𝑺𝒖𝒎𝒎𝒆𝒓 𝑮𝒆𝒕𝒂𝒘𝒂𝒚 2023

ㅤ

ㅤ ㅤ ㅤ ㅤ ㅤ ㅤ 𝗔𝗻𝗴 𝗣𝗶𝘁𝗼𝗻𝗴 𝗧𝗮𝗹𝗼𝗻𝗴 𝗻𝗴 𝗟𝗮𝗻𝗮𝘄 𝗦𝗲𝗯𝘂.

ㅤ ㅤ Lake Sebu, matatagpuan sa timog cotabato na may 87 000 katao isa sa pinaka importanteng watersheds sa Pilipinas at kilala bilang isa sa mga tagapag suplay ng tubig pang irigasyon. Pero hindi lang dito nakikilala ang Lake Sebu, kilala ito sa mga turista dahil sa iba’t ibang tanawing makikita dito. Mga turistang namamangha sa kagandahang itinatago ng Lake Sebu lalo na ang ipinagmamalaki nilang Seven Falls, pitong talon na hindi mo kasasawaan maski ilang beses mo nang tiningnan. Meron ding zipline sa lake sebu, ang pinakamataas na zipline sa buong timog silangang asya, habang nakasakay ka sa zipline mag aala ibon kang namamangha sa ganda ng kapaligiran pero kailangan mong harapin ang isa sa mga kinatatakutan ng karamihan ang taas na 600 feet habang nakasabit sa isang kable. Pero hindi diyan nagtatapos ang mga kayang ibigay sa iyo ng Seven falls ng lake sebu, hindi ka lang titingin sa mga talon pero pwede ka ding lumangoy sa mga ito basta’t siguraduhing may dala kang pampalit. Isa ako sa mga naaliw sa kagandahan ng lake sebu, bata pa ako nang aking napuntahan ang napakagandang tanawing nakatago sa timog cotabato. Papunta palang ng lake sebu ay kakaiba na agad ang pakiramdam dahil napakakitid ng daanat isang pagkakamali mo lang ay maari na kayong mahulog sa isang bangin, pero wag mag alala dahil propesyonal ang mga drayber na naghahatid sa mga turista paakyat sa seven falls.  Naaalala ko pa ang pakiramdam ng takot at saya habang sinusubukan ko ang napakataas na zipline. Hindi ko inaakala na sa edad kong iyon ay kakayanin kong labanan ang takot ko, napakasarap din sa pakiramdam ng tubig na bumabagsak mula sa itaas ng talon habang nalangoy ka sa ibaba nito. Nakikita ko ang maliliit na abot kamay bahag-hari na nabubuo mula sa tubig na tumatalsik na nasisilayan ng araw, pagtapos ay may nakahandang inihaw na isda at liempo na mas sumasarap pag nagmumukhang pang matanda ang kamay dala ng tubig. Hinding hindi ko makakalimutan ang espesyal na araw na ito dahil kasama ko ang pamilya ko at mga kamag anak namin. Naaalala ko pa na nagkakachawan kaming magpapamilya dahil sa mga ayaw sumabak sa zipline at sa mga nanginginig ang tuhod pagbaba dito, lalo na kaming mga bata na tinalo ang aming mga tito at tita na mas piniling suportahan kami kesa subukan ito. Nasubukan din naming kumausap ng mga taong t’boli at nakipagkwentuhan tungkol sa hirap at tiyaga nila para maalagaan at panatilihing malinis ang lugar. Parang kahapon lang na kumuha kami ng litrato sa tulay sa harap ng talon at ngayon magdamag na tayong nakakulong sa loob ng ating tahanan. Ang sarap balik balikan ng nakaraan lalo na sa sitwasyon natin ngayon, kelan kaya natin muling mararanasan ang tawanan kasama ang pamilya sa labas ng ating mga pintuan.

ㅤ

— 𝙇𝙤𝙧𝙚𝙣𝙯 𝙔𝙗𝙖𝙣𝙚𝙯