#sukat

Homosukat,

Raidalliset, värikkäät

Homosukat !!

Dahil 'di nagsasalita

Ibig sabihi’y “pwede na”?

Palibhasa’y nanahimik

Pinili ang ‘wag umimik

Dahil hindi nagbabawal

Ibig sabihi’y “sige na”?

'Di na nga nagpapaalam

Hindi pa pinapa-alam

Ang kapit ay luluwagan

Bahala na kung lilisan

Bakit pa ba iingatan

Kung hindi pinakikinggan?

llayo ang mga kamay

Paglaya ay gawing tunay

‘Wag na ‘wag ngang pipigilan

Ba't bihirang makausap

Kahit 'di naman mailap

Ang tinuring na pangarap

Nagdulot lamang ng hirap

Isipang nagda-dalawa

Sa kanan ba o kaliwa?

Wala rin akong magawa

Sa sarili ay maawa

Ano nga bang tatahakin

Ng nalilitong damdamin?

Tahimik na titiisin

Ang malamlam mong pagtingin

Ito nga ay karuwagan

Sa tapang, may kakulangan

'Pagkat ako ay naiwan

At wala ngang isang ‘hindi’

Ang narinig nya sa iyo

Ang ‘oo’ mo ay matindi

Sa alok nyang pagtatagpo

At wala ngang isang ‘bakit?’

Dali-dali kang kumilos

Nagdahan-dahan sa tinik

Ng tuksong padalus-dalos

At wala ngang isang oras

Kayo ngayo’y magkaharap

Kaluluwa’y pumipiglas

Habang kayo’y nag-uusap

At wala ngang isang metro

Ang pagitan nyong dalawa

Ngunit may nadarama ka

‘Di mainam at masama

At wala ngang isang tingin

Ang binalik nya sa iyo

Gusto lang nya ng kasama

At ‘di ng nasa isip mo

At hindi ka nga umimik

Sa sarili’y tinatanggap

Na mayroong pagpapasyang

Pumasok ka nang maulan

Dito sa may kalunsuran

Bawàs tuloy ang putukan

Na gusto rin ng iilan

Tulad ng nagdaang taon

May pag-asang sasalubong

Sumakto pa sa eleksyon

Sa’n naman kaya hahantong?

Balik sa normal na’ng buhay

Sa trabaho ay magsikhay

Sa trapik, kumaway-kaway

Mag-aral ng paghihintay

Bago’t luma ang dala mo

Karanasan man o tao

Sabik pa rin kami sa’yo