#praski

  Освен што се исклучително сочни и вкусни, праските се овошје кое е навистина здраво. Здравствените придобивки од праските се многу бројни:

Ниско калорични се и погодни за честа консумација

Одличен извор на витамин Ц

Многу се богати со калиум и железо

Помагаат за отстранување и олеснување на уринарни пореметувања

Содржат лутеин, зеаксантин и бета-криптоксантин кои се одлични поддржувачи посебно на здравјето на очите и организмот во целост

Ја подобруваат работата на одбранбениот (имуниот) систем на организмот

Праските се многу богати со растителни влакна

Помагаат во одржување на здравјето на нервниот систем

Го намалуваат нивото на холестерол

Обезбедуваат 1,5 грама протеини од 100 грама 

Многу се ефективни против интестинални (цревни) паразити

Ги потпомагаат и регулираат движењата на дебелото црево

Праските се силни антиоксиданси

Редовна консумација на праски помага во превениција на катаракта или повеќе познато во народот - перде на очите

Тие се моќен диуретик

Одличен релаксант и позитивен влијател врз психичката состојба на консументот.

    Автор: М-р Катерина Шамбевска

Дознајте повеќе за авторот

Состојки:

3 јајца

6 лажици шеќер + 1 ванила шеќер

12 лажици масло

12 лажици млеко

12 лажици брашно

1 прашок за печење

1 кора од лимон (по желба)

Додатоци:

1 конзерва компот од праски

1 прелив за торти

За фил:

700 мл млеко

4 лажици густин (нишесте)

1 пудинг од ванила

1 капсула прав екстракт од ванила

120 мл слатка павлака

8 лажици шеќер

75 гр маргарин

Подготовка:

Пенасто изматете ги јајцата со шеќерот. 

Постепено додавајте ги течните состојки и на крајот и останатите, матејќи со најмала брзина на миксерот.

Испечете пандишпан.

Одвојте дел од млекото за растворање на густинот и пудингот, а остатокот со шеќерот ставете да се вари. Пред точка на вриење додадете го и растворениот дел и сварете густ крем.

Исечете го маргаринот на ситни парчиња и вмешајте го во кремот. 

Додајте ја ванилата.

Откако кремот убаво ќе олади, измиксирајте ја во него и слатката павлака предходно цврсто разматена.

Печениот колач натопете го со сокот од конзервата. Потоа премачкајте го со кремот и одозгора ставете ги половинките праски од компот превртени со сечениот дел надолу, благо втиснувајќи.

Одозгора ако имате ставте проѕирен прелив за торти, оставете убаво да се здрви.

Сечете го на коцки, така што во секоја на средина ќе има по една половинка праска.

Автор: Клара Бос