#urdubloggers

میں بتاؤں کیا؟

اپنے آپکو دوسروں کی نظر سے نہ دیکھیں۔ ﷲ پر اعتماد رکھیں۔ وہ الوکیل ہے۔ آپکے ساتھ کھڑا ہے۔ آپکا سہارا ہے۔ وہ آپکے دل کی وحشتوں کو جانتا ہے۔ انہیں دور کرنے پر قادر ہے۔ وہ کوزہ گر ہے۔ آپ ٹوٹ کر بکھر رہی ہیں، وہ اس بکھری ہوئی کو سمیٹ کر ایک نئے سانچے میں ڈھال رہا ہے۔ روح پر لگی دراڑوں سے روشنی چھن چھن کر اندر داخل ہو رہی ہے۔

آپکو نہیں پتہ لیکن المدبر کو کامل علم ہے کہاں کہاں کیسے پلاننگ کرنی ہے۔ نرم نازک لڑکی کو مضبوط عورت میں کیسے ڈھالنا ہے۔

اور پھر کوئی تم کو دیکھ کر تمہاری تعریف کرے تو تم کہو کہ پردہ میں بھی ہم محفوظ نہیں۔

کیا یہ پردہ ہے ؟

کیا پردہ اس لیے نہیں کہ تم پہ پہچان لی جاؤ کہ تم مسلمان عورت ہو اور تم ستائی نہ جاؤ؟

کیا پردہ وہ نہیں کہ جو تمہاری خوبصورتی کو چھپائے؟,جیسے کوئی اپنی سب سے قیمتی چیز سنبھال کر سب سے چھپا کر رکھتا ہے.

اصل پردہ ہی یہ ہے کہ تمہاری خوبصورتی چھپی ہو اور کوئی اس طرف متوجہ ہی نہ ہوسکے۔

پردہ یہ ہے کہ جب تم کہیں سے گزرو تو تم پہچان لی جاؤ اور تمہیں راستہ دیا جائے۔