#komfili

Bakit ba hindi gaanong ka sikat ang OPM kumpara sa mga kantang banyaga? Hindi maiiwasang pansin ang pagkarami ng mga panatiko sa mga artistahing mulang ibang bansa, lalong-lalo naman ang mga galling US at Korea. Pero paano ang mga nasa ating bansa? Hindi naman sa nawawala o nabubura ang OPM sa ating media, kun’di ang pagkawalang balanse ng mga kantang mula abroad at kantang mula sa ating bayan. Kung titignan natin sa Myx, ang pangunahing channel na pang musika sa PIlipinas, tuwing mga daily top ten, masmaraming mga kantang Ingles ang nakakapasok kaysa sa Filipino. Tuwing My Myx, ang mga nirerequest na kanta ay kadalasang Ingles. Kung minsa massumisikat ang mga kantang banyaga kaysa sa mga OPM. Ngunit dahil din sa channel na ito, muling nabubuhay ang OPM kahit na hindi kadalasang binibigyang pansin. Napapakinggan ng ating mga kababayan ang mga pinaka patok na musika galing sa mga artistahing pinoy dahil sa channel na ito. Ngunit tignan naman natin ang mga kabataan. Ang pagkaisip na pang Kolonyal ay nahahalata sa kanila at kinakailangan pang ipaalaala sa kanila na pag bigyan ng pansin ang mga produkto at gawang mga pinoy at kasama na diyan ang musika. Ito ang pinakapasimuno, kabilang ang ‘di pantay na pagkakilala sa atin ng globalismo. Dahil sa isipang kolonyal napaphina nito ang pag kilala sa mga musikong gawa ng ating mga kababayan. Pero hindi parin huli ang lahat dahil hindi tuluyang nawawala ang OPM sa media.

Ang Tumblr ay isang parte ng Social media na may malawak na komunikasyon sa lahat ng tao at higit sa ating mga kabataan. Ito ang nagbubukas ng isipan upang tuklasin ang mga bagay na hindi natin alam kung ano ang maganda at masama na maidudulot sa paggamit nito. Paano malalabanan ng isang kabataan ang kinahaharap ng pasubok? Ang kabataan, siya ang tanging may hawak ng sarili nilang tagumpay, kaagapay ang Tumblr na gagabay o sisira ng kanilang pangarap sa buhay. Bukas ito sa larangan ng komunikasyon sa bawat isa.Dito din naipapadama, naipapakita, naibabahagi o naipapahayag kung ano ang nararamdaman ng isang tao sa pamamagitan ng litrato, video, artworks o blogs.

May Iba't ibang klase ng kabataan ang ating mababasa o makikita sa Tumblr. May mayaman, mahirap, matalino, katamtaman, tamad, masipag, mabisyo, maambisyon, mabait at mapanghusga. Pero iisa lang ang gusto nilang marating sa buhay, ang makapagtapos ng pagaaral. May kabataan nababago ng Tumblr tulad ng kanilang pananamit, pananalita, pag-uugali, kanilang pangarap na dati simple lang, o dati may pangarap pero nawasak ng Tumblr. Pero hindi lahat ng gumagamit ng Tumblr ay nasisira ang kinabukasan dahil mayroon din naman ginagamit lang nila sa pagkuha o pagtuklas ng mga aralin sa utos na din ng kanilang mga guro. Ito ay mga kabataang aktibo at may mataas na pangarap sa buhay. Alam nilang, kung hindi mo gagamitin ng maayos ang Tumblr, Ito ang maglalagay sayo sa kadiliman ng lahat ng iyong mga pangarap. Ito ang realidad ng buhay sa Tumblr.

Footnotes: 

https://tl.wikipedia.org/wiki/Tumblr

https://nasyonalistikpinoy.wordpress.com/2013/05/09/epekto-ng-social-media-sa-mga-kabataan/

https://thepinoysite.com/2012/10/07/social-media-at-ang-modernong-pilipino/

http://jkabanata1.blogspot.com/2015/03/kabanata-i-introduksyon.html

Tama naman, hindi ba? Kapansin-pansin na marahil sa mga Pilipino ang pagiging dayuhan nila sa sarili nilang bayan. Mga tipo ng taong kinalilimutan na ang bayang kanilang kinagisnan. Dito nga naninirahan pero pilit na isinisiksik ang banyagang wikang kung tutuusin ay hindi naman kailangan. Anung silbi ng pagiging “cool” at “in” kung ni katiting na pagmamalaki sa morena’t moreno mong balat ay iyong kinalilimutan at anung saysay ng pagiging bihasa mo sa wikang ingles kung sa sarili mo namang wika ay mangmang kang matatawag.

 Ako ay nalulungkot tuwing naririnig ko na mas lumalaganap ang ingles sa mga pilipino ngayon sa pagkat, ito dapat ay ating minamahal at ginagamit. Aminado ako na pag ika’y marunong o nakakapag-ingles ka ay “sosyal” ito pakinggan, ngunit tayo ay mga pilipino hindi dapat natin ikina-hihiya ang sariling atin. Ako rin ay aminado na hindi ako ganun ka galing sa ingles sa kadahilanan na ayaw ko itong matutunan at hindi ito ang prioridad ko. Ang totoo niyan ay sa mga kabataan ngayon, ang kanilang unang lenguahe na natututunan ay Ingles, dahil na rin sa mga magulang nila na hindi pinapa-halagahan ang ating sariling salita. TAGALOG o INGLES? 

