#throwback feelings

bumalik sa unang banda na pinakinggan. sa banda na nagtanggal ng lungkot na meron ako. sana maging maayos na ulit ako. sana ito na yung lunas.

Should I leave you? Should I stay? Should I stop? Should I continue? I love you. Yes, I do But I don’t know If it’s still true.

Wala ng pag-asa para sagipin pa ang pag-iibigan nating nasayang, Sapagkat ang mga paa ko ay pagod na sa kahahabol ng mga nasayang nating panahon, kahit subukan mo pang saluhin ang mga tubig na nagmula sa mata ko gamit ang iyong mga kamay ay hindi iyon magiging sapat. Sapat, "Sapat" ang salitang ilang beses mong ipinangako sa akin pero sa huli ay sinabi mong ako ay nagkulang, Nagkulang sa pagmamahal? Pag-aaruga? Pag-alala? O pagpapahalaga? Hindi ko alam, hindi ko na alam. Ang mga kamay ko ay nagdurugo na sa kapupulot ng mga bubog ng puso kong ilang beses ng nabasag. Nabasag sa paulit-ulit mong pagsira ng tiwala ko, sa paulit-ulit na pagwasak ng mga pangako mo. Ano ba ang mali ko? Mali ba na minahal kita kahit na alam ko na ang ibigin ka ay daig pa ng pagkitil ko sa sarili kong buhay? Mali ba na kahit alam kong nauubos na ang pag-ibig na iyong nadarama at ang mga mata mo ay tumitingin na sa iba, ay pinilit ko pa ring ikulong ka sa bisig ko at ipaharap ka sa mundong inilaan ko para sa iyo? Mali ba na kahit nasasaktan na ako sa paghawak sa kamay mo na dati ay parang ulap na ngayon ay puno na ng tinik ay tuloy pa rin ako sa paghawak dito nang mahigpit? Mahal kasi kita, mahal na mahal. Kahit na ang mga mata ko ay wala ng luhang iniiyak pa. Kahit na ang puso ko ay durog-durog na. Kahit na ang sakit-sakit na. Wala ng pag-asa. Sapagkat ako ay napagod na sa ka-aasang ang dating "Tayo" ay maibabalik pa. Kaya ngayon ako naman ang tatalikod, Tatalikod sa pag-iibigan nating abo na lang ang natira. Tatalikod sa ala-alang kumupas na dahil sa mga luha ko. Tatalikod sa sakit na naidulot mo. Tatalikod na sa iyo.