OneThou

ជំពាក់ផ្លូវចិត្ត គឺចិត្តស្មុគស្មាញរកផ្លូវដោះផ្លូវចិត្តមិនចេញ ចំនែក ជំពាក់ចិត្ត គឺចិត្តមិនដាច់ ទោះដឹងផ្លូវរំដោះចិត្តក៏ដោយ ក៏ចិត្តនៅតែមិនអាចធ្វើទៅរួច។

មិន​ថា​អតីត​កាល​លំបាក​លំបិន​យ៉ាងណា​ ក៏​អ្នក​អាច​ចាប់​ផ្តើម​ជា​ថ្មី​បាន​ជា​និច្ច​។

ជួនកាលអ្នកមានមនោសញ្ចេតនាជ្រៅជាប់ផុងរើមិនរួចពីមនោសញ្ចេតនារបស់ខ្លួនដែលជ្រុលជាមានជាមួយដៃគូជីវិតរបស់ខ្លួនទៅហើយនោះទៅទៀត​ វាជាទណ្ឌកម្មជីវិតមួយដ៏ធ្ងន់ធ្ងរសំរាប់មនុស្សដែលមានមនោសញ្ចេតនាជ្រៅដែលបានដៃគូជីវិតបែបនេះ​ គ្មានអ្វីអាចជួយមនុស្សនេះពីអន្លង់មនោសញ្ចេតនារបស់ខ្លួនក្រៅពីពេលវេលាទេ​ មិនអាចរកបាននូវកំហុសនៃដៃគូជីវិតខ្លួនដើម្បីអោយខ្លួនគេចិត្តដាច់ក្នុងការចាកចេញទេ​ គឺមានតែពេលវេលាតែមួយគត់ហើយជួនកាលពេលវេលាក៏មិនអាចជួយគេអោយស្រង់ខ្លួនគេចេញអោយផុតពីអន្លង់មនោសញ្ចេតនាដែលគេបានបង្កើតបានដែរ ទោះមានពេលមួយជីវិតដើម្បីបំភ្លេចក៏ដោយ​ ព្រោះគេបានស្ពាយការមិនអស់ចិត្តយកមកគិតគ្រប់ពេលក្នុងជីវិតរបស់គេដែលជាហេតុមិនអាចអោយគេរើរួចពីអន្លង់មនោសញ្ចេតនានោះបានជាដាច់ខាត​ តែងាកទៅមើលដៃគូគេវិញមានអារម្មណ៍ថាធម្មតា។​ តែទោះជាឃើញដៃគូជីវិតគេមានអារម្មណ៍ធម្មតាចំពោះមនោសញ្ចេតនាដ៏ជ្រៅរបស់ខ្លួនក៏ដោយក៏គេនៅតែចិត្តមិនដាច់។​ នេះហើយជីវិត។។

ថ្ងៃណាមួយ អ្នកនឹងក្រឡេកមើលទៅក្រោយ ហើយឃើញថាវាមិនអីទេក្នុងការធ្វើខុស។ ជួបមនុស្សខុស។ វាមិនអីទេក្នុងការបរាជ័យ។ វាមិនអីទេក្នុងការចាកចេញពីកន្លែងដែលធ្វើឱ្យអ្នកមានអារម្មណ៍ឈឺចាប់។ អ្នកអាចព្យាយាមម្តងហើយម្តងទៀត ហើយអ្នកមិនចាំបាច់រំពឹងអ្វីពីនរណាម្នាក់ឡើយ។ គ្រាន់តែរស់នៅក្នុងជីវិតរបស់អ្នក ត្រូវមានចិត្តល្អ និងរីករាយនឹងការធ្វើដំណើររបស់អ្នក ព្រោះគ្មាននរណាម្នាក់អាចដើរលើផ្លូវរបស់អ្នកបានទេ។

មនុស្សស្រីទោះឯករាជ្យរួចផុតពីសម្ពាធ ទោះពោលពាក្យថាខ្លួន រឹងមាំ ទោះមើលពីចំងាយទៅហាក់ដូចរឹងមាំ តែធាតុពិតនៃស្រីរឹងមាំមិនអាចរឹងមាំសព្វគ្រប់យ៉ាងតែម្នាក់ឯងបានទេ។ រឹងមាំ ច្រើនតែលាក់ ដើម្បីបង្ហាញថាខ្លួនរឹងមាំ រឿងឈឺចាប់ជាច្រើន ត្រូវបានលាក់ខំទប់មិនបញ្ចេញអោយគេដឹង នេះជារបៀបរឹងមាំរបស់មនុស្សស្រីប្រភេទនេះ។ ជួនពេលខ្លះស្វែងរកគ្រឿងបន្លប់ចិត្ត មើលទៅហាក់រួចផុតទុក្ខកង្វល់ តែនៅទីស្ងាត់ម្នាក់ឯងមិនងាយចៀសរួចពីអារម្មណ៍អន្ទះអន្ទែងទេ អារម្មណ៍នៅតែដង្ហោយទាមទាររកមនុស្សយល់ចិត្ត ដែលនោះជាភាពទន់ជ្រាយពិតប្រាកដរបស់ធម្មធាតុជាស្រី។ មនុស្សស្រីអីចឹងអាចរឹងមាំពេញលេញសព្វជ្រុងជ្រោយទៅបានដោយមាន បុរសជាទីស្រឡាញ់ម្នាក់ដែលមានបេះដូងទូលាយ នៅក្បែរ ជាបង្អែកផ្លូវចិត្ត ពោលគឺ ជាបុរសដែកយល់ពីនាងដល់ជម្រៅ។ រស់ខ្វះមនុស្សយល់ពីជម្រៅចិត្ត ពិភពលោកជាទីកន្លែងដែលឯកោណាស់សម្រាប់មនុស្សសំបូរមនោសញ្ចេតនា ទោះទៅដល់ទីណា ទោះមានគ្រប់អ្វីៗ ទោះមានគ្រឿងបន្លប់ ចិត្តរាល់ថ្ងៃក៏នៅតែឯកោ រស់ខ្វះអ្នកយល់ចិត្ត៕

ទោះខួរក្បាលអ្នកឆ្លាតយ៉ាងណាក៏ដោយអោយតែចិត្តអ្នកមិនស្អាត ខួរក្បាលនោះនឹងបម្រើតែចិត្តមិនស្អាតនោះប៉ុណ្ណោះ

មនុស្សអាត្មានិយម ស្រលាញ់គេដើម្បីតែខ្លួនឯងគ្មានថ្ងៃពាល់ត្រូវឬទទួលបានភាពកក់ក្ដៅមួយដែលពេញលេញនោះទេ ជាពិសេសតែងតែឧស្សាហ៍ជួបរឿងខកបំណងធ្វើអោយខ្លួនសោកសៅដក់ជាប់ក្នុងដួងចិត្តមិនចេះដាច់ ហើយពេលខ្លះទៀតអាចវិវត្តន៍ទៅជាមនុស្សដែលមានវិបត្តិផ្លូវចិត្តកាន់តែខ្លាំងរហូតដល់បាត់បង់ភាពជាម្ចាស់ការលើខ្លួនឯង ៕

មនុស្សដែលស្រឡាញ់យើងពិតប្រាកដ គេប្រាកដជាមិនខ្វល់ថាយើងជានរណា ឬមកពីណាទេ អ្វីដែលគេដឹងគឺវត្ដមានរបស់យើងក្នុងដំណើរជីវិតរបស់គេ ។ តើមនុស្សបែបនេះមានប៉ុន្មាននាក់ទៅ ប្រហែលជាច្រើនណាស់ គ្រាន់តែពេលខ្លះយើងមើលរំលងគេ ឬគ្មានសំណាងជួបគេប៉ុណ្ណោះ។

ថ្ងៃណាមួយ អ្នកនឹងក្រឡេកមើលទៅក្រោយ ហើយឃើញថាវាមិនអីទេក្នុងការធ្វើខុស។ ជួបមនុស្សខុស។ វាមិនអីទេក្នុងការបរាជ័យ។ វាមិនអីទេក្នុងការចាកចេញពីកន្លែងដែលធ្វើឱ្យអ្នកមានអារម្មណ៍ឈឺចាប់។ អ្នកអាចព្យាយាមម្តងហើយម្តងទៀត ហើយអ្នកមិនចាំបាច់រំពឹងអ្វីពីនរណាម្នាក់ឡើយ។ គ្រាន់តែរស់នៅក្នុងជីវិតរបស់អ្នក ត្រូវមានចិត្តល្អ និងរីករាយនឹងការធ្វើដំណើររបស់អ្នក ព្រោះគ្មាននរណាម្នាក់អាចដើរលើផ្លូវរបស់អ្នកបានទេ។

ក្នុងទំនាក់ទំនងប្តីប្រពន្ធ បើអ្នកមិនអាចឈ្វេងយល់បាននូវសេចក្តីត្រូវការនៃអារម្មណ៍របស់ដៃគូអ្នកបានទេ ហើយលើសពីនេះទៀត​ អ្នកមិនទាំងយល់នូវអត្ថន័យពិតនៃសេចក្តីស្នេហាថាមានន័យយ៉ាងម៉េចទៅទៀតផងនោះ នោះទំនាក់ទំនងបែបនេះ នឹងបង្កើតឱ្យអ្នកនូវភាពឯកោយ៉ាងធំធេងក្នុងជីវិតរបស់អ្នកជាងអ្នករស់នៅម្នាក់ឯង។

ផ្តល់ទៅតែម្ខាងស្និទ្ធមិនបានទេ ឆ្លើយតបផងដែលជាលក្ខខណ្ឌ័មួយ បដិទានៈ តបវិញនោះហើយ ធ្វើចិត្តផ្តល់អោយហូរចេញមិនហត់។

ព្រះច័ន្ទពីមុននៅតែស្អាតដដែល ទោះបីជាពេលខ្លះ មានពពកស្រអាប់ផាត់បាំងរស្មីដួងព្រះច័ន្ទ តែព្រះច័ន្ទពីមុននៅតែជាព្រះច័ន្ទតែមួយដែលរះថ្ងៃនេះ​ ។

ដំណើរដែលអាចអោយមនុស្ស មានសភាពជាមនុស្សពេញលេញបាន គឺត្រូវបន្តុះមនោសញ្ចេតនាទៅអោយចិត្ត ផ្តើមឡើងដោយការរៀនគិតពិចារណា។

មនុស្សដែលមានសេចក្តីថ្លៃថ្នូរ ភ្លឺស្វាង និងដឹងច្បាស់ពីតំលៃខ្លួនរបស់គេផ្ទាល់ តែងតែមានអារម្មណ៍ថា ជាការបានដែលគ្មានតំលៃ៕

បើអ្នកសម្រេចចិត្តសាងផ្លូវស្នេហ៍ជាមួយនណាម្នាក់ហើយ​ អ្នកត្រូវតែផ្តល់សំណាងអោយដៃគូររបស់អ្នក។ការយល់ចិត្តគ្នាជារឿងសំខាន់សម្រាប់ដៃគូរស្នេហ៍របស់អ្នក។ស្នេហារបស់មនុស្សដែរមានឧត្តមគតិខ្ពស់មិនមែនជាតណ្ហាឡើយ។ ស្នេហាដែរពិតប្រាកដគឺជាការលះបង់និងការផ្តល់អោយ។

មនុស្សដែលគ្មានមនោសញ្ចេតនា អត់បានទទួលភាពកក់ក្តៅពីមនុស្សចិត្តមានមនោសញ្ចេតនាទេ គេមិនដឹងទេ គេមិនយល់ទេ កុំអោយមនោសញ្ចេតនាឬទឹកចិត្តទៅគេធ្វើអី ខាតណាស់ អត់ប្រយោជន៍ វាគ្មានតំលៃនឹងអោយទេ គេគ្មានគ្រឿងទទួលក្នុងចិត្តគេទេ ដូច្នេះវាគ្មានជារឿងសំខាន់សំរាប់ចិត្តគេទេ គេត្រូវការតែលុយឬប្រយោជន៍ណាមួយតែប៉ុណ្ណោះទេ ចិត្តរបស់គេបានប្រយោជន៍ទាំងនោះទើបសប្បាយ បើគេចង់បានអ្នក ចង់ទុកអ្នកអោយនៅជាមួយគេ គឺព្រោះប្រយោជន៍ទាំងនោះទេ មិនមែនព្រោះគេត្រូវការមនោសញ្ចេតនារបស់អ្នកឬទឹកចិត្តអ្នកចំពោះគេឡើយ៕

ជាប្តីល្អ ដែលសក្តិសមជាបុរសមេគ្រួសារដែលស្រ្តីប្រាថ្នា គឺជាបុរសដែលបេះដូងបង្កើតបានជំរកដ៏កក់ក្តៅសំរាប់គូជីវិតខ្លួន។ តើបុរសគួរអោយអ្វីទៅគូស្នេហ៍របស់ខ្លួន? ហើយគូស្នេហ៍ប្រភេទណាដែលគួរតែទទួលបាននូវការផ្ដល់អោយ? គួរអោយអភ័យគឺក្ដីសន្ដោស ទ្រព្យសម្បត្តិ លុយកាក់ ការមើលថែ របស់ទូទៅដែលមនុស្សមើលឃើញដោយភ្នែកថាជាការអោយ ត្រូវតែអោយដោយចិត្តអភ័យ មិនមែនអោយដោយចិត្តផ្គាប់ផ្គន់ អោយដោយចិត្តស្រលាញ់ភេទនោះទេ។ ការអោយអ្វីៗទាំងអស់ទៅគូស្នេហ៍របស់ខ្លួន បើអោយដោយចិត្តខុសគ្នាដូចជាការអោយដោយចិត្តផ្គាប់ផ្គន់ និងអោយដោយចិត្តសន្ដោស ឬចិត្តអភ័យមានតម្លៃខុសគ្នាដូចមេឃ និងដី។