#tigsik

Tinigsik ko ining namamatian ko,

gabos nagbago kang siya nawara sa piling ko.

Sadiri ay tigsisi,

ta lintian na kulog,

kang nawaran akong kasurog.

Ika sana ang igwa ako,

kang panahon na pakiramdam ko solo ako.

Ngunyan na nakukulugan ako,

bako dahil wara ng kita at ako

kundi dahil sa tinubudan mo.

Pakiramdam ko dai mo midbid ang tunay na ako,

dahil sa ginibo mo,

sobra akong nakulugan pero nasasabutan ko.

Dai taka tigsasala ta ang may kagibo kaini ay ako,

pero naisip mo man lang ba na…bako ako arog kang naiisip mo?

Hata mo ito tinubudan kung dati tigtataram mo na midbid mo ako?

Habo ko mag kwestyon sa sadiri ko o kung anong naging igwa sato,

GWAPO NA GWAPA 

Tigsik ko an tawong may baltik, Dawa daing gibo, abaanang birik-birik. Dai mo nanggad pagtuyawon, ta an mata manlilisik, Garo na kalalawgon kan angry bird na intsik.

Tigsik ko ining orig, Sa laog kang tangkal, sigeng panlupig. Sa sirungan na bako nang mahamot asin malinig, Sige-sige pa nanggad an tirig-tirig.

KAN SIYA MAGKA-CRUSH KI MANHID

Tigsik ko ang mga babaeng may crush, Pag parani an lalake, minabungkaras, garo The Flash. Biyong kinikirilig sabay magba-blush. Gabos na karibal, ang apod nya ay trash.Tigsik ko an tawong manhid. Apektado pati utak na makitid. Kinudot, Sinapak, Binuntol, dai pa giraray midbid. Marhay pa kaini putulon an litid.

AN URAN ASIN DUYAN

Sa Banguing Mauran

Tigsik ko an banguing mauranon Na sinabayan pa ning diklom. Kataid ta ka sa irarom kan sarong sadit na payong, Dawa anong lipot kan panahon, nahimbong.

Tigsik ko uran na sinabayan nin kadikloman. Mantang naglalakaw sa gilid kan dalan. Dai nanggad natatakot sain man mapaduman, kun ika nasa kataid ko, daing kaba sa daghan.

Duyan

Tigsik ko an duyan Nakakahaling pagal paghirihigdaan. Urog na kung may nagtatabyon, Saka naghahapihap kan saimong lalawgon.

Ibanan pa ning paghayop kan duros; Pagpirong nin mata, garo ka pinaparos. Kusugan ang tabyon, dawa sain makaantos, Dai kong labot, basta ika kakugos.

Tigsik ko an kaogmahan, pag sa lalawgon mo naheheling, nakakagian. Dawa anong pagal an namamatean, Minakusog sagkod pa man.

Tigsik ko an sakong pagkalingaw Ta ika sana an narurumduman pag ako napupungaw. Dai ka mawara sa isip ko aru-aldaw, Maski ngani sa pagturog ko, napupurisaw.

PANDAK

Tigsik ko ining babaeng pandak na magayon-gayon Tano daw ta pandak man ang naging ilusyon? O ha, hilinga kan siya nangugbon, Dios Mio Perdon, ang luminuwas mga Minions.

Bilbil

Tigsik ko an saimong bilbil, Mas dakol pa sa humps sa south vill. Kawasa kaya an saimong nguso asin ngabil, Garo na baga rice mill.

Guwapo

Tigsik ko an mga guwapo Magpaburulong daw kamo sa albularyo. Ta sa kadakulan magagayon sa palibot ko, Tano daw ta sa kapwa lalake kamo nagkagusto.

Daraga

Tinigsik ko an bangui dai ako makaturog kaya nangiturugan ako