#salungat

Hindi sapat! Hindi sapat ang tatlong taon sa pampang para makalimutan ang isa sa pinakagusto mo talagang gawin sa buhay. Dadating talaga ang panahon na lalangoy kang muli kahit paunti-unti. Pero sa totoo lang, nakakapanibago din,nahirapan akong mag-isip kung ano ang isusulat kong intro.

Anu-ano ba ang mga lumipas na balita sa buhay ko? (Wag mong basahin kung hindi ka interesado)

Una, nawala ako sa ministeryo na dati kong kinabibilangan. Sabihin na lang natin na hindi talaga maganda ang nagiging bunga pag hinaluan nang politika ang isang bagay lalo na kung sa loob pa mismo ng simbahan, tsk tsk tsk. Pero syempre, hindi ko na masyadong iha-highlight at baka sumikat pa. Hindi magandang ehemplo sa publiko ang mga taong punong-puno ng mga kasinungalingan sa buhay.

Talon na tayo sa pangalawa. Medyo nag-upgrade ang job description ko, from Graphic Artist to Webmaster! (insert konting kayabangan here). Salamat nga pala sa company na 8 taon ko nang pinaglilingkuran, ang Folsom Arts. Grabe lang! Dati, kahit Microsoft Word ay hindi ko alam gamitin, ngayon umi-HTML na kahit konti, at syempre, sakin din ang pagde-design ng website interface. And I can say, I really love the job!

At ang pangatlo, goodbye singleness! Nagkarun na ako ng isang mabait, maunawain, mapag-alaga, at napaka-mapagmahal na asawa, si Lenlen, ang kalahating parte ng buhay ko. Ang isa sa mga muling bumuhay sa aking mga daliri para muling magsulat.

Ano ba ang mga nagbago? Same old Gene pa din naman, mas seryoso lang ng konti, mas prangka, mas sensitibo, at mas matalim… Kaya mag-ingat… Nakakahiwa.

Salamat sa lahat ng followers sa Tumblr account ko na nanatili, although halos 1K din ang nabawas sa inyo, ok lang yan! Sabi nga ni Jun Subayton, “Magiging maayos din ang lahat.”

At sa mga hindi pa nakakaalam ng iba kong blog, kung interesado lang naman kayo, bisitahin nyo din ako sa Blogspot at Wordpress.

Kita-kits na lang sa mga meet-up kung palarin na makapunta pa din ako.

Adios!

- @salungat :D

Shit! Langyang lamok yan! <