صلاة .. تُفتح بها الأبواب المُغلقة

العالم حولي ملئ بما يحزنني كثيرا لكني احاول جاهده انا ابقا صامده لاجلك يا صغيرتي

و ساحاول ايضا انا اصلح من هذا العالم حتى تصلي انتي تجدي كل ماهو حولك جميل

يومين هيبقوا صعبين وهتعدي ….

يومين وزي ما عدت حواديت هتعدي دي كمان …

هتنسي كل المشاعر دي ، هتنسي حتى الألم

هتضحكي وهتقولي إزاي أنا كنت كدا ؟!

كل دا كلام اتقالي ، كلام عن فراق محتوم

وعن قلب لازم هيختبر الألم دا …..

قالولي الكلام دا وأنا صدقته ،

صدقته بالرغم من إن قلبي كان بيقول العكس …

كان بيقول أني مش هقدر ، وحتى لو قدرت

عمري ما هنسى !

وعدت الأيام ، الأسابيع ، شهور وبعديها سنين

عدت ويمكن فعلا الألم قل ،

كملت حياة وعيشت قصص ،

كملت عشان الحياة مابتقفش ،

مابتستناش ،

بس قلبي عمره ما نسي ،

قلبي فضل فاكره وفاكر كل تفاصيلنا ،

كل لما أغنية كنا بنحبها تشتغل بفتكره ،

بلاقي إحساس غريب جري في جسمه كله ،

ذكرى ، حالة ، لحظة بترجعني من جديد

سنين لعلاقة يمكن انتهت …. بس لسا ذكراها في قلبي باقي

مكان روحناه سوا ، فيلم ضحكنا عليه ،

ذكريات معاه هو … وبيه هو لسا عايشه في قلبي

عايشه بعد سنين …..

عشان تأكدلي إنه فيه قصص انكتب علينا نتخلى عنها

بس قلوبنا رافضه التخلي

وبتفضل مهما حاولنا

مهما عملنا

"النسيان" صعب اوي .... اوي !

والخوف من النسيان اصعب !

انتَ ما بتقدرش تتحكم فيه ، الزمن بيعدي و غصبن عنك بيمحي من ذاكرتك احداث انتَ مش عايز اصلا تنساها ! وعشان كده بقعد الف الف عشان افتكر اي حركة ، لفتة ، كلمة حتي خناقة بيني و بينها كأني بعمل refresh لل memory !

الاقيني مش فاكره قلبي ينقبض و اتخض !

اركز اكتر .... الاقيني مش فاكرة اكتر !

مع الوقت اكتشفت اني لما بركز اني افتكر .... بنسى !!!!!!

امي بتجري في دمي ، حركاتها و كلامها و ضحكتها و ذكراها ....