Jose Jason Llagas Chancoco

Parumdom nin Uran

Dai na man akong ibang aram gibuhon pag nag-uran

Kun ako solo,

An lakawon an pigwalat nin langit na salming nin kalag,

An hilingon an mga mata nin mga makakasarabatan

Na garo paghiling ko an sakuyang mga nakapaipling mga taramon,

An hilingon an laog nin mga tintadong bintana

Nin mga sasakyan na luway-luway man an dalagan,

  Naghaharok ako ki kusog sa paglakaw,

Naghahanap ki simbag sa mga tukawang winalat,

Sa mga napauntok sa mga mapagpadabang atop,

Sa mga mag-ilusyon na tunay na nagpapadaba sa uran,

  Matukaw na sana ako pag napagal,

Duman kun sain madadangog ko an gabos,

Importante sakuya an mga panahon na ini,

An distansiya bulong sa puso,

Distansiya sa palibot, sa gabos na namamate,

  Ika man padaba,

Kaipuhan mo ini,

Kaipuhan man ini nin satuyang mga padangat,

Bulong ini sa gabos,

Sa gabos na nagtutubod na an oras,

Bicolana poet

Tinigsik ko an bangui dai ako makaturog kaya nangiturugan ako

Si Pepito nagmumundo Mga magurang malipot Siya nagtatakig, natatakot Dae isi ano dapat gibuhon.

Mga kairiba nagkawarara Halos gabos mapara tot..tot..tot.. tot..tot..tot..

Diyos ko, nasambit niya Kaheraki kaming mga salat Kinua mo na gabos Ano pang hahagadon?

TABANG! TABANG! Mga bitis niya ginuguyod Pasiring sa kumonoy Na mayo ning pag-asa.

Si Pepito nagpadagos Naglakaw, nagriparo Nag-isip, naghorop-horop An buhay talagang arog kainiyo.