“life is beautiful, pass it on”

وشعورك بوجوب الابتعاد،

رغبتك ‎بالصمت وتراجعك عن الكلام،

إحساسك الغريب بأنه ليس عليك فعل هذا أو ذاك،

جرب تحضن والدك و والدتك من غير سبب ، لو استغربوا فأنت محتاج تهتم بيهم اكتر!

جرب تتخيل ان لا سمح الله جالك مرض او ظرف قعدك فى البيت شهرين او اكتر ، لو هتواجه مشكلة مادية يبقي انت محتاج تعيد حسابتك المادية!

جرب تتخيل حياتك بدون اصحابك، لو لقيتها هتبقي احسن يبقي انت محتاج تدور على صحبه تنفعك فى دنيتك واخرتك !

جرب تؤدى كل الفروض + النوافل و تقوم ببعض الاعمال الخيرية كنوع من الاحسان ، لو الموضوع تقيل على قلبك فأنت محتاج تدعى ربنا يعينك على عبادته وتهتم بدينك اكتر!

لازم تجرب وتختبر علاقتك بكل حاجه وكل شيء فى حياتك وتعيد تقييم امورك عشان معظمنا بيغوص فى ابتلاءات و بيتوه فى زحمة المشاغل وبيخدعه الامل فى بكره وان مسيرها تتعدل رغم انها عشان تتعدل محتاج انه يعرف ويعترف بالغلط ، محتاجه منه خطوة ، مجازفه ، حركة فى اتجاه الصواب ، او أضعف الايمان نيه صادقه ودعاء بإخلاص…