#kasikatan

Pag narinig mo ang numerong 101, isa sa mga papasok sa utak mo ay mga asong batik-batik.   Hindi tungkol sa aso ang akdang ito. Tungkol ito sa isaangdaan at isang taong kasalukuyang nasa likod ng bawat isa sa atin. Kung mahilig kang magbasa, para sayo ito, at kung hindi naman, lalong para sayo ito! Dahil alam kong nakakaramdam ka ng pagkalungkot minsan kapag tila walang nakakapansin ng iyong mga sinasabi, ng iyong mga sinusulat, ng iyong mga nilalathala. Isaangdaan at isa, bilang ng taong nakapaligid sayo. Ang ilan ay kaibigan, marami ang kaawaay, at meron namang gusto lang makiusyoso sa personal mong buhay. Isangdaan at isa, iba-iba man, lahat sila ay naririnig ang iyong tinig, malinaw na malinaw sa kanilang mga tengang mapagmatyag. Ngunit sa kanilang lahat, yung isa lamang ang tanging nakakaunawa. Iba ang bilang ngunit may pagkakahawig sa tema ng 12 disipulo. Maaaring marami kang tagapakinig pero iilan lang ang totoong nakakaunawa sayo. Pero dapat bang malungkot? Ang kasagutan ay ito - Ang isang nakakaunawa ay mas mahalaga kesa isangdaang nakikinig lang. Maaaring hindi isangdaan ang nakakapansin ng iyong mga sinasabi, ng iyong mga sinusulat, ng iyong mga nilalathala. Pero matuwa ka kung may nakakaunawang isa! Dahil sa bandang huli, hindi dami ang mas mahalaga, kundi ang bilang ng taong nabago ang buhay dahil sayong mga sinabi, sinulat at nilathala.