#diskusyon

DOH, nagbabala laban sa pagkalat ng flu virus

Hinimok ng Department of Health (DOH) ang publiko na mag-ingat kasabay ng pagpasok sa peak months ng flu season. Ngayong Enero at Pebrero daw kasi ang mga buwan kung kailan marami ang nagka-katrangkaso.

Ang kahabag-habag na kalagayan ni Ben sa loob ng kahoy na 'rehas' | Talakayan

Bakit nga ba ganito? Tayo mismo ang sumisira sa mga kapwa natin kalahi? Bakit kailangan natin makipagpaligsahan sa isa't isa para umangat lang? Pero hindi ba may pinaglaban ang mga ninuno nating mga bayani? Nagbuwis sila ng kanilang mga buhay para sa bayang ito, para sa mga susunod na henerasyon at tayo yun. Pero ano ng nangyayari ngayon? Parang bale-wala nalang ang ipinaglaban ng ating mga bayani nung nakaraan, dahil sa mga pangyayari ngayon. Pilipino mismo ang kapwa lumaban at pinagbabagsak ang kapwa Pilipino.

Demokratiko ang bansa natin. Oo. Sa papel, pero sa mga taong nakapaligid, parang may nakabihag parin sa mga mamamayan. At ito ay ang mga kapwa nila mamamayan. Hindi mauubusan ng panlait ang mga Pilipino para sa kapwa nila Pilipino. Bakit nga ba ganito? Bakit nga ba? 

Ilang beses ko mang paulit-ulitin ang tanong na ito sa aking isipan ay hindi ko pa rin malaman-laman ang sagot na karapatdapat. Sa bawat araw na lumilipas ay lalo pang nadadagdagan ang mga katanungang naipon na sa isipan ko. Kaya nga ba hindi maalis-alis ang inggit, dahil wala tayong salita na "TULUNGAN"? Pero meron naman, nagtutulungan tayo at nagkakaisa, ang kaso lang sa mga oras lang ng kagipitan. Dito lang tayo natatauhan na kailangan natin mag-kaisa at magtulungan... Pero kapag maluwag at hindi natin ramdam ang mga pasakit, kanya kanyang lait sa kapwa, kanya-kanyang paraan para umangat. 

'Yan ang hirap sa mga Pilipino, nakikipaligsahan sa mga kalahi nila. Imbis na ibaling nalang ang atensyon para mapaunlad, nag-iisip pa ng paraan para hindi mapag-iwanan. Pero hindi naman tayo mapagiiwanan kung magiging isa tayo. Sabi nga sa libro ni Bob Ong 

Ayos lang na iwan mo na ang barkong palubog na. Pero sa pag-alis mo, 'wag ka ng mag-iwan pa ng pampabigat sa barko na pilit pang sinasalba ng ibang tao

Ang mga katagang ito ang nakabuhay at nakakuha ng pansin ko sa ganitong usapin. Hindi na natin maiwan-iwan ang kaugaliang 'wag mag palamang, siguro pwede sa ibang bansa, pero para sa mga kababayan mo, iwaksi mo nalang ang ganyang kaugalian.