ᛗᛚᛋΛИ⊤ᚺᚱ̇ᛟ̷ᛟ̷PᛚΞ

من الحاجات اللي مبقدرش أفهمها في تجمعات الشباب وأندية الرجال السريّة، هي حُبهم المبالغ فيه لصاحبات البشرة البيضا! وبكاد أكون الوحيد المُحب للدرجات الأغمق للبشرة، من قمحي لأسمر لغيره. وحاسس إن علماء الإجتماع لو دوروا ودرسوا الظاهرة دي، هيلاقوا سبب لحُبهم المبالغ فيه ده، لأن مستحيل تأثرهم ده يبقى طبيعي، خصوصا واحنا في مجتمع نسبة البيض تماما فيه قليلة جدا.

لعلّ أصدق أنواع اللقاء هي التي تحمل قدرًا من الغياب!

الحياة للأسف بتدفعني دفعا، وبتجرّني جرّا، نحو الواي بروتين!

نمت امبارح وسايب النرويج متقدمة على انجلترا، صحيت لاقيتهم اتغلبوا، والحقيقة ده خبر سيء لأن انجلترا دي منتخب عرص محبوش يكسب.

ومَن لا يظلمِ الناس.. يُظلُم!

صوت وديع الصافي في أغنيته "الليلُ يا ليلى يعاتبني ويقول لي سلّم على ليلى" اتخلق عشان يتسمع في ليالي الصيف. والإنسان قاعد لوحده في الشغل ومش لاقي حاجة يعملها.

من الحاجات اللي كنت مأجلها وعملتها النهاردة، إني أضيف هاشتاجات لكل حاجة بنشرها هنا، عشان تبقى أسهل في الرجوع ليها في أي وقت أحبه. الموضوع مرهق ومتعب، بس خلصت منه جزء كبير.

أكتر شيء صعب عليّ من جملة مسؤولياتي في الموقع، مش المعدات أو الشغل نفسه بكل اللي فيه، وإنّما مسؤوليتي عن الأفراد اللي معايا، عمال أو فنيين أو مهندسين.. العامل البشري هو أصعب عنصر من عناصر مسؤولياتي، وأكتر عنصر مجهد ليا وببذل جهد كبير تجاهه، وللأسف أكتر عنصر بيكون سبب للأخطاء أو المشاكل أو ربما حتى كوارث!