#itsgone

Me art eatinh

సంతోషమే సగం బలం!

ఏ మ‌నిషి కూడా రోజుకు ఒక‌సారి సంతోషంగా, మనస్సు లోతుల్లోంచి నవ్వుకునే ప‌రిస్థితులు నేడు మ‌న‌కున్నాయా?

రోజుకో కొత్త న్యూస్, రోజుకో మ‌ర‌ణ‌వార్త‌, రోజుకో పెళ్లి, రోజుకో పెటాకులు, రోజుకో ప్రేమాయ‌ణం, ప్రయాణం, మ‌త‌ఘ‌ర్ష‌ణ‌లు, రోడ్డు ప్ర‌మాదాలు, ఆత్మ‌హ‌త్య‌లు, ఆవిష్క‌ర‌ణ‌లు,  ప‌థ‌కాలు, నిర‌స‌న‌లు, ఉగ్ర క‌లాపాలు, చ‌దువులు, కొలువులు, నిరుద్యోగం అంటూ ఉరుకులు, పరుగులు.  మంత్రి, ముఖ్యమంత్రి, రైతులు, రాజకీయ నాయకులు, క‌ర్ష‌కులు,కార్మికులు, ఉద్యోగ‌స్తులు, వైద్యులు, ఉపాధ్యాయులు, డ్రైవ‌ర్లు, న‌ర్సులు, డాక్టర్లు ఇలా ఎవరి జీవితాన్ని టచ్ చేసినా..వేగమే కనబడుతోంది. జీవిత‌మంతా ప‌రిగెడుతూనే ఉంటాము. ఎందుకోసమో, ఎవరి కోసమో తెలియదు. ఎక్క‌డ నీకు సంతోషం అనేది కలుగదు ఎప్పుడో తప్ప!  లేనివానికి క‌ష్ట ప‌డ‌టంలోనే.. ఆనందం ఉంటుంది. ఉన్నవాడికి ఎంత ఉన్నా వారి న‌వ్వులో విషాదం ఉంటుంది కొంద‌రికి. స‌వాల‌క్ష ఉండ‌ని క‌నీసం ఒక రెండు నిమిషాలు సంతోషంగా న‌వ్వ‌గ‌ల‌గాలి. ఆ న‌వ్వు పెదాల పైనుంచి కాదు మ‌న‌సులో నుంచి, గుండెలోత్తుల్లోనుంచి వ‌చ్చిన‌ట్టైతే ఆ న‌వ్వులో అత‌ని ఆనందంగా ఉన్నాడా? అత‌ని బాధ‌లో ఉన్నాడా? అనేది వారి నవ్వే విధానాన్ని బట్టి బేరీజు వేయవచ్చు.. లాఫింగ్ క్ల‌బ్ లు న‌డుస్తున్నాయి .. కానీ అవ‌న్ని ఆర్టిఫీషియ‌ల్ న‌వ్వులు. తెలుగు మీడియాలో న‌వ్వుల రారాజులు వేణుమాధవ్(సీనియ‌ర్) గారు, జంధ్యాల గారు, ఇవివి స‌త్య‌నారాయ‌ణ‌ గారు, హ‌రికిష‌న్, సుత్తివేలు గారులు లేరు. ప‌గ‌ల‌బ‌డి న‌వ్వ‌డానికి. ఈప్పొద్దు రేపు జ‌బ్బ‌ర్ధస్త్ వంటి అతి హాస్యం పండించే షోలు త‌ప్ప బ్ర‌హ్మానందం, ఆలీల కామేడీలు కూడా సినిమాల‌లో బాగా త‌గ్గాయి.

మనిషి జీవితంలో నిజ‌మైన నవ్వు సంతోషంగా, ఆనందంగా న‌వ్వించే స‌మ‌యం, సంద‌ర్భం ఉంటుంది చూడు అది అదుర్స్. నాకు ఒక‌సారి ఐన్యూస్ భూమ్ లో ఉన్న‌ప్పుడు సెల్లార్లో ఛాయ్ తాగుతున్నాము. నా స్నేహితుడు ఒక‌రు ఏదో జోక్ వేశారు. నాకు మొద‌టిసారి ఒకరు చెప్పేదాకా నీన‌వ్వులో సంతృప్తి పొందిన అనుభూతి, ఆనందం, ఎన్ని స‌మ‌స్య‌లు ఉన్నా! అవేవి గుర్తుకు రావు అన్నారు. ఆరోజు నుంచి నా జీవితంలో అలాంటి నవ్వులు లెక్కపెట్టడం మొదలు పెట్టాను. ఇప్పటి వరకు 5 లేదా 6  సంతోషాన్ని పంచిన న‌వ్వులు గుర్తుకు వచ్చాయి. ఆ సంతోషకరమైన నవ్వు మన దైనందిన జీవితంలో తగ్గుతున్నాయే తప్ప పెరగడం లేదు. మ‌రి మీ జీవితంలో అలాంటి సంతోషకరమైన.. అంటే మ‌న‌సులోతుల్లోంచి వ‌చ్చే న‌వ్వులు ఎన్ని ఉన్నాయో ఒకసారి లెక్క‌పెట్టుకోండి.. మీరు నిజంగా ఈ జీవితం ఎలా జీవిస్తున్నారు అనేది అర్థం అవుతుంది.