#goal16

#Repost @theglobalgoals (@get_repost) ・・・ Today, we mark a legend’s birthday; an icon recognised globally for his fight for equality, justice, and peace. We honour Madiba’s legacy now and always. Illustrator Dlamini Qondile from South Africa, tells us what this day means to her and her thoughts behind capturing Mandela in this dynamic design. . . . . "To celebrate our Global Goals hero’s birthday, I wanted to remind people why he was #goals. The words he spoke inspired change and should inspire us today because a lot of inequality still persists. I drew him in Xhosa attire as a nod to his heritage, if you know anything about Xhosa people it’s their fiery zest for life, they sparkle and so does their traditional attire." @qew_doodles #Goal1 #Goal10 #goal16 https://www.instagram.com/p/CCyS88csHq5/?igshid=6go3uy4h2nsi

Read more in the #SDGs website

NAIBU Waziri wa Maji, Jumaa Aweso ameiagiza Taasisi ya Kuzuia na Kupambana na Rushwa (Takukuru) kuuchunguza ujenzi wa kibanda cha kuhifadhia jenereta ya kuvuta maji katika mradi wa maji wa Ruaha Mbuyuni, wilayani Kilolo mkoani Iringa kinachodaiwa kujengwa kwa zaidi ya Sh Milioni 20. Aliyasema hayo juzi katika ziara yake ya siku moja wilayani humo kukagua miradi mbalimbali ya maji, ikiwemo ile inayosuasua kwasababu mbalimbali. “Nimepata taarifa eti kibanda hiki kimejengwa kwa zaidi ya Sh Milioni 20,” alisema na kuuliza ukweli wa taarifa hizo kwa mhandisi wa maji wa halmashauri ya wilaya hiyo, Enock Basyagire aliyesema hakuwepo katika halmashauri hiyo wakati kikijengwa na kuomba akapitie nyaraka ili kujiridhisha. Aliwahimiza Takukuru kulifuatilia jambo hilo kwa haraka na kama kutakuwa na kile alichoita “matumizi mabaya ya fedha za umma” wahusika wakamatwe na kufikishwa mbele ya mkono wa sheria. Wakati huo huo, waziri Aweso ameoneshwa kusikitishwa kwake kuona katika mradi huo, tenki kubwa la kuhifadhi maji limejengwa katika eneo lisilo na chanzo cha maji; ambalo kwa mujibu wa taarifa ya mhandisi wa halmashauri hiyo, gharama yake ni zaidi ya Sh Milioni 45. “Huu ni uhuni, mmejenga tenki la Sh Milioni 45 na halijawahi kuwa na maji; mimi sio mtaalamu wa maji lakini najua, huwezi kujenga tenki katika eneo lisilo na chanzo cha uhakika cha maji, ni bora hapa mngechimba kisima kirefu huenda mngepata maji kwa ajili ya wananchi hawa wakati mkisubiri mradi mkubwa,” alisema. #kataarushwa #stopcorruption #dawasco #sdg #goal16 #takukuru https://www.instagram.com/p/Bt8g0yXhxf7/?utm_source=ig_tumblr_share&igshid=1ot57lvd3xcex

Mtaalamu wa mionzi wa Taasisi ya Mifupa Muhimbili (Moi), Siriacus Mwombeki, amepandishwa Kizimbani katika mahakama ya Ilala, jijini Dar es Salaam kwa kosa la kuomba rushwa ya Sh. milioni 1.5 pamoja na mchele kilo 10 ili afanye upasuaji wa uvimbe katika goti. Kwa mujibu wa taarifa iliyotolewa na Mkuu wa Taasisi ya Kuzuia na Kupambana na Rushwa (Takukuru) mkoa wa Ilala, Christopher Myava, Januari 31, mwaka huu alikamatwa na maafisa kwa kosa la kushawishi kuomba rushwa na kupokea rushwa kinyume cha sheria. “Mtuhumiwa huyo anakabiliwa na makosa ya kushawishi, kuomba na kupokea rushwa ya Sh.500,000 kinyume cha kifungu cha 15 cha Sheria ya Kuzuia na Kupambana na Rushwa Na.11 ya mwaka 2007,” alisema. Myava alieleza kuwa Januari 28, mwaka huu Mwombeki akiwa kwenye majukumu yake alishawishi, aliomba na kupokea Sh. 40,000 ili kumsaidia mtoto Nangale Kazembe kwenye upasuaji wa uvimbe kwenye goti. Alifafanua kuwa, Januari 28, mwaka huu Mwombeki alishawishi na kuomba Sh. 1,500,000 pamoja na mchele kilo 10 ili kumsaidia mtoto Kazembe afanyiwe upasuaji wa goti. Ilidaiwa kuwa Januari 31, mwaka huu mtuhumiwa Mwombeki akiwa kwenye majukumu yake MOI, alipokea Sh. 500,000 kutoka kwa mzazi wa mtoto huyo, Kazembe Bundala, kama sehemu ya malipo ya fedha iliyoombwa ili kumsaidia mtoto wake kufanyiwa upasuaji wa goti. #goal16 #sdg #moi #takukuru #kataarushwa #rushwa https://www.instagram.com/p/BtwE_pBBVzw/?utm_source=ig_tumblr_share&igshid=478dre2blymh

Rais wa Jamhuri ya Muungano wa Tanzania, Dkt. John Pombe Magufuli ameendelea kung’ara kimataifa katika mapambano dhidi ya rushwa na utawala bora. Hayo yamesemwa na Mkurugenzi Idara ya Habari na Msemaji Mkuu wa Serikali, Dkt. Hassan Abbasi leo Jijini Dodoma, wakati akiongea na Waandishi wa Habari kuhusu utekelezaji wa masuala mbalimbali ya Serikali. “Kutokana na utendaji wa kimageuzi wa Rais Magufuli, licha ya juhudi za watu wachache kuhaha kutaka kuichafua nchi yetu kimataifa, Tanzania imeendelea kuwa na taswira nzuri na heshima kubwa na ikiendelea kukubalika sana miongoni mwa Mataifa mbalimbali” amesema Dkt. Abbas Dkt. Abbasi amefafanua kuwa, kimataifa Rais Magufuli amekuwa akiipatia heshima kubwa nchi ya Tanzania kwa mapambano yasiyokoma dhidi ya rushwa hivyo taasisi za kimataifa ikiwemo TRANSPARENCY INTERNATIONAL zimeonesha Tanzania inaendelea kufanya vizuri katika miaka hii mitatu ikitoka nafasi ya 117 hadi 99. Aidha, Dkt. Abbasi ameongeza kuwa, Novemba, 2018 Serikali ya Nigeria ilitoa Tuzo ya Uongozi Bora kwa viongozi mbalimbali duniani akiwemo Rais Magufuli, mara baada ya Maonesho ya Kimataifa ya Sanaa na Ufundi yaliyofanyika nchini humo. “Jumla ya washiriki 123,446 walipiga kura kwenye tovuti ya Jarida la ALM kutoka Afrika na sehemu mbalimbali duniani, huku wengine 33,000 wakitumia mitandao ya kijamii na 3,400 wakituma maoni yao kupitia baruapepe na majukwaa mengine hivyo ili kupata ushindi huo. Rais Magufuli aliwashinda viongozi wengine mashuhuri wa Afrika ambao ni Kiongozi Mkuu wa Chama cha APC, Nigeria, Chifu Bola Ahmed Tinubu, Rais Cyril Ramaphosa wa Afrika Kusini na Rais Nana Akufo-Addo wa Ghana”ameeleza Dkt. Abbasi. Akizunguza kuhusu hali ya uchumi nchini Dkt. Abbasi ameeleza kuwa, Serikali inaamini Mwaka huu 2019 ukuaji wa uchumi nchini utafika asilimia 7.2 na kuifanya Tanzania kuendelea kuwa katika mataifa matano Afrika kwa uchumi unaokua kwa kasi na kuendelea kuwemo katika 10 ya dunia. "Tanzania imekuwa nchi ya tano barani Afrika katika ukuaji wa uchumi na hii inatokana na utekelezaji wa miradi na huduma mbalimbali za kiuchumi zinazoendelea”  amesema Dkt. Abassi. #sdg #goal16 #africa #transparency #tanzania #apc #kataarushwa https://www.instagram.com/p/BtwExvBhBFX/?utm_source=ig_tumblr_share&igshid=bodklhhtp0x1

HABARI KUTOKA TANZANIA MTUMISHI WA TANROADS KIZIMBANI KWA TUHUMA ZA RUSHWA Taasisi ya Kuzuia na Kupambana na Rushwa, Mkoa wa Mbeya, imemfikisha Mahakamani mtumishi wa Wakala wa Barabarani(TANROADS) kwa tuhuma za kupokea rushwa ya shilingi 597,000. Akizungumza na waandishi wa habari ofisini kwake juzi, Mkuu wa Takukuru Mkoa wa Mbeya, Emmanuel Kiyano, alisema mtumishi huyo akiwa msimamizi wa mzani wa kupima magari uliopo eneo la Uyole Jijini Mbeya, alipokea kiasi hicho cha fedha kutoka kwa mtumishi wa Kampuni ya Kichina iitwayo Chongqing Foreign Trade Economic Corporation. Alisema Kesi hiyo namba CC. 189/ 2018 imefunguliwa katika mahakama ya Wilaya ya Mbeya, chini ya kifungu cha sheria ya Kuzuia na Kupambana na Rushwa namba 11/2007 dhidi ya mtumishi huyo wa umma Zabron Zebeda Kenan. Alieeleza kuwa mtumishi huyo wa Kampuni ya Kichina, Onesphory Ngonyani, inasemekana alitoa kiasi hicho cha fedha ili gari aina ya Howo lenye namba za usajili T 755BZC na Tela namba T587BPY lililokuwa halina kibali cha mzigo wenye upana usio wa kawaida(Abnomal Wide Load) lipite kwenye mzani huo bila ya kukamatwa. Aidha,Mkuu huyo alisema , Taasisi hiyo inaendelea kumtafuta mtumishi wa Kampuni ya Kichina, Onesphory Ngonyani kwani alifanikiwa kutoroka baada ya kutoa hongo hiyo, huku gari yake aina ya Toyota Carina lenye namba  T108 BQH likishikiliwa na ofisi hiyo ya TAKUKURU. "Baada ya kutoa fedha hiyo Ngonyani alitoweka na kukimbilia Mahali pasipo julikana ambapo tulifanikiwa kumamata gari anayo tumia hivyo tunamtaka afike na achukue gari lake "Alisema Kiyabo. Hata hivyo, alisema uchunguzi wa awali umebaini kuwa gari hiyo, iliponunuliwa haikubadilishwa umiliki wake hivyo kuna fedha ya serikali inatakiwa kulipwa kama ada ya kuhamisha umiliki na endapo ataendelea kujificha chombo hicho cha moto kitapigwa mnada ili kufidia gharama za serikali. Wakati huo huo Mkuu huyo wa Takukuru Mbeya alisema katika roho ya Tatu ya mwaka 2018/2019 taasisi hiyo imeendelea kuchambua mifumo katika utendaji wa serikali ,mashirika ya umma na sekta binafsi kwa lengo la kuzuia mianya ya rushwa . #kataarushwa #rushwa #corruption #sdgs #goal16 #stopcorruption #mbeya #china #company #court https://www.instagram.com/p/BtJzyB0Bcxi/?utm_source=ig_tumblr_share&igshid=e52fw4wformo

HABARI KUTOKA TANZANIA Kaimu Mkuu wa Taasisi ya Kuzuia na Kupambana na Rushwa (TAKUKURU) Mkoa wa Mwanza Emmanuel Stenga amesema katika kipindi cha Oktoba hadi Disemba 2018 jumla ya malalamiko 135 yamepokelewa kati ya hayo Serikali za Mitaa zinaongoza kwa kuwa na jumla ya malalamiko 31, ikifuatiwa na idara ya afya 18, elimu 14, polisi 13, ardhi 12, maliasili na uvuvi nane, taasisi ya fedha saba na idara nyingine malalmiko 20  #takukuru #rushwa #corruption #sdg #goal16 #mwanza #tanzania #africa https://www.instagram.com/p/BtERGRVh5ft/?utm_source=ig_tumblr_share&igshid=13uryti01qcar