M.K

لكن الأجمل إنك تقرر تحب اللي اخترته.

أوقات المجتمع بيحطك تحت ضغط: “اتجوز بقى”، “السن بيجري”، “الفرصة دي متتعوضش”. فتلاقي نفسك حاطط شوية معايير، واخترت.

وبعد الجواز، ومع السنين، بتشوف شريك حياتك بعيون مختلفة. بتكتشف فيه حاجات حلوة، وحاجات صعبة، ويمكن تبدأ تسأل نفسك: “يا ترى أنا اخترت صح؟”

بس خد بالك… مش كل فكرة في دماغك حقيقة.

السوشيال ميديا كمان بتحب تولع النار. تفضل تعرضلك الحياة المثالية، وتهمس في ودنك:

“إيه اللي عملته في نفسك؟”

أو تقولها بشكل شيك:

“أنت وقتها ماكنتش ناضج… دلوقتي كبرت، وانفصل، وابدأ حياتك من جديد.”

الغريب إن المجتمع اللي استعجلك ترتبط… هو نفسه ممكن يبقى أول واحد يستعجلك تنفصل.

لكن فيه اختيار تاني.

كل يوم تقرر تحب الشخص اللي اخترته.

مش لأنه كامل…

ولا لأنه أفضل شخص على وجه الأرض…

لكن لأن الحب الناضج مش مجرد إحساس، هو قرار بيتجدد.

وهقولك مفاجأة…

أنسب شخص في حياتك، غالبًا، هو الشخص اللي قررت تبني معاه حياة، وتشتغل أنت وهو على العلاقة.

مع الوقت، الذكريات المشتركة، والمواقف، والأولاد، والتحديات، والنجاحات… كلها بتخلق روابط أقوى من الانبهار الأول.

الاختلافات مش لازم تختفي، لكنها بتبطل تبقى سبب للهروب، وتبقى فرصة إن كل واحد فيكم ينضج ويتعلم يحب بطريقة أعمق.

ده مش معناه إن أي جواز لازم يستمر مهما كان. فيه علاقات مؤذية أو فيها عنف أو إهانة أو استحالة للتعايش، والانفصال فيها قد يكون هو القرار الصحيح.

لكن لو العلاقة قابلة للإصلاح…

ما تخليش المجتمع يلبسك في الأول ويقولك: “اتجوز بسرعة”،

وبعدين يلبسك في الآخر ويقولك: “اطلق بسرعة”.

فيه قرارات عظيمة في الحياة…

مش بتتاخد مرة واحدة.

بتتاخد كل يوم.

ومنها قرار إنك تحب اللي اخترته.

-الصمت الذي يصيب المرء بعد تقبل الواقع ومحاولة

التأقلم عليه مخيف الي أبعد حد

ذلك أن أخر ما يفعله المرء بعد أن يهزم ، أن يصمت

لا بقيت بسأل أنا فارق؟ ولا بدور على دليل يطمني، ولا حتى بقيت أصدق الكلام مهما كان جميل.

مش عشان الناس كلها وحشة... لكن عشان جربت إحساس إنك تكون مطمن لمكانتك عند حد، وفجأة تكتشف إنك كنت بتعشم نفسك زيادة، وإن وجودك وغيابك واحد.

ومن ساعتها بطلت أراهن، وبطلت أستنى، وبطلت أعلّق قلبي بتوقعات.

اللي عايزك هيتمسك بيك من غير ما تطلب، واللي مش شايف قيمتك، عمرك ما هتقدر تقنعه بيها.

قبل ما تعلق حد بيك، اقعد مع نفسك وكن صريح: لو لسه مش عارف تشيل وجعك، بلاش تحمله لغيرك. لو عندك "اكتئاب" بيخليك تختفي فجأة، أو "سوء ظن" بيخليك تفسر كل كلمة بأسوأ احتمال، أو "مزاجية" بتخليك تدي الحب يوم وتسحبه عشرة.. فإنت كدة مش بتحب، إنت بتدمر.

أكبر أنانية ممكن ترتكبها هي إنك تستخدم "إنسان ملوش ذنب" كمحطة ترانزيت لحد ما تروق، أو كمسكّن لوجعك القديم. الطرف التاني مش "مركز إعادة تأهيل"، ده بني آدم من حقه يحس بالأمان، مش يفضل تايه بيدور وراك هو غلط في إيه.

اتصالح مع كلاكيعك الأول، وصالح نفسك على عيوبك، وبعدين ابقى افتح بابك للناس. القسوة مش إنك تكون شديد، القسوة إنك تكرر الوجع اللي عديت بيه مع إنسان كل ذنبه إنه صدقك.