#rsp

पार्टी निर्वाचन आयोगका अनुसार संगठनात्मक संरचनामा जिम्मेवारीको स्पष्ट विभाजन तथा नेतृत्व व्यवस्थापनलाई व्यवस्थित बनाउने उद्देश्यले यस्तो व्यवस्था लागू गरिएको हो। यस निर्णयसँगै प्रतिनिधिसभा तथा राष्ट्रियसभामा रहेका रास्वपाका सांसदहरू अब जिल्ला, क्षेत्रीय, पालिका वा अन्य तल्लो तहका पार्टी समितिहरूको नेतृत्वका लागि उम्मेदवार बन्न सक्ने छैनन्।

रास्वपाले आन्तरिक लोकतन्त्रलाई सुदृढ बनाउने तथा नयाँ नेतृत्वलाई अवसर प्रदान गर्ने लक्ष्यसहित संगठन विस्तार र निर्वाचन प्रक्रियालाई अघि बढाइरहेको जनाएको छ। सोही क्रममा संघीय सांसदहरूको भूमिकालाई केन्द्रीय तहमा केन्द्रित गर्ने नीति अवलम्बन गरिएको बताइएको छ।

पार्टीभित्र नेतृत्वको दोहोरो जिम्मेवारी कम गर्दै संगठनलाई थप प्रभावकारी बनाउने उद्देश्यले गरिएको यो निर्णयलाई महत्त्वपूर्ण कदमका रूपमा हेरिएको छ। यसबाट तल्लो तहमा नयाँ अनुहार र कार्यकर्ताहरूलाई नेतृत्वमा आउने अवसर बढ्ने अपेक्षा गरिएको छ।

रास्वपाले हाल विभिन्न तहका संगठन निर्माण तथा पुनर्गठन प्रक्रियालाई तीव्रता दिइरहेको छ। पार्टी निर्वाचन आयोगले सम्बन्धित सबै निकायलाई नयाँ व्यवस्था अनुसार निर्वाचन प्रक्रिया सञ्चालन गर्न निर्देशन दिएको जनाएको छ।

अनलाइन न्युज पोस्ट हेर्नुभएकोमा धन्यवाद! नयाँ अपडेट र विस्तृत समाचारका लागि लाइक, सेयर, फलो र सबस्क्राइब गर्नुहोस्।

© अनलाइन न्युज पोस्ट .👍सेयर गर्नुहोस् ताकि अरू पनि अपडेट रहुन् .

पार्टी निर्वाचन आयोगको निर्णय, संघीय सांसदलाई केन्द्रीय तहबाहेक अन्य संरचनामा प्रतिस्पर्धा गर्न रोक.