#ph117

Kegiatan malam ini..... #meandmyangel #instamoment #instapict #bedakgembira #tuislaksmi #ph117 (at PH117 Residence)

مزاجي زفت صرلي تلاتة ساعات ، شعور الحياة لا معنى لها ويلا أنط من الشباك والضغط في الراس كأني حاسة حرفيا بدود الاكتئاب يغزو دماغي ونفسي أطلع كل الناس من حياتي عشان أرتاح بس أصلا مين في في حياتي لو أقول لأي شخص ممكن يعتبر في حياتي حأطلعك من حياتي حيقول مين قال إني في حياتك أصلا ههههه ، ما بأشتكي ، مريح كدة ، بأشتكي من دود الكآبة ، ومن هذي الرغبة في صب الغضب على الآخرين ، إيش سر الرغبة في التخلي هذي ؟ ، كره النفس يخليك تكره بني البشر حولك ؟ مني حاسة إني كارهة نفسي ، مو لدرجة إني أختفي بدال ما أكتب هذا الكلام عالأقل ، ومافي سبب جعل هذا الشعور بالسوء يبدأ ، فجأة ، وبعدها كل شي يصير يدعو للغضب والزعل ، وأقدر أشوف الجانب السيء بداخلي ، الحكم عالجميع بالسوء ، تكبير كل موقف تافه وجعله يبدو كجرم عظيم اقترفه الآخر ، كل آخر ، وآذاني ، وفي شي لطيف في الحقد على الجميع هو إنك تصير لا تهتم أبدا بما يظنه الآخرون عنك ، الآخرون الأقرب غالبا ، وإللي طبيعي تشيل ولو شوية هم إنك تعجبهم أو ما تضايقهم ، في هذي اللحظة أقول محد جبرهم يبقوا حولي ، يروحوا بعيد عني أو مشكلتهم ، بس في نفس الوقت وبالرغم من هذا الشعور في شعور قاهر بالوحدة والضعف إللي يمكن حتى ما أشوفهم ، إلين أحس باهتمام وحب حقيقي -ولا أقصد بالمعنى الرومانسي بالضرورة- غير متكلف يخليني أحس إنه في شي كان ناقص ، الإنسان كائن اجتماعي يهمه قبول الناس حوله له مهما ادعى غير ذلك ، هذا كلام علمي ، ولو إني أعرف هذا ، في هذي اللحظة أقدر أقول بسهولة إني ما أحتاج لا حب ولا اهتمام أحد ولو عشت لوحدي بدون ولا مخلوق يهتم بي أو يحبني حأعيش أسعد حياة ، ما أحتاج أعجب أحد وأقدر أسوي إللي أبغاه بدون ما أستنى رضى أحد ، ويبدو لي كلامي هذا شديد الصدق ، وحقيقي ، بس بعدين لمن أطلع من هذي الحالة وأذوق القبول والاهتمام حأحبهم وأنبسط بيهم وأسعى لهم ولو بدون ما أعترف لنفسي ، ومحا أعيش تماما لوحدي الحياة التي أدعي أنها أفضل حياة لأنها خالية من بشر يطالبون بأشياء ويتوقعون أشياء ، الحياة الأكثر حرية – View on Path.

😂😂😂😂😂😂😂😂 – View on Path.

أسبوع مو عام 😂 – View on Path.

بوتين ضد المثلية ومع الدعارة ، همم ، – View on Path.

انكسر قلبي وقولي إنه انكسر قلبي تركيز على شي سخيف وغير مهم في يومي ، بس نفسي أقول ، كان يوم يميل لإنه يكون جيّد ، مو مرة جيد بس لطيف وهادئ وخالي من الهموم و١٠٠٪‏ لنفسي ، أيامي المفضّلة ، نعسانة وما فيا أكتب بس نفسي أكتب فيا رغبة ملحّة أكتب وأفضفض بس عن إيش أتكلم مافي كلام حتنتهي علاقتنا وصلنا للطريق المسدود طالق ، وت ؟ ، أوك ولا شي ، نمت ، أحب تمبلر 💙

غلط أنزل هذي الصور عشني اليوم طلعت والعادة لمن أطلع أنزل صور من برة ، بس ننزلهم بالتدريج ، كان يوم كسلان ومرة مبسوطة إني ضغطت على نفسي ومشيت الألفين خطوة حقت اليوم في بداية يومي -حاطة هدف أمشي ألفين خطوة عالأقل كل يوم- ، مشيت ٤ آلاف ترا ، الرومميت حتسافر بعد شوية وشكلها التانية حتبقى وهذا شي مزعج بس طيّب ، إجازة ، إذا نسيت أقول هنا ، ويوم لا يبشر بالخير عشان الهدف أو أنجِز أو أروح عند أهلي أما أبقى هنا أبذّر وما أنجز فلأ . يزعجني الشخص إللي يقنع نفسه إنه حيسوي شي ويقول للناس إنه حيسويه وما يسويه ، زي إللي يقول حأتعلم ياباني وفرنسي وإيطالي كأن رغبته في التعلم هي إنجاز ، وحرفيا في بالي كلامه لا معنى له ولا قيمة له إلين حرفيا يجيني متعلم ، فاللي يقوله مجرد تعبير عن رغبة في التعلم مو إشارة إنه حيروح يتعلم من جد ، الفكرة إني أحسه يكذب على نفسه بكلامه وعدم إدراكه لإنه أحسن يسوي بعدين يتكلم عشان يمكن ما يقدر يسوي إللي بيقول إنه حيسويه يزعجني ، يعني أشوف الأمر عدم إدراك للذات ودوافها وبالتالي غباء وبالتالي يطيح من عيني شوية ويصنع بداخلي إحتقار تجاهه ، يمكن مو لمن يقول بس لمن أشوفه بعد نهاية السنة مثلا ما حقق شي من إللي قال إنه حيحققه ، بشكل عام يبدو لي أذكى تحقق الشي أو جزء جيّد منه بعدين تتكلم عشان محور الكون أنا لا أحكم عليك ، هههه ، في النهاية مالي دخل والحقيقة أحب أشوف أهداف الناس وكدة عشان حتى لو محا يسووها تعطي فكرة عن اهتماماتهم ، وأنا كتير قلت أهداف وما يويتها أتوقع ، المهم ..