أَحْمد

عارفين إحساس ال numbness ، داه إحساس غريب كده زي إحساس الخمول وعدم الإحساس داه بقي عندي تقدر تقول عليا zombie مفرقش عنهم كتير صدقني او حتي the walking dead بس مش بطلع في المسلسل ولا باكل لحوم البشر ماتخافش عارف لو عملنا robot هطلع شبهه جدا بس الفرق بيننا إحساس الوقت يعني الوقت داه شيء بالنسبالي غريب، أوقات ببقي في الحاضر وأوقات ببقي في الماضي كتير أو المستقبل أحيانا قليلة ليه بقيت كده؟ مش عارف بس يمكن عشان اتولدت في المكان الغلط في الوقت الغلط مع بشر غلط ايه الحل ؟ صدقني معرفش أقولك انا مش حاسس بنفسي أصلا عشان أحس ان فيه حاجة غلط وأغيرها وكلامك عمره ما هيحسسني بحاجة يا تنضم ليا يا تتركني في عالمي الفريد اللي فايتك داه ويتركني وافتح tumblr وتختفي حالة ال numbness وتستبدلها حالة من الإحساس الرائع المؤقت حالة النشوي الزائفة...

هيا دي حاجة حقيقية ؟ عمرك فكرت فيها ؟ بين الثقة بالنفس والغرور شعرة ولا سور الصين العظيم ؟ أنا شايف ان الثقة بالنفس عامل نفسي مهم جدا أنا إنسان متقلب، يعني ممكن في اليوم الواحد أواجه حالات نفسية مختلفة، مرة أكون واثق من نفسي ومرة مغرور ومرة مهزوم ضعيف مكسور بس ليه كمية الإكتئاب لو انا مش واثق في نفسي مش يمكن مابحبهاش أصلا بس داه ما ينفعش، عارف بس أعمل ايه حاسس اني اتولدت في المكان الغلط في الوقت الغلط وسط مجتمع غلط أفكاري مشوشة، بس عامة عدم الثقة بالنفس مش بالضرورة وحش كفاية انه بيدفعني اني اعمل حاجات ترجع ثقتي بنفسي وبكده ببقي أحسن قالك أحسن.

بعدت سنة عن تمبلر، رحت للعالم الحقيقي ورجعت أحكيلكم عنه بس قبل ما انسي انتوا بجد وحشتوني، وحشني جنانكم وخيالكم وحشني ابداعكم وابداعي معاكم وحشني طيرانكم في سما غير السما في كوكب غير الكوكب في مجرة غير المجرة وحشتني كل حاجة فيكم وحشني وجودكم انا نسيت كنت عايز اقولكم ايه عن العالم الحقيقي بس اظن انتوا عارفينه كويس مانتوا هاربانين منه هنا زيي كلنا غرباء في عالمنا.