Mandy Mangaliman

Blood is thicker than water The blood of the covenant is thicker than the water of the womb.

I.

May magkakagusto pa kaya sa akin?

Kasi kung wala—ayos lang din.

May magkakainteres pa bang makilala ako?

Kasi kung wala—naiintindihan ko kayo.

II.

Sanay na akong kumain mag-isa.

Habang silang dalawa nagsusubuan pa.

Sanay na akong kaibigan ko lang ang kasama.

Habang sila maglalakad na lang hawak-kamay pa.

III.

Tanggap ko nang hindi ako gustuhin,

Kasi sino ba naman ako para kilalanin?

Kung may dumating, bibigyan ng pagkakataon.

Kung wala nama'y patuloy akong aahon.

IV.

Sino ba naman kasing gustong magising katabi ako?

Sino ba namang hahawak sa malamig na kamay ko?

Sino ba namang gustong marinig ang mga kwento ko?

Wala—dahil hindi naman ako yung taong gusto niyo.

V.

Baka nga mag-alaga na lang siguro ako ng aso

At doon ko na lang ilaan ang buong oras ko sa mundo.

Baka nga'y nalibot ko na ang buong mundo—

“FOLLOW YOUR PASSION” IS MEDYO MISLEADING

Kapag hindi ka masaya sa ginagawa mo, ang lakas makapangunsinti ng mga linyahang, “You should follow your passion.”  Kapag hindi ka nag-eexcel sa propesyong meron ka, palaging, “Kasi hindi naman ata yan yung hilig mo. Dapat sinusunod mo kung ano ang makakapagpasaya sa’yo.” ( Shet. Napakamakabagbagdamdamin.) Yung kapitbahay ko nga, passion daw niya ang mag-inom at maglasing. Bakit hanggang ngayon wala pa siyang kumpanya ng beer? Etong si Pareng Steve Jobs, literature naman talaga ang totoong passion niya nung college, so bakit may pa-Iphone iphone na siyang nalalaman ngayon?

Kung ang tagumpay ng tao ay nababase lamang sa pagiging passionate niya, sana lahat ng tao kasing sikat ni Ellen Degeneres. Kasing sucessfull ni Walt Disney. Kasing yaman ni Xian Gaza ( wait, what?! ) Merong mga taong mas passionate pa sa larangan nila pero bakit hindi pa rin nilang magawang maabot kung ano ang naabot nila? Kung sa simula pa lang panay na ang talo ni Pacquiao sa boxing sasabihin pa rin kaya niya na, “Pasontok ka lang ng pasontok. Follow your Passion.” Andun na kasi sila sa rurok ng tagumpay kaya baka may masabi na lang– para kunware iconic.

Maraming rekado ang kailangan mong isahog para magtagumpay. Kumbaga sa adobo, yung passion mo, isang sachet lang ng ‘Magic Sarap’.

Minsan kasi masyadong misleading yung “Follow your passion” na yan eh. Hindi porket sinunod mo kung ano ang hilig at gusto mo, magtatagumpay ka na. Like, agad-agad? Instant noodles lang ang meron, walang instant sucess. And you cannot short circuit success by just passion alone. Sa lahat ng lalakbayin mo andun palagi ang hirap, stress, at kabiguan. Pwede mong ininja-moves pero hindi mo matatakasan yan.

Parang napakaself-centered lang pakinggan kung mabubuhay ka dito sa mundo para sundin lang ang passion mo. Na nakasalalay ang tagumpay mo sa kung gaano ka ka-passionate. Na ang kaligayan mo ay nakadepende lang sa kung ano lang ang gusto mo. Ang selfish ng very light. We should not romanticize passion like ‘it is everything’. ‘Coz ladies and gentlemen, we are more than just our passion.

Para kasi sa iba, kapag hindi mo ginawa ang mga bagay na nakakapagpasaya sa’yo, parang sinasayang mo lang ang oras mo dito sa mundo. Na magsisisi ka for the rest of your life kapag hindi mo sinunod ang.. tandadadannnn. ang passion mo. There’s more to life than your passion. Wag mong i-isolate ang kahihinatnan ng buhay mo sa kung ano lang ang passion mo. Minsan, kailangan mo ring gawin ang mga bagay na hindi mo gusto para malaman mo ang tunay na kahulugan ng tagumpay.

I’ve been working here in Qatar for almost 3 years. ( Wow, English.) Hindi ko man direktang nakukuha yung sayang gusto ko sa loob ng trabaho ko, kapag naiisip kong ito ang dahilan kung bakit ako nakakapagprovide sa pamilya ko, mas doble pa yung sayang bumabalik sa’kin. (*sent screenshot to MMK kase may tumulong uhog sa kaliwang butas ng ilong.) And seeing my pamili happy, ohmaygad, my pamili…for me, uhm wait.. i told you that i was, seeing my pamili happy is already a sucesss. Bale, yung punto ko dito, kung happiness lang ang rason mo, there are almost 1,000 reasons to be happy na hindi involve yung sinasabi mong passion. Change the way you see things. Change your perspective about life.

It’s not just about doing what you love. It’s not just about passion. ( Dahil kung ganun din lang, sana tumambay na lang ako sa bahay at nagmahal ng lubusan.) It’s learning to love what you do at pahalagahan ang bawat opurtunidad na dumadating sa’yo gaano man ito kaliit o kalaki. Maging bukas ka sa lahat ng posibilidad na hindi nililimitahan ang kakayahan mo sa kung ano lamang ang passion mo. Higit ka pa sa iniisip mo. Marami ka pang magagawa.

Follow your purpose, not just your passion. Dahil yung calling mo, hindi lang limitado sa kung ano ang passion mo. Alamin mo yung pinakamalalalim na rason ng existence mo dito sa mundo and from that you will find the success that you really deserve na hindi matutumbasan ng kahit anong materyal na bagay.

—

PINOY CELEBS AS WAZE’S NAVIGATION VOICE

KRIS AQUINO:

OMG! Traffic. So ganito, turn left tayo….ayan. Perfect! So ayan, magleft ka na here. Kasi nung dumaan ako dun last week mga monday din yun as in grabe I swear, walang traffic. Then I remember when my dad told me about… Ohmygosh! Nakakaloka! Nakalampas tayo. Turn right daliiii. Ginusto ko to eh why not? panindigan!“

RUFFA MAE QUINTO:

“Frienddd, Go go go!!! Drive drive lang to the highest level. Turn right ka in 20. Ay mali, pasensha na. Left pala dapat. Ok fine. Todo na ‘to! Whoooo!!!”

PIA WURZTBACH:

“To turn right in 20 meters is both an honor and a responsibility. You can show the world the universe rather that you are confidently travelling with a heart”

TONI GONZAGA AS PBB HOST:

“Driver, nagustuhan kaya ng taumbayan ang ginawa mong pagU-turn? O mas pinili nilang pa-diretsuhin ka na lang para maka-iwas sa traffic? Malalaman mo kung ilang metro ka magraright-turn… sa aking pagbabalik.”

PRESIDENT DUTERTE:

“Putangina. Sabi ng kaliwa! Buang ka.”

KUYA KIM:

“In 300 meters, turn right to Osmena Hi-way. Kaunting kaalaman lamang. Alam nyo ba  naang Osmena Hi-way ay intersection ng Qurino Avenue sa Paco Manila hanggang Alabang, Muntinlupa. 3 bayan ang dinadaanan nito; Manila, Makati at Pasay.

MOCHA USON:

Hello mga ka-DDS, sa loob ng tatlumpung metro, kumanan ka dahil yun ang tamang daan. Wag tayong dumaan sa Tuwid na Daan dahil mga Dilawan yan. Bilisan mo lang Ka-DDS, kapag naaksidente ka walang may ibang kasalanan diyan kundi si VP Leni.

ANGELICA PANGANIBAN:

“Putangina. Sabi ng kaliwa in 200 meters. Ano? Nawala wi-fi ng kapitbahay? Ang pasensya ko di basta-basta nauubos pero ang 4G ko konting-konti na lang! Bilis!”

JOHN ARCILLA AS HENERAL LUNA:

“Lumampas ka na punyeta! Sabi ng magdahan-dahan. Meron tayong mas malaking kaaway kaysa sa mga traffic enforcer. Ang ating mga sarili.” "Kumanan o Mag-Uturn? Pumili ka!”

MAM CHARO:

Dear Driver, Pagsapit ng sampung metro, kumanan. Pagkarating sa iyong napiling destinasyon, hulaan ang title ng episode ngayon. Nagmamahal, Ate Charo

ZENAIDA SEBA,

“Sa buwan ng Hulyo, mas mainam na kumanan pagkalipas ng 200 metro. Malas ang mag-Uturn. Magiging malapit ka sa aksidente dahil kulay lavander ang panty mo. Tandaan, hindi hawak ng mga bituin ang kapalaran natin. Mayroon tayong traffic light, gamitin natin ito.”

TITO BOY:

“Kaibigan, usap tayo. Now naaaa!!  Let’s do fast talk. Kanan o kaliwa? In 300 meters, Red Light or Green Light?”

JANINA SAN MIGUEL: