الماچيگا💄

‏اللَّه يرَاك وأنت تخوض المصاعب، وتتعرقل، وتتعثّر، ويُكسر قلبك، وتناضل، وتحاول، وتعود، اللَّه يسمع نداء قلبك الخافت، وبكاءك، وأنين روحك ،ومطّلع على ما يحويه صدرك، اللَّه شهيد على كلّ تنهيدة، وكلّ وجع ، فلا تقلق.

كم الخذلان اللي شوفته في حياتي وصلني لمرحلة إنّي بسأل نفسي دايمًا وأقول يا ترى الدور على مين في حياتي عشان أتصدم فيه، مين هيخذلني، مين هيبعد عني فجأة، وعلى الرغم إنّي بخاف من الوحدة وما بقتش عايزة أفارق حد تاني بس برجع وأقول لنفسي اللي خلاني أتحمّل فُراق كُل الناس دي يخليني أفتح القوس وأزوّد واحد.. أصل هعمل إيه يعني!

سنين كتير فاتت وأنا باستهلك مشاعري وطاقتي في إرضاء اللي حواليا ، بحاول أرضي الكل بدافع الحب مش المصلحة ، وأجي على نفسي علشان خاطر الناس اللي بحبها .. لحد ما في يوم وقفت مع نفسي وسألت : طب وأنا ؟ نفسيتي دي مين يحتويها ؟ ومشاعري اللي تعبت دي مين يقدّرها ؟ وقتها فهمت إن الإنسان مهما كان مُحب وجدع ، لازم يبقى ليه نصيب من الاهتمام والراحة ، لأن اللي بيستهلك نفسه علشان الكل في الآخر بيلاقي روحه فاضية ومتعبة ومحدش حاسس بيه وبيطلع من خسارة لخسارة أكبر

‏من أكبر أخطاء الحياة إننا مبنعرفش قيمة الحاجات غير بعد ما تضيع ، بنتعوّد على الناس واللحظات كأنهم دايماً موجودين ولما يمشوا بنفهم قيمتهم ، قدّر اللي معاك النهاردة قبل ما يبقى مجرد ذكرى وتندم عليه بكرة ، لأن اللي بيروح مش بيرجع فعلاً