#waluhan

Nakakita ka na ba ng

Kaluluwang di-payapa?

Sa gabi’y nagpapakita

Sa umaga’y may paramdam

Nakakita ka na ba ng

Kapreng naninigarilyo?

Sa bundok ay nakabantay

‘Tila ba may hinihintay

Nakakita ka na ba ng

Tyanak grabe kung mangagat?

Dahilan ng mga sugat

At malalalim na peklat

Kung ‘di pa nakakakita

‘Di mo naman kailangan pa

Ikaw ay magmasid-masid

May mga kahindik-hindik

Kriminal daw na nanlaban

Sa ulo’ng tama, duguan

Dinamay pati katawan

Halos lumabas ang laman

Ang batang menor de edad

Sa kapamilya’y nalinlang

Hinalay at ginahasa

Ni walang kalaban-laban

Para saan pa nga ba ang

Taunang katatakutan

Kung sa araw-araw naman