Abhivyanjana

Mohabbat me ki jaane wali ibaadat tha ye ishq,  par aaj dhokhe se khele jaane wala khel hai yeh,  milte hai khilaune iske,kitni hi dukaano mein,  Pehchaan thi jiski bade bade deewano me,  aaj bikta hai wahi ishq daulat ke paimaano mein.  Adhuri h abhi is marz ki kahani,  kami hai lafzon ki,adhure hain alfaaz,  shayad neeyat nahi h abhi ise pura krne ki aaj,  thamunga nahi yahi par, krunga main pura  ye daasatn e ishq, meri zubaani.

Chhide fir mere dil ke saaz,  aayi jab jazbaato ki awaaz,  inhi ko bas main sunta chala,  aur bas yun hi mai likhta chala.  Hogi koi vajah is safar ki,  talaashna jise mushkil tha,  najaane andhera tha raah mein,  ya pada aakhon par meri pardaa tha,  mili mujhe ek kiran, usi ka pichha karta chala,  usi roshni ke liye bas yun hi main likhta chala.  Kabhi ek nafrat thi toh kabhi pyaar ka ehsaas,  kabhi tha mann mein rosh toh kabhi na tha vichaar khaas,  aur kabhi apni yaadon ko sanjouta main chala,  aur bas yun hi main apni baaton ko likhta chala.  Saanson ke thamne par hoga iska ant,  aur tham jaega ye parimit panth,  bhula kar iska mukam shabdo ke moti pirota chala,  aur kisi ki parvaah kiye bina bas yun hi main likhta chala.

Thi jo tere mere darmiyan,  khushiyan rahi na ab yahan koi,  jane kaha ho gayi hai laapata,  iski humko bhanak bhi na hoi,  the sanjoye sapne sahare jiske,  pata nahi vo mohabbat kahan hai khoyi.  Itni shiddat se karti thi jiska shringaar,  uss haseen muskurahat ka nishaan na koi,  neeras ho gaya hai ab ye samaa,  bina iske zindagi bhi meri sooni hoyi,  banaye rakhti thi jo khubsurati tumhari,  jane vo mohabbat kahan hai khoyi.  Maujudgi se teri jaagi thi jo kismat meri,  jaane se tere vo bechari fir se hai soyi  kar gayi hai mujhko itna bebas aur tanha,  ki meri rooh bhi mere sang khoob hai royi  bandhe rakha tha jisne humare rishte ki dor ko,  karke mujhe adhoora jaane vo mohabbat kahan hai khoyi.

Kuch khwab hai mann mein mere  udaan bharne ko hai ye khade,  gire na ye kabhi, honslo se hu bharta,  na jaane kyun kho gaya hun main,  chalte huye apni manzil talaashta.  Kabhi milti mujhe koi ek disha,  milti kabhi mujhe dusri koi,  magar chalna h inhi par mujko,  iski mujhe samajh na hoye.  Dhundli kiran ki roshni mein  mann mera yeh vicharta,  na jaane kyun kho gaya hun main,  ujaale mein apni manzil talaashta.  Tarkeebon ki thi jaha chahal pahal,  sannaate se bhar gaya hai vo mahal.  Jazbe ka naamo nishaan nahi ab,  junoon ka jaha sher tha dahaadta,  na jaane kyun kho gaya hun main,  un galiyaro mein apni manzil talaashta.  Bhul gaya tha main is baat ko,  thi manzil meri talaashna khud ko,  khoj lunga apne aap ko pukaarta,  na jaane kaha kho gaya hun main,  dusro mein hun khud ko talaashta.