El-Oh-Dyi-Ey-En

Sa loob ng mahabang panahon, ako ay nagbulag-bulagan sa historya ng ating bansa. Mga kilalang bayani, makabuluhang pangyayari at sakripisyong hindi mo mawari ay pinaniwalaan ko simula ng ako’y nasa elementarya. Ngunit matapos kong masaksihan ang isang pelikulang pinamagatang ‘Heneral Luna’ umigting ang aking pagkamangha sa isang bayaning hindi ko lubos kilala. Si Heneral Luna ay tagapamahalang heneral ng Hukbong Rebolusyonaryo, siya ay ginawang kabahagi ng sandatahang lakas laban sa mga Amerikano. Matikas, mahigpit at mayabang man kung sabihin, siya ay tunay na dakila sa aking paningin. Siya ay hindi makasarili sapagkat nagawa niyang isakripisyo ang sariling buhay upang ipaglaban ang bansang kanyang kinalakihan. Si Antonio Luna ang isa sa mga bayaning karapat-dapat nating kilalanin, tayo’y naniniwala sa mga salin salin tungkol historya, mga bayaning umuusbong dahil sa ranggo nila sa gobyerno, mga taong kilala dahil sa konting ginawa. Kilala man syang hambog at tahasan kung magsalita ngunit  hindi nadadalisan ng sariling kaugalian ang kanyang hangarin sa pagkamit ng kapayapaan. Pakikipagdigma man ang kanyang sandata ngunit ni minsan hindi niya tinalikuran ang sarili niyang bayan dahil sya’y may paninindigan sa bansang Pilipinas na hangga’t sya’y nabubuhay, pipilitin niyang kapayapaan at demokrasya ay maialay. Apolinario Mabini, Emilio Aguinaldo, ilan sa mga bayaning napatunayan kong hindi karapat-dapat bigyan ng parangal. Oo, mayroon silang utak na panlaban, ngunit walang silbi ang utak kung negosyo at pansarili lamang ang hinahangad. ‘Di bale nang maging Heneral Luna kaysa maging Emilio Aguinaldo na minsa’y nagtaksil ngunit ngayo’y pinupuri parin. Ang pelikulang ‘Heneral Luna’ ang nagbukas sa aking mga mata, tungkol sa hiwaga ng totoong historya.  Pasalin-dila at mga kasulatan man ang naging katibayan, hindi ito sapat upang pagkatiwalaan. Kailangan pa ng masusing pagsisiyasat sa nakaraan, kagaya ni Heneral Luna isang totoong bayaning hindi nagantimpalaan dahil sa pagbabago ng historya. Ayon nga sa isang linya sa pelikula, ‘Para kayong mga birheng naniniwala sa pag-ibig ng isang puta!’ hindi ko sinasabing wag tayong maniwala sa historya, ang sa akin lang sana’y naging akma ang historya sa totoong nangyari sa nakaraan upang hindi na tayo mag bulag-bulagan at malaman natin na si Antonio Luna ang totoong bayani simula pa noong una.  

MODERNISASYON: KABATAAN NOON AT NGAYON Sinasabi ng mga karamihan lalong-lalo na ang matatanda na nakikita ang pagkakaiba sa mga ugali ng mga kabataan noon at ngayon. Paano nila iyon nasabi? Narito ang mga nakita nilang pagkakaiba sa mga modernong kabataan: Noon, puspusan ang pag-aaral upang masagutan ang mga takdang aralin. Ngayon, isang klik lang, may takdang aralin ka na! Pero meron talagang matatamad na kahit nasa harapan na nila ang kompyuter, tamad paring i-new tab dahil puro facebook at DOTA na lang ang inaatupag. Noon, magalang daw ang mga kabataan dahil nagmamano sila sa mga nakakatanda. Anong bago ngayon? Makikipag HI tapos sabay pabebe wave. O diba?! Masyadong kyut (Totoo naman). Noon, patintero, lupa langit, tagu taguan at taya tayaan. Ngayon, “COC tirada oy!” Ika nga nila. May Y8 at Y3 pa. Para sa mahihilig sa musika, Youtube. Para sa matatalino, Google. At sa mga gusto namang kumalap ng mga balita at tsismis, mag Facebook at Twitter ka na! Makikita mo talaga ang epekto ng modernisasyon sa ating mga kabataan ngayon. Kahit maraming negatibo at nagsasabing wala na kaming pakialam sa mundo, tiyak naman na ang puso namin hindi pusong bato. Pagtanggap sa katotohanan at pantay pantay na pag trato, ito'y magiging solusyon sa panibagong henerasyon.

          Ang kompyuter ay isang gamit na nilagyan ng silidan ng kaisipan na maihahalintulad sa bahagi ng kaisipan ng tao at Ito ay mahalaga sa atin dahil ito ang tumutulong na makapagkomyunikasyon sa ating mga kaibaigan, pamilya at iba pa, pero hindi sa lahat ng bagay ang kompyuter ang nakakatulong dahil minsan ginagamit ito sa kalokohan at nakakapanira sa mga tao. Nakakasira ang paggamit ng kompyuter sa reponsibilidad ng isang tao dahil gumagawa ang iba ng masasamang bagay na hindi naman katotohanan upang ipahiya sa maraming tao. Maraming tao lalong-lao na ang mga estudyante  ang gumagamit ng kompyuter para makapag“research”, o para makagawa ng takdang aralin pero dahil sa makabagong panahon, ito ay nalalagyan ng laro namaaring maka adik sa mga tao. Marami ng tao ang adik sa kompyuter, kadalasan hindi na sila umuuwi sa kanilang mga bahay, hindi na kumakain ng almusal, tanghalian, at hapunan, at lalong-lalo na ay hindi na makakagawa ng mga takdang aralin na ang kinalabasan ay ang pagkabagsak ng grado. Para masolusyonan ito kailangan nating limitahan ang pag laro sa kompyuter, wag natin aksayahin ang ating oras sa walang kakwentang- kwentang laro sa kompyuter dahil ito ang makakabagsak sa ating lalong-lalo na ang mga estudyante. Gamitin natin ito sa mabuting bagay hindi sa walang kwentang bagay .

Lahat na man ng tao ay hindi maipagkakaila na nag mamahalan meron ding iba na hanggang sulyap lang. Ngunit hindi madali ang pag pasok sa isang relasyon, dapat nating pag handaan ang kaakibat nito at dapat ay handa kayong masaktan. Walang relasyon na walang problema ni hinaharap at kung nalagpasan nila ang kanilang problema lalong tumitibay ang kanilang relasyon sa isa’t-isa ang iba naman ito ang dahilan kung bakit sila ay naghihiwalay. Ang pag pasok sa isang relasyon ay hindi madali dahil kailangan mong bigyang halaga ang isa’t-isa at pagiging tapat. Ngunit kapag siya na ang tumiwalag at sinaktan ka, matuto ka naman na sumuko, dahil minsan ginagago kana kinikilig ka pa. Kaya yung ibang relasyon na may pinaghahawakan sila yung tipong tumatagal dahil may tiwala sila sa isa’t-isa.

Hayyss. Tao nga naman.But im saying this para malaman kung ano talga ang katotohanan. Its praktikal naman. :) :) :)

INSPIRASYON? Ano nga ba ang insipirasyon saating buhay? Ito ba yung kapag naririnig mo lang ang pangalan niya o nakikita mo siya nakukumpleto na ang araw mo. Ang inspirasyon ang dahilan kung bakit nakaka ngiti ka sa lahat ng bagay ng ginagawa mo at kapag naririnig mo lang ang pangalan kahit nga siguro ang boses  niya  ganadong-ganado ka sa lahat ng ginagawa mo, yung di mo na napapansin yung pagod mo sa ginagawa mo, sa sobra mong pag iisip sakaniya, nakakaya mo na halos lahat ng imposible napapasabi ka sa sarili mo na kailangan mo kayanin ang lahat para sakaniya. Iba talaga nagagawa kapag may inspirasyon. tapos pag nadaanan mo lang siya parang bumabagal  ang lahat at di mo lang man siya mabura sa isipan mo kahit isang segundo lang dahil nga siya lang laman ng puso at isipan mo kahit anong gawin mo. Grabe talaga kapag may inspirasyon madami kang nagagawa na di mo inaaka dahil nga iba ang nagagawa ng inspirasyon saating buhay.