Hindi naman masamang mahumaling sa mga banyagang wika, subalit tiyakin mo paring ang magkabila mong paa ay nakabaon parin sa buhanging maihahalintulad sa mapuputi’t pinong pahayag na wikang tagalog kung matatawag. Taas noo mong sabihin sa sanlibutan ang pagiging Pilipino, ang pagiging kayumanggi, ang pagiging ikaw at ako. Mamulat tayo sa totoong reyalidad ng buhay. Pinoy ako, at Pinoy ka.

Maraming bagay na ang naimbento upang mapadali ang  buhay ng tao, yan ang nagagawa ng teknolohiya sa ating lahat. Isa na doon ay ang radyo, ito ay isang gadyet na nakatutulong sa ating lahat upang makapaghatid ng mga balita sa ating bansa , masama man ito o maganda. Bagama’t nakatutulong ito sa atin dahil sa mga positibong epektong naidudulot nito sa lipunan tulad ng madali itong makaakses ng mga balita at nakapagbibigay ito ng opurtunidad sa mga tao na naghahangad maging isang DJ ay hindi mawawala ang mga  masamang epekto na maaring maidulot nito sa atin at sa lipunan tulad nalamang ng pagiging biased nito sa mga balita na maaring ireport nito, maaring kung anong panig ang kanilang mas pinaniniwalaan ay yun lamang ang kanilang ibalita upang yun ang mas paniwalaan ng mga tagapakinig, isa pa ang ay pagbabagong teknolohiya na ang radyo ay unti unti ng hindi binibigyang pansin ng mga tao dahil sa mga sikat na social media tulad ng facebook, twitter, tumblr at iba pa na nakapagbabahagi din ng mga balita at ito ay merong larawan na mas ikiniaaaliw ng mga gumagamit ng mga applications na iyon na ang radyo ay wala. 

Mas madalas paring pakinggan ang Fm kaysa sa Am na parte ng radyo na mas nagbibigay ng mga balita. Ang mga kabataan kasi sa henerasyong ito ay laging iniisip ang kung ano lamang ang uso. Ang madalas nalamang making ng balita sa radyo ay ang mga matatanda sapagkat ito ang kanilang nakagisnan dahil sa ito ang unang instrumento na naghatid ng mga balita, Sa panahon ngayon ay hindi nalamang din Filipino ang ginagamit ng mga tao na lenggwahe sa radyo kundi gumagamit na din sila ng iba pang lengguahe. Sa paraang ito uunlad din ang Filipino, ang ating sariling wika.

Radyo ngayon. Sa mundo, lumalaganap ang mga teknolohiya na nakakatulong sa mga tao sa lipunan upang mapadali ang mga gawain lalong lalo na ang pagbabalita o pag papaabot ng mensahe sa nakararami. Isa na rito ang radyo. Ang radyo ay isa sa pinakalumang teknolohiyang ginagamit pa rin sa kasalukuyan. Mapa-bahay, ssakyan, kalsada o kahit mimsan ay sa eskwelahan. Ito ay nakakapagbalita at nakakapag bigay aliw sa mga tagapakinig nito.

Bukod sa ito ay mura, ito ay madaling akses sa kadahilanang ito ay may madaling manual o mas madali itong gamitin kumpara sa mga makabagong gadyet. Mula sa magulong kalsada hanggang sa pag sisiyesta ng mga nakatatanda, ito ang ginagamit. Sa litaw nang araw, mga baliktaktakang balita at sa pag lubog naman ay mga mainit na balitang nakakapagpaliwanag sa isip ng mga tao lalong lalo na ang mga matatandang wiling wili makipagsabayan sa mga chika sa radyo. Malaki na nga ang naiambag ng radyo sa makabagong teknolohiya. Sa pag lipas nang panahon, unti unti man itong nalilimutan, ito pa rin ang hinahanap hanap ng karamihan upag makagbigay aliw. Ito ang isa sa masasabing isang bagay na hindi maalis sa sistema ng mga Pilipino. Na kahit ito ay unti unting nakakalimutan, ito ay nanatili sa puso at gawain ng mga pinoy na nakasanayan ang ganitong bagay.

Ano nga ba ang epekto at halaga ng Radyo sa ating lipunan? Matagal ng panahon mula ng ang radio ay naging isang instrumentong nakapagbibigay balita sa ating lahat, isang gadyet na sobrang importante sa ating mga Lolo at Lola na ngayon ay unti unti ng nawawala dahil sa pagunlad at paglawak ng kaalaman sa teknolohiya. Sa madami at matagal na panahon na ito ay pumatok sa madla ay marami itong hatid at dala na positibo at negatibong epekto para sa atin na mga tagapakinig, isa na sa mga positibong epekto ay ang pagbibigay opurtinidad nito sa karamihang may angking galing sa pagsasalita o mas kilalang tawagin na DJ sa radyo, maaari din itong aralin ng mga interesadong matuto kaya’t hanggang eskwela ay tinuturo ito. Madali itong maka-akses ng mga balita sa ating bansa kaya’t madaling gamitin upang lagging maging updated at pwedeng dalhin sa kahit saang lugar , sa kadahilanang iyon ay mas madali itong nakapaghahatid ng mga balita at promosyon sa atin na minsan naming nagiging biased dahil sa kapangyarihan ng radio na makapaghikayat at makapagpasunod ng tao ay ginagawa nila ito upang mas marami pa ang sumuporta o tumangkilik sa kung ano man ang binibigyan nila ng promosyon. Gayunpaman na kakaunti na ang nakakakita ng importansya nito sa lipunan dahil sa marami na ding iba pang instrumento na maaring makapaghatid balita o kaya naman ay maging libangan tulad ng telebisyon o iba pang mga social media na merong mga imaheng biswal na mas nakakaaliw panuodin ay hindi padin ito pwedeng basta basta maglaho sa ating kultura sapagkat tulad ng ating wikang tumatanda, marami man tayong matutunan na salita ay hindi mo pwedeng kalimutan ang sariling salita.

Ang radyo ay isang midyang pangmasa. Sa pamamagitan ng radyo maaari tayong makakuha ng samu’t saring mga balita tungkol sa ating lipunan. Para makakuha ng balita sa radyo ang mga tao, may mga broadcaster na naghahatid sa atin ng mga balita. Madalas na pag usapan sa radyo ay ang mga isyu sa ating lipunan. Sa pag uusap ng tungkol sa mga isyu sa ating lipunan maaaring maging bias ang isang pagbabalita lalo na kung talagang may kinakampihan ang isang broadcaster. Sa pag uusap ng mga isyu ng mga brodkaster sila ay nagiging malaya. Sadya silang naglalaan ng mahabang oras para pag usapan ang isyu sa ating lipunan. Malaya sila sapagka’t maaari nilang ipahayag ang kanilang sariling opinyon tungkol sa isang usapin. Habang pinag uusapan ng mga broadcaster ang isyu sa lipunan ay nalalaman ng mga tao ang tungkol sa usapin na isyu sa ating lipunan at ng dahil sa pakikinig ng mga tao inaakala nila na minsan ay tama ang lahat ng sinasabi ng isang broadcaster. Nang dahil sa maling kaisipan ng mga tao tungkol sa kanilang pag aakala na tama ang lahat ng sinasabi ng isang broadcaster. Kinakampihan rin nila ang kung alin ang kinakampihan ng broadcaster dahil akala nila ay yun ang tama. Sa pangyayaring ito ang isipan ng mga tao ay nalalason. Hindi na nila nakikita kung alin ang tama at kung alin ang mali. Kung sino ang nasa tama o mali sa isyu. Dapat tayong maging matalino sa pakikinig at pagdedesisyon sa kung alin ang tama.

Ang wika ay maituturing na pinakamabisang kasangkapan sa ating pakikipag-komunikasyon sa ating kapwa. Ang wika, pasalita man o pasulat ay magiging sandata natin sa ating pakikihamok sa mga hamon ng buhay. Ang wika ay binubuo ng mga titik at simbulo na kapag pinagsama-sama ay maipapahayag natin ang mga nararamdaman natin sa ating pamilya, kaibigan, o kung sino pa man na kakilala natin. Kung nakakasugat siguro ang ating mga winiwika, kung yung mga sinasalita natin ay tunay ngang nakakahiwa, napakarami na sigurong nakahandusay sa sahig, nagilitan na ng mga ugat, mga bangkay na silang malamig. Lahat na siguro tayo ay nadakip na rin ngayon, ikukulong sa malamig na piitan sa napakahaba ngang panahon. Mapagbayaran lang natin ang mga salita nating makasalanan, mga katagang kutsilyo na sa dibdib ng iba’y ating iniwanan. Malaya pa naman tayong mga Pilipino, malaya pang magsalita, malaya pang ihayag kung ano ang ating ginugunita, malaya pang bumulyaw kahit makasakit man ng damdamin, malaya pang pumatay ng mga pangarap at sumira ng pag-asa, malaya pang ipadama na kumpara sa lahat, mahusay tayo, at yung ibang natitira, lahat sila, inutil na.

 Pandudusta, panlalait, mga panghahamak, mga nasisirang pangako at pakunwaring pagbabalak, patalim na matalas nga minsan ang binibitawan nating salita. Hindi natin ikaaangat ang pangmamaliit sa iba, magaling man ito magsalita ng ingles, o tagalog, tayo ay pareparehas lamang ng pinang-galingan. Mga Pilipino tayo, hindi natin ikadadakila kung dudurugin natin ang isa’t isa gamit ang ating pinagmamalaki na wika. Gamitin ang ating wika upang makahilom ng sugat, upang matuto ang iba, sa pagkabulag ay mamulat. Matalino ang marunong makinig, palakasin ang mga loob ng mga gumuguho ang daigdig, kaya kung maaari upurin na natin ang ating mga matatalas na bibig.