#postilla

- postilla -

Manuscript Postilla of Nicholas deLyra

postilla

Sorgin er eins og köttur því feldur hennar er mjúkur og þófarnir líka. Og þegar vel stendur á þá liggur hún malandi. Minningarnar geta verið mjúkar. En sorgin er líka með klær sem eru beittar og það svíður undan þegar við erum klóruð. Og hún er með tennur sem bíta. Fast.

Gleðilega páska segjum við á páskadegi. En hvað segjum við svo á öðrum degi páska? Eða þriðja? Og hvað segjum við á tuttugasta og níunda degi páska? Ættum við ekki bara að segja: Gleðilega páska!

Hvernig væri að við reyndum öll að lifa í auðmýktinni sem Jesús kennir og strákurinn í sundlauginni orðar svo vel. Lifa þannig að heimurinn verði aðeins betri fyrir aðra. Og hvernig væri að við prófuðum að kveðjast ekki með bæ eða bless eða vertu sæll heldur með djúpu og einlægu augnatilliti og handabandi og svo lykilorði hins góða lífs: kærleikur.

Sem samfélag eigum við að gera það að markmiði okkar að „eins og stelpa“ og „eins og strákur“ sé hróseinkunn en ekki skammaryrði. Þannig að við getum öll verið stolt af því hvernig við erum.