#rushwa

#Rushwa ya ngono ni moja wapo ya changamoto zinazowakwamisha wanawake wengi kushiriki katika nyanja mbalimbali #zuiaukatili jenga jamii yenye usawa..piga konzi! #chokablok #witcheslair (at CBE - (Posta)Dar es Salaam) https://www.instagram.com/p/CT4LgdIN1O2/?utm_medium=tumblr

UCHUMI wa #tanzania🇹🇿 unakua wanasema... 🤤🤤🤤 #RUSHWA #chokablok #witcheslair (at Chato Chico) https://www.instagram.com/p/CS7OJAbDIiQ/?utm_medium=tumblr

Jeshi la Polisi Zanzibar limedaiwa kuvamia Ofisi za Mamlaka ya kuzuia Rushwa na Kuhujumu uchumi Zanzibar (ZAECA) Zilizopo Vuga na kuwapiga maafisa wa mamlaka hiyo. Kwa mujibu wa taarifa zilizofika kwa waandishi wa habari zinaeleza kuwa Jeshi la Polisi juzi lilivamia Ofisi za Mamlaka  hiyo na kuwapiga na kuwachukua baadhi ya maofisa wa ZAECA kwa kuwafunga pingu na kuwapeleka kituo cha polisi kilichopo Madema Mjini Unguja. Akikiri kutokea kwa tukio hilo Kamishna wa Jeshi la Polisi Zanzibar  Mohamed Hassan haji Alisema kwamba tukio hilo limetokea juzi na kwasasa lipo kwenye meza kwa lengo la kusuluhishwa  kwa njia ya mazungumzo kati ya maafisa wa jeshi la polisi na maafisa wa ZAECA. “Ni kweli hili suala lilitokea na sasa hivi tunalisuluhisha kwa njia ya mazungumzo kati yetu na wenzetu wa ZAECA kwa sababu hizi taasisi zipo kwa mujibu wa sheria na hakuna haja ya kuvutana kwa hivyo tunalizungumza na tutapata suluhisho” alisema Kamishna huyo. Awali Maafisa wa Mamlaka ya kuzuia Rushwa na Uhujumu Uchumi wanadaiwa walimuwekea mtego mmoja wa Askari wa Jeshi la Polisi na kumshika na Rushwa jambo ambalo limechochea hasira kwa jeshi hilo kutokana na mwenzao huyo kukamatwa na mtego na kwenda kutoa kichapo kwa maafisa wa ZAECA kwa madai kwamba wamedhalilishwa kukamatwa mwenzao. “Kwa ufupi wamekuja gari mbili za Defenders hapa na kwa kishindo wakiwa na yale mavazi yao na silaha wakaingia ndani na kuwakamata maafisa wa ZAECA lakini kishindo kilikuwa kikubwa watu wengine wakataharuki na wengine wakakimbia nje wengine ndio wakaingia Ikulu na katika maeneo ya  Ikulu watu waliokuwa nje na walinzi walishituka sana” alisema mmoja wa mashuhuda. Mkurugenzi wa Mamlaka ya kupambana na Rushwa na uhujumu uchumi Zanzibar ZAECA Mussa Haji Ali hakuwa tayari kulizungumza suala hilo licha ya kwamba limempa mshituko na hofu. #zaeca #rushwa #kataarushwa #sdg #zanzibar #sdg16 #goal16 https://www.instagram.com/p/BtwEhDph7hk/?utm_source=ig_tumblr_share&igshid=3xxrf26tkuti

Shirikisho la Mpira wa Miguu nchini (TFF) limepokea taarifa za tukio la rushwa ya upangaji wa matokeo katika mchezo wa Ligi Daraja la Kwanza kati ya Rhino Rangers na Dodoma FC. #tff #rhinorangers #dodomafc #rushwa #corruption #kataarushwa #sdg #goal16 https://www.instagram.com/p/BtwELTUh9nr/?utm_source=ig_tumblr_share&igshid=jsh93tum6dif

HABARI KUTOKA TANZANIA MTUMISHI WA TANROADS KIZIMBANI KWA TUHUMA ZA RUSHWA Taasisi ya Kuzuia na Kupambana na Rushwa, Mkoa wa Mbeya, imemfikisha Mahakamani mtumishi wa Wakala wa Barabarani(TANROADS) kwa tuhuma za kupokea rushwa ya shilingi 597,000. Akizungumza na waandishi wa habari ofisini kwake juzi, Mkuu wa Takukuru Mkoa wa Mbeya, Emmanuel Kiyano, alisema mtumishi huyo akiwa msimamizi wa mzani wa kupima magari uliopo eneo la Uyole Jijini Mbeya, alipokea kiasi hicho cha fedha kutoka kwa mtumishi wa Kampuni ya Kichina iitwayo Chongqing Foreign Trade Economic Corporation. Alisema Kesi hiyo namba CC. 189/ 2018 imefunguliwa katika mahakama ya Wilaya ya Mbeya, chini ya kifungu cha sheria ya Kuzuia na Kupambana na Rushwa namba 11/2007 dhidi ya mtumishi huyo wa umma Zabron Zebeda Kenan. Alieeleza kuwa mtumishi huyo wa Kampuni ya Kichina, Onesphory Ngonyani, inasemekana alitoa kiasi hicho cha fedha ili gari aina ya Howo lenye namba za usajili T 755BZC na Tela namba T587BPY lililokuwa halina kibali cha mzigo wenye upana usio wa kawaida(Abnomal Wide Load) lipite kwenye mzani huo bila ya kukamatwa. Aidha,Mkuu huyo alisema , Taasisi hiyo inaendelea kumtafuta mtumishi wa Kampuni ya Kichina, Onesphory Ngonyani kwani alifanikiwa kutoroka baada ya kutoa hongo hiyo, huku gari yake aina ya Toyota Carina lenye namba  T108 BQH likishikiliwa na ofisi hiyo ya TAKUKURU. "Baada ya kutoa fedha hiyo Ngonyani alitoweka na kukimbilia Mahali pasipo julikana ambapo tulifanikiwa kumamata gari anayo tumia hivyo tunamtaka afike na achukue gari lake "Alisema Kiyabo. Hata hivyo, alisema uchunguzi wa awali umebaini kuwa gari hiyo, iliponunuliwa haikubadilishwa umiliki wake hivyo kuna fedha ya serikali inatakiwa kulipwa kama ada ya kuhamisha umiliki na endapo ataendelea kujificha chombo hicho cha moto kitapigwa mnada ili kufidia gharama za serikali. Wakati huo huo Mkuu huyo wa Takukuru Mbeya alisema katika roho ya Tatu ya mwaka 2018/2019 taasisi hiyo imeendelea kuchambua mifumo katika utendaji wa serikali ,mashirika ya umma na sekta binafsi kwa lengo la kuzuia mianya ya rushwa . #kataarushwa #rushwa #corruption #sdgs #goal16 #stopcorruption #mbeya #china #company #court https://www.instagram.com/p/BtJzyB0Bcxi/?utm_source=ig_tumblr_share&igshid=e52fw4wformo

HABARI KUTOKA TANZANIA - APNAC IMEJADILI JINSI YA KUPAMBANA NA RUSHWA KWENYE VIPIMO VYA MAZAO Hayo ameyasema leo jijini Dodoma alipokuwa  akifungua Semina ya wabunge juu ya changamoto na mafanikio ya sheria ya vipimo ikiwa ni pamoja na wabunge hao kutoa michango yao katika semina hiyo jinsi ya kupambana na rushwa katika vipimo. Wabunge hao ni wanachama wa hiari wa chama cha kupambana na vitendo vya rushwa APNAC ambao hutoa michango juu ya kupambana na rushwa na kuifikisha panapo husika. Spika amesema kuwa wakulima wamekuwa wakinyonywa sana na baadhi ya wafanyabisha kwa kutumia vipimo ambavyo si sahihi ikiwemo ufungaji wa mazao kwa njia ya lumbesa. “Rasilimali nyingi zimekuwa zikipotea kutokana na ufungashaji kwa njia ya lumbesa , na nyinginezo ambazo si rasmi tufikie wakati tuwe na sheria kali zaidi kwani wakulima wetu wamenyonywa  na kupunjwa vya kutosha” amesema Ndugai Akitolea ufafanuzi kuhusiana na vipimo vya magari ya mizigo Spika alishangazwa kuona kuwa magari hayo licha ya kupita katika mizani mbalimbali lakini bado yanzuiwa sehemu Fulani kwa sababu ya kutakiwa kupimwa tena.  Aidha amesema kuwa hali hiyo imekuwa ikiwakera wananchi kwani hawaelewi nini tatizo mpaka kuwepo kwa vipimo kila sehemu na kufanya msururu wa magari kuwa mkubwa kusubiri kupimwa. “Kama ni magari ya mizigo inawezekana wakaongeza njiani lakini kama wale wanaosafirisha mafuta kweli jamani tuliangalie na hilo tuliangalie” amesisitiza Spika Ndugai amesema kuwa hali hiyo ni chimbuko la rushwa kwani kama mfanyabishara anayesafirisha mafuta ameshapima vituo vyote hakuna sababu ya kumzuiakwani uwezekano wa kuongeza ujazo wa mafuta njiani ni mdogo. Kwa upande wa vipimo, Waziri wa Biashara na Viwanda, Joseph Kakunda amesema kuwa bado kuna changamoto kubwa katika suala la vipimo. #viwanda #ndugai #apnac #rushwa #corruption #sdg #goal16 #tanzania #africa #parliament #industrial https://www.instagram.com/p/BtHO0C_BPNM/?utm_source=ig_tumblr_share&igshid=o3l5kniwslh9

HABARI KUTOKA TANZANIA TAASISI ya Kuzuia na Kupambana na Rushwa (Takukuru) imeiomba Mahakama ya Hakimu Mkazi Kisutu kwenda gerezani kumuhoji mshtakiwa Alloyscious Mandago katika kesi ya kuisababishia Serikali hasara ya Sh. bilioni mbili inayomkabili yeye na wenzake wanne. Katika kesi hiyo, mshtakiwa Mandago anashtakiwa pamoja na mfanyabiashara aliyetajwa na Rais John Magufuli kuwa alikuwa akiibia Serikali takriban Sh. Milioni saba kwa dakika, Mohamed Yusufali. Wakili wa Serikali kutoka Takukuru Leonard Swai Maombi hayo amewasilisha maombi leo, mbele ya Hakimu Mkazi Mkuu, Huruma Shaidi wakati kesi hiyo ilipokuja kwa ajili ya kutajwa. Wakili Swai alidai, wapo hatua za mwisho za kukamilisha taarifa ili kuwasomea washtakiwa maelezo ya mashahidi(Commital). pia aliiomba mahakama kumuhoji mshtakiwa huyo akiwa gerezani. Mahakama imeridhia mshtakiwa huyo kuhojiwa na kesi hiyo imeahirishwa hadi Februari 8, mwaka huu itakapikuja kwa ajili ya kutajwa. Mbali na Yusufali na Mandago washtakiwa wengine katika kesi hiyo ni Isaack Kasanga, Taherali Sujjauddin Taherali na Mohamed Seif ambapo wanakabiliwa na mashtaka 39 likiwemo la kuisababishia Serikali hasara ya Sh. bilioni mbili #takukuru #rushwa #billion #corruption #court #justice #peace #sdg #goal16 https://www.instagram.com/p/BtETx1jh6Fo/?utm_source=ig_tumblr_share&igshid=1oehv4ns3tws1

HABARI KUTOKA TANZANIA Taasisi ya kuzuia na kupambana na rushwa TAKUKURU, Mkoani Tabora imeokoa zaidi ya shilingi milioni 11.4 zizokanazo na malipo hewa na ukiukwaji wa taratibu za malipo katika sekta ya afya mkoani humo. Akizungumza na  Waandishi wa Habari,  Kaimu Mkuu wa TAKUKURU Mkoa wa Tabora Mashauri Elisante ameeleza kuwa fedha hizo zimeokolewa kutoka katika sekta ya afya baada ya kubaini kuna watumishi ambao wanajuhusisha na ubadhirifu. Kufuatia hali hiyo, TAKUKURU Mkoa wa Tabora imejiwekea mikakati madhubuti ya kuhakikisha vitendo vya rushwa vinadhibitiwa maeneo yote yanayolalamikiwa ikiwemo kuwakamata na kuwafikisha mahakamani watu wote wanaojihusisha na vitendo vya rushwa na ufisadi ili sheria ichukue mkondo wake.  Mashauri Elisante amesema pale tunapoona pesa zinatumika sivyo tuna haki ya kurudisha imebainika kuna wafanyakazi ambao si waadalifu  kwenye idara ya afya wamefanya ubadhilifu  na tunarudisha kwa sheria kuna sekta nyingi Serikalini lakini katika afya imetambulika kuwa na ubadhilifu wa fedha za serikali. Katika hatua nyingine, Elisante amesema TAKUKURU imejidhatiti kikamilifu kufuatilia miradi ya maendeleo katika idara za afya, maji na ujenzi hatua ambayo inalenga kudhibiti mianya ya rushwa  jambo ambalo litasaidia miradi ya selikari kukamilika kwa wakati. Aidha TAKUKURU  Mkoa wa Tabora imeshinda kesi sita kati ya kesi saba zilizofunguliwa mahakamani zikihusisha vitendo vya rushwa kwa kipindi cha mwezi Oktoba 2018 na Disemba 2018 sambamba na kudhibiti mianya ya rushwa katika mifumo ya ukusanyaji mapato na utoaji huduma kwa jamii. #takukuru #tabora #2018 #rushwa #corruption #million #revenue #sdgs #goal16 #peace #justice https://www.instagram.com/p/BtERjCbBMZ0/?utm_source=ig_tumblr_share&igshid=13239clh6if5r