataon na 'to. Ayaw kong pumasok sa isipan ko ang ideyang balang araw, baka maglaho din 'yon. Kaya pasensya ka na. Sabihin mo nang makasarili ako. Gusto ko lang na tumibay ang dahilan ng bawat pagkapit ko, sa’yo. Sa atin. Sa lahat ng kinikilala natin. Kaya magtatanong ulit ako, at sana bigyan mo ako ng deretsong tugon:

Ano na nga ba talagang matatawag sa ating dalawa ngayon?

Hahaha! Nakakatawa naman to. Osige na nga. Malalim kasi hugot ko sa pinagdadaanan nya ngayon. Di dahil ako yung nang-iwan pero dahil ako yung nagmahal pero naiwan.

Bakit ba may mga taong ganon nalang? Basta-bastang nang-iiwan. Di ko ma wari kung sila ba ay naghihiganti o kung ano man, basta’t di ko maintindihan. Sana di nalang nya pinaasa. Palaging kinakausap sa telepono, babad sa skype at ano pang klaseng video call yan. At mas lalo ng sana di nalang pinaramdam na may pag-asa sya kahit wala naman. Napakanta tuloy ako ng “napakasakit...kuya Eddie”  Uuyyy aminin, kinanta mo rin habang binabasa yan. Hahaha!  Ayun nga, yung isa nagmahal ng iba habang sya patuloy na umaasa.