#08232019

Wag kang ano, may beauty talaga sa sleep ko. Pagkasipa ko sa alarm clock ko, napansin kong mataas na yung sikat ng araw. Naalala kong first day of school pala sa nilipatan kong school.

"Aw-waw-waw."

Napabangon ako nang sobrang bilis sumakit yung ulo ko. Nung umibsan na ito, dali-dali akong pumunta ng CR at binuksan ang gripo.

"UGH ANG LAMIIIGGGGG!“

Nadatnan ko na lang yung sarili ko sa loob ng school. Lunch break na. Buti na lang may kakilala akong kaibigan na nagaaral dito. Sabay kaming pumunta ng canteen. Pumila na kami ni Chandra (yun ang pangalan niya).

"Ate, gusto ko yung sinigang."

Sabi ko kay ateng nagseserve.

"Gusto ka ba?"

Sabay na sinabi sakin ni Ate at Chandra.

"Eh kung pag-untugin ko kaya kayo?"

Napatawa ng mahina si Ate samantalang si Chandra ay nagkibit-balikat lang. Umupo na kami. Isusubo ko pa nga lang ung isang kutsarang puno ng kanin nang narinig ko ang tyan kong nag-ingay. Takte, tawag ng tanghalan- este kalikasan.

"Hoi anuba."

Sabi ni Chandra nung bigla akong napatayo at tumakbo papuntang CR.

Anong meron sa araw na 'to, lagi na lang akong nagmamadali o tumatakbo.

Pagdating sa CR, sa dulong-dulong cubicle ako pumasok. Lam niyo namannn, hahahahaha. Alam kong di lang ako ang gumagawa nito. Di pa nakakalabas ung poop ko (pasensya na po sa mga kumakain dyan), may narinig akong ingay.

Rinig ko ang mga yabag nilang nagmamadaling pumasok sa katabing cubicle ko. Biglang lumamig yung simoy ng hangin. Chill lang ako pero nung naalala ko na walang bintana dito, takte kinilabutan ako. Ayoko ng tumingin sa space sa baba ng kabilang cubicle.

Binilisan ko na lang tumae. Tatayo na sana ako ng, may narinig akong "Plok~" sa katabing cubicle. Fudge, pati ba multo tumatae? Dahan-dahan akong lumabas ng cubicle ko.

Tatakbo na sana ako, pagkalabas ko. Kaso nagtaka ako nung biglang yumanig yung pinto ng katabing cubicle. Pabilis ng pabilis. At may biglang umungol. Wth, multo nag-aanuhan? Yikesss. Tumakbo na ako. Nung tumakbo ako, napalingon ako sa salamin at nakita ko ang sarili kong tumatakbo.

Pagdating ko sa canteen, tapos ng kumain si Chandra.

"Bat ka namumutla? Anong nangyari sayo?"

Sabi niya at kinuwento ko sa kanya lahat ng nangyari.

"Teka, san ka ba nag-CR?"

Tanong niya.

Sabi ko:

"Dun sa tabi ng hagdan."

Sabay turo kung san nga ako nag-CR.

Agad niyang pinalo kamay ko:

"Walang CR diyan